ဖဲယဖိမုၣ်ဖိအနီၢ်ဆံးဆံး ကတိၤတၢ်တချုးသ့ဒံးအခါ ညီနုၢ်ယတဲန့ၢ်အီၤတၢ်တဖၣ် လၢအထံၣ်ဝဲအမံၤလီၤ. ယနီၤဖးပဲၥ်ဖးန့ၢ် တၢ်ဖိတၢ်လံၤတဖၣ် မ့တမ့ၢ် ယပျဲအဖီၣ်ကွၢ် တၢ်လၢအတညီနုၢ်ထံၣ်ဘၣ်ဝဲတဖၣ် ဒီးတဲန့ၢ်အီၤတၢ်အမံၤ, ဒီးမၤစၢၤအီၤဒ်သိး ကနၢ်ပၢၢ်ဝဲလၢဟီၣ်ခိၣ်ဖးဒိၣ်လၢ အဝဲဒၣ်ဃုသ့ၣ်ညါတၢ်န့ၣ်လီၤ. ယဝၤသးဘိဒီးယၤ ပဆၢလၢ ပဖိမုၣ်ဖိအတၢ်ကတိၤအဆိကတၢၢ်ကမ့ၢ် မိမိ, မ့တမ့ၢ် ပါပါဘၣ်ဆၣ် အဝဲမၤကမၢ ကမၣ်ၦၤဒီးအတၢ်ကတိၤအဆိကတၢၢ် လၢလီၤဆီလိၥ်ဒီးပတၢ်မုၢ်လၢ် ဒိၣ်ဒိၣ်အါအါ တဖျၢၣ်လီၤ. အကိၥ်ပူၤဆံးဆံးဖိန့ၣ် ဟဲသီၣ်ထီၣ်တဖျိတဖျါလၢ ‘digit -ဒဲး လၢအမ့ၢ်တၢ်ကတိၤ ‘light -တၢ်ကပီၤ မၤသီၣ်ကမၣ်ဝဲလၢ ‘digit -ဒဲး န့ၣ်လီၤ.

‘light -တၢ်ကပီၤ န့ၣ် မ့ၢ်ကစၢ်ယွၤအတၢ်ကတိၤအဆိကတၢၢ်တဖၣ် အကျါတဖျၢၣ်လၢအိၣ်လၢ လံၥ်စီဆှံပူၤလီၤ. ဒီးယွၤအသးဟုဝဲလၢ ထံဖံးခိၣ်ဒီး ယွၤစံးဝဲဒၣ် တၢ်ကပီၤ မ်အကဲထီၣ်တက့ၢ် (၁ မိၤ ၁ : ၃). ဒီးယွၤအသးဟုဝဲလၢဟီၣ်ခိၣ်ဖျၢၣ် လၢအခံး, အိၣ်သယုၢ်ဒီးအိၣ်ကလီအခိၣ် ယွၤစံးဝဲလၢတၢ်ကပီၤန့ၣ် ဂ့ၤဝဲ, ဒီးတၢ်ဂ့ၤအံၤ ဘၣ်တၢ်ပၥ်ဖျါလၢ လံၥ်စီဆှံအပူၤ လၢတၢ်လီၢ်တနီၤ, ၦၤကွဲးထါစံးထီၣ်ပတြၢၤ တဲသ့ၣ်ညါဝဲလၢ ယွၤအတၢ်ကပီၤတဖၣ် ဒွဲၣ်ကပီၤ ပတၢ်သ့ၣ်ညါနၢ်ပၢၢ်လီၤ (စံး ၁၁၉: ၁၃၀). ဒီးယ့ၣ်ၡူးတဲလီၤက့ၤ အသးဒၣ်ဝဲလၢ ဟီၣ်ခိၣ်အတၢ်ကပီၤ ၦၤလၢအဟ့ၣ်တၢ်မူအတၢ်ကပီၤလီၤ (ယိၤ ၈: ၁၂).

ယွၤအတၢ်စံးတၢ်ကတိၤအဆိကတၢၢ် ဖဲအဝဲတ့လီၤပၥ်လီၤတၢ်အခါန့ၣ် မ့ၢ်တၢ်ဟ့ၣ်ထီၣ် တၢ်ကပီၤလီၤ. တၢ်အံၤ တမ့ၢ်လၢအဝဲလိၣ်ဘၣ် တၢ်ကပီၤ အဃိဘၣ်. တၢ်ကပီၤန့ၣ် မ့ၢ်လၢပဝဲအဂီၢ်လီၤ. တၢ်ကပီၤဒုးထံၣ် ၦၤလၢယွၤ ဒီးမ့ၢ်ဒ်သိး ကပၥ်ဖျါ ယွၤအစုတဝံးပနီၣ်လၢ အစုတၢ်တ့အိၣ်လၢပဃၢၤ ဝးဝး အပူၤလီၤ. မ့ၢ်ဒ်သိး ကသ့ၣ်ညါ တၢ်အဘၣ်ဒီးတၢ်တဘၣ်, ဒီးမ့ၢ်ဒ်သိးကပိၥ်ယ့ၣ်ၡူးအခံ တကါဘၣ်တကါ ဖဲဟီၣ်ခိၣ် ဖးဒိၣ်အံၤလီၤ.