Mission and Vision - unicode
တၢ်ရ့လိာ်ဘၣ်ထွဲအကါဒိၣ်ကတၢၢ်လၢ နကမၤန့ၢ်ထီဘိန့ၣ် မ့ၢ်တၢ်ရ့လိာ်ဘၣ်ထွဲဒီး ခရံာ်လီၤႉ လၢတၢ်အံၤအဃိ ပအဲၣ်ဒိးထံၣ်လၢ ပှၤကလုာ်ခဲလၢာ် ကသ့ၣ်ညါ၀ဲ အ၀ဲမ့ၢ်မတၤဒီး လဲၤခီဖျိဘၣ် နီၢ်ကစၢ်အတၢ်ရ့လိာ်ဘၣ်ထွဲဒီး အီၤန့ၣ်လီၤႉ ပအဲၣ်ဒိးမၤစၢၤ ပှၤကိးဂၤဒဲးလၢ အတၢ်ဒိၣ်ထီၣ်လၢအ၀ဲသ့ၣ်အတၢ်နာ်အပူၤ, ကဲထီၣ်ပှၤလီၤဂာ်အါထီၣ်ဒီးခရံာ်, ဒီးဟ့ၣ်ခီဟ့ၣ်နီၤဘၣ် ယွၤအကလုၢ် ကထါ အတၢ်မ့ၢ်တၢ်တီ့ရှ ပှၤအဂၤတဖၣ်န့ၣ်လီၤႉ
ပတၢ်မၤ (Our Mission)
ပတၢ်မၤမ့ၢ်၀ဲ ပကမၤအိၣ်ထီၣ် တၢ်အိၣ်မူအတၢ်ဆီတလဲ အတၢ်ကူၣ်သ့ဘၣ်ထွဲဒီး တၢ်နၢ်ပၢၢ်လံာ်စီဆှံသ့၀ဲအဂီၢ့်ရှ ကတုၤဃီၤဆူ ပှၤကိးဂၤဒဲးအအိၣ်န့ၣ်လီၤႉ
ပတၢ်ထံၣ် (Our Vision)
ပတၢ်ထံၣ်မ့ၢ်၀ဲ ပကထံၣ်ဘၣ် ပှၤကလုာ်ခဲလၢာ် လဲၤခီဖျိပလၢၢ်ဘၣ် နီၢ်ကစၢ်အတၢ်ရ့လိာ်ဘၣ်ထွဲဒီးခရံာ်, ဒိၣ်ထီၣ်လၢ တၢ်လီၤဂာ် အါထီၣ်ဒီးအီၤ, ဒီး မၤတၢ်ခ့တၢ်ပှၤအတၢ်မၤလၢ အ၀ဲအဒူၣ်ဖိထၢဖိ အလီၢ်က၀ီၤနီၢ်ခိအပူၤန့ၣ်လီၤႉ
သးတဖျၢၣ်လၢမၤတၢ်အဂီၢ်
တၢ်အိၣ်ဖှိၣ်သရၣ်ကရၢဖဲ ဝ့ၢ်ခါ(လ)ဘၢး(Carlsbad) လၢအအိၣ်ဝဲဖဲ ကီၢ်နယူမဲးကစံၣ်ကိၣ် (New Mexico) တခါ ဆီၣ်ထွဲမၤစၢၤ ၦၤဂီၢ်မုၢ်လၢလီၢ်ကဝီၤပူၤတဖၣ် ခီဖျိတၢ်ဟ့ၣ်တၢ်အီၣ်တၢ်အီ လၢ အလီၤလၢ တိၤ ၂၄,၀၀၀ ပီၣ် ကိးလါဒဲးလီၤ. ကရၢခိၣ်နၢ်တဲဝဲ “ၦၤတဖၣ် ဟဲဆူအံၤသ့, ပကတူၢ်လိၥ်အီၤ ဒီးထံၣ်လိၥ်သးဒီးအီၤ ဖဲအအိၣ်တၢ် တပူၤလၢ်လၢ်န့ၣ်လီၤ. ပဖီတၢၣ်န့ၣ် မ့ၢ်...ဒ်သိးကမၤစၢၤမၤထီၣ်ဘး အဝဲသ့ၣ်အနီၢ်ခိ တၢ်လိၣ်တဖၣ်, ဒ်သိးအဝဲသ့ၣ် ကတုၤအိၣ် အနီၢ်သးအတၢ်လိၣ်တဖၣ်အဂီၢ်လီၤ. ” ဒ်ၦၤစူၢ်က့ၤနၥ်က့ၤ ခရံၥ်တဖၣ်အသိးန့ၣ် ကစၢ်ယွၤအဲၣ်ဒိး လၢပကဒိးသူတၢ်လၢအဟ့ၣ်ၦၤတဖၣ် ဒ်သိး ကကဲထီၣ်တၢ်ဆိၣ်ဂ့ၤလၢၦၤဂၤအဂီၢ်, ဒ်သိး ကထုးဘူးက့ၤ ၦၤဂီၢ်မုၢ်တဖၣ်ဆူအအိၣ်လီၤ. မ့ၢ်ပကမၤဂ့ၤအါထီၣ် သးလၢအမၤစၢၤတၢ် လၢအဟ့ၣ်ထီၣ် တၢ်လၤကပီၤဆူယွၤ ကသ့ဒ်လဲၣ်.
ပမၤဂ့ၤအါထီၣ်သးလၢအမၤစၢၤတၢ် ခီဖျိပသံကွၢ်ယွၤလၢကဒုးနဲၣ်ၦၤကျဲလၢ ပကဒိးသူ တၢ်ဟ့ၣ်လၢအဝဲဟ့ၣ်ၦၤ ဒ်သိးကကဲဘျုးလၢၦၤဂၤအဂီၢ်န့ၣ်လီၤ (၁ ပ့း ၄: ၁၀). လၢကျဲဒ်အံၤ, ပဟ့ၣ်ဆၢ “တၢ်ပၥ်ဖျါတၢ်ဘျုးဆူယွၤအိၣ်” လၢအတၢ်ဆိၣ်ဂ့ၤ အါအါဂီၢ်ဂီၢ်အဃိလီၤ (၂ ကရံၣ် ၉: ၁၂).
တၢ်မၤဂ့ၤၦၤဂၤန့ၣ် မ့ၢ်စၢ်ယ့ၣ်ၡူးအတၢ်မၤလၢအကါဒိၣ်တမံၤလီၤ. ဖဲကစၢ်ယါဘျါ…
ဆၢဒိးန့ၢ်ဟံၣ်ဃီတဖျၢၣ်
အဲ(န) (Anne) , က့ၢ်ဂီၤဒိလၢ အကါဒိၣ်ကတၢၢ် ဖဲလံၥ်တၢ်တဲပူၤ “the Anne of Green Gables stories” အပူၤန့ၣ် ဆၢဒိးန့ၢ်ဘၣ် ဒူၣ်ထၢတဒူၣ်လီၤ. မ့ၢ်အဝဲကဲထီၣ် ဖိၣ်ဃဲအဃိ, အတၢ်မုၢ်လၢ်လၢအိၣ်ဒီးအီၤထီဘိ လၢကထံၣ်န့ၢ် တၢ်လီၢ်တတီၤ လၢကမ့ၢ် အဟံၣ်အဃီန့ၣ် လီၤမၢ်ကွံၥ်လီၤ. ဘၣ်ဆၣ်လၢခံန့ၣ်, အဝဲသ့ၣ်ညါဘၣ်လၢပိၥ်ခွါသးၦၢ် မဲးသယူ (Matthew) ဒီးအဒီပုၢ်ဝဲၢ်မုၣ် မရ့လၣ် (Marilla) တဖၣ် ကက့ၤကိးအီၤဆူအဟံၣ်လီၤ. တၢ်က့ၤဒိးသိလ့ၣ်လၢခိၣ်ဒူၣ်တအိၣ် ဆူအဝဲသ့ၣ်အဟံၣ်န့ၣ် အဲ(န) ဃ့ဝဲသးစူၤလၢ အကတိၤတၢ်လၢကျဲဒီဘိလီၤ. ဘၣ်ဆၣ် မဲးသယူ လၢအမ့ၢ်ၦၤကတိၤတၢ်စှၤတဂၤစံးဝဲ “ဖဲနသးအိၣ်နကတိၤတၢ်သ့, ယတပၥ်သူၣ်ပၥ်သး မနုၤမးဘၣ်” တၢ်အံၤ မ့ၢ်ကလုၢ်အမုၥ် လၢ အဲ(န) အနၢ်ပူၤန့ၣ်လီၤ. လၢညါခါ အဲ(န)ဆိကမိၣ်ဝဲလၢ မတၤမးတသးလီအီၤ ဒီးတအဲၣ်ဒိးနၢ်ဟူ အကတိၤတၢ်ဘၣ်လီၤ. ဖဲအလဲၤတုၤဆူၦၤအဟံၣ် အဲ(န)သ့ၣ်ညါ ဘၣ်လၢ ဒီပုၢ်ဝဲၢ်တဖၣ် ဆိကမိၣ်လၢကလုၢ်ဖိပိၥ်ခွါသးစၢ်လၢ ကမၤစၢၤ အဝဲသ့ၣ် လၢစံၥ်ပျီပူၤအခါ အဲ(န)အတၢ်မုၢ်လၢ်ဟးဂီၤဝဲလီၤ. အဝဲဘၣ်ယိၣ်ဝဲလၢ ကဘၣ် တၢ်ဆှၢကဒါက့ၤအီၤလီၤ.…
တၢ်လီတၢ်ဝ့ၤအပၢ်
ကယီၤကယီၤန့ၣ် ဘ့းထၢၣ်ထုးက့ၤအသးလၢ တၢ်ကွၢ်တၢ်ဘ့ၣ်ဆ့တၢ်ဂီၤ တန့ၢ်လၢၤဘၣ်. အတံၤသကိးအါဂၤ ကွၢ်တၢ်ဂီၤမူဘၣ်အၢဘၣ်သီတဖၣ်, ဘ့းထၢၣ်စ့ၢ်ကီးတၢ်ကၢၣ် အသးအဃိ ကွၢ်ပိၥ်ဃုၥ်အသးကိးတဖၣ်အခံလီၤ. ဘၣ်ဆၣ်ခဲအံၤ, တၢ်မၤအံၤ ကမၣ်ဝဲထဲလဲၣ်န့ၣ် ဘ့းထၢၣ်နၢ်ပၢၢ်လံ - အဝဲမၤကမၣ်ဘၣ်ကစၢ်ယွၤလံ - မၤဟးဂီၤ မၤသဘှံအမါအသးလံ. အဝဲဆီၣ်လီၤက့ၤအသးလၢ ကပၢၤဃၥ်က့ၤအတၢ်အိၣ်မူ ဒီးတကွၢ်တၢ်ဘၣ်အၢတဖၣ်န့ၣ်လၢၤဘၣ်. ဘၣ်ဆၣ် အဝဲပျံၤတၢ်လၢ တၢ်အံၤမ့ၢ်စဲၤခံ ဝဲလံဧါ. အတၢ်ဆီဟံၣ်ဆီဃီ ဘၣ်ကမုၥ်ဒံးလၢၤဧါ. အဝဲကထူၣ်ဖျဲးထီၣ်ဝဲထီဘိဒီး ဒိးန့ၢ် တၢ်ပျၢ်တၢ်ကမၣ်အလၢအၦဲၤစ့ၢ်ဧါ.
ပဒုၣ်ပဒါမုၢ်ကီၤလံၢ် လ့ပစီတၢ်န့ၣ် မၤသးဒ် တမ့ၢ်တၢ်လၢအကီကဲၣ်ဆိးဘၣ်. အဝဲစံး, ‘ၦၤကိးဂၤမၤတၢ်ဒ်န့ၣ်ကစီဒီ, တၢ်ဘၣ်ဒိဆါမနုၤကအိၣ်လဲၣ်.’ ဘၣ်ဆၣ် ဖဲပစဲဘူးလၢအတၢ်ကူၣ် အကျဲတစိၢ်အပူၤ အဝဲစးထီၣ်မၤတၢ် ဒီးစံးဝဲ, “စဲၤခံဒိၣ်မးလံ. နလဲၤပူၤကွံၥ် ဖးယံၤမးလံ. ခဲအံၤနတၢ်မုၢ်လၢ်ဟါမၢ်လံ”န့ၣ်လီၤ.
ဒ်ပအိၣ်လၢနီၢ်သးတၢ်ဒုးပူၤအသိး, ဒုၣ်ဒါန့ၣ် ဒ်သိးကမၤဟးဂီၤၦၤအဂီၢ် တၢ်လၢအမိၣ်မၤသးန့ၣ် မနုၤဂ့ၤ မနုၤဂ့ၤ ကတဲၦၤလီၤ. ယ့ၣ်ၡူးစံးဝဲ, “အဝဲန့ၣ် လၢသီလံၤလံၤ မ့ၢ်ၦၤလၢအမၤသံၦၤကညီ, ဒီးတဆၢထၢၣ်ဘၣ်လၢ တၢ်မ့ၢ်တၢ်တီ အပူၤဘၣ်. အဂ့ၢ်ဒ်အံၤ,…
မ်တၢ်ကပီၤကဲထီၣ်တက့ၢ်
ဖဲယဖိမုၣ်ဖိအနီၢ်ဆံးဆံး ကတိၤတၢ်တချုးသ့ဒံးအခါ ညီနုၢ်ယတဲန့ၢ်အီၤတၢ်တဖၣ် လၢအထံၣ်ဝဲအမံၤလီၤ. ယနီၤဖးပဲၥ်ဖးန့ၢ် တၢ်ဖိတၢ်လံၤတဖၣ် မ့တမ့ၢ် ယပျဲအဖီၣ်ကွၢ် တၢ်လၢအတညီနုၢ်ထံၣ်ဘၣ်ဝဲတဖၣ် ဒီးတဲန့ၢ်အီၤတၢ်အမံၤ, ဒီးမၤစၢၤအီၤဒ်သိး ကနၢ်ပၢၢ်ဝဲလၢဟီၣ်ခိၣ်ဖးဒိၣ်လၢ အဝဲဒၣ်ဃုသ့ၣ်ညါတၢ်န့ၣ်လီၤ. ယဝၤသးဘိဒီးယၤ ပဆၢလၢ ပဖိမုၣ်ဖိအတၢ်ကတိၤအဆိကတၢၢ်ကမ့ၢ် မိမိ, မ့တမ့ၢ် ပါပါဘၣ်ဆၣ် အဝဲမၤကမၢ ကမၣ်ၦၤဒီးအတၢ်ကတိၤအဆိကတၢၢ် လၢလီၤဆီလိၥ်ဒီးပတၢ်မုၢ်လၢ် ဒိၣ်ဒိၣ်အါအါ တဖျၢၣ်လီၤ. အကိၥ်ပူၤဆံးဆံးဖိန့ၣ် ဟဲသီၣ်ထီၣ်တဖျိတဖျါလၢ ‘digit -ဒဲး ’ လၢအမ့ၢ်တၢ်ကတိၤ ‘light -တၢ်ကပီၤ’ မၤသီၣ်ကမၣ်ဝဲလၢ ‘digit -ဒဲး ’ န့ၣ်လီၤ.
‘light -တၢ်ကပီၤ ’ န့ၣ် မ့ၢ်ကစၢ်ယွၤအတၢ်ကတိၤအဆိကတၢၢ်တဖၣ် အကျါတဖျၢၣ်လၢအိၣ်လၢ လံၥ်စီဆှံပူၤလီၤ. ဒီးယွၤအသးဟုဝဲလၢ ထံဖံးခိၣ်ဒီး ယွၤစံးဝဲဒၣ် တၢ်ကပီၤ မ်အကဲထီၣ်တက့ၢ် (၁ မိၤ ၁ : ၃). ဒီးယွၤအသးဟုဝဲလၢဟီၣ်ခိၣ်ဖျၢၣ် လၢအခံး, အိၣ်သယုၢ်ဒီးအိၣ်ကလီအခိၣ် ယွၤစံးဝဲလၢတၢ်ကပီၤန့ၣ် ဂ့ၤဝဲ, ဒီးတၢ်ဂ့ၤအံၤ…
