ဖဲ ၁၉၂၅ နံၣ်န့ၣ် Langston Hughes လၢ အမၤတၢ်လၢ ဟံၣ်ဒွဲ (Hotal) ဒ်ပှၤမၤကဆှီ စီၤနီၤခိၣ်အသိးတဂၤၣ်လီၤႉ အ၀ဲထံၣ်ဘၣ်၀ဲလၢ ပှၤကွဲးထါလၢ အ၀ဲယူးယီၣ်ပာ်ဒိၣ်၀ဲတဂၤလၢ အမ့ၢ် Vachel Lindsey ဟဲတုာ်အိၣ် ဖဲဟံၣ်ဒွဲန့ၣ်လီၤႉ အ၀ဲအမဲာ်ဆှးဒိၣ်မးလၢ အ၀ဲအတၢ်ကွဲးထါတဖၣ် ဖဲ Lindsey ပ့တၢၤအီၤ လၢတၢ်သူၣ်ဆူၣ်သးဆူၣ်လၢ တၢ်ဖးလီၤအီၤလၢ ကမျၢၢ်မဲာ်ညါ၀ံၤ အလီၢ်ခံလီၤႉ Lindsey အတၢ်ဟ့ၣ်ဂံၢ်ဟ့ၣ်ဘါအစၢ မ့ၢ်၀ဲ Hughes ဒိးန့ၢ်ဘၣ် တၢ်မၤစၢၤ တၢ်မၤလိ အဘူၣ်အစှၤလၢ ခီလ့ၣ်ကၠိလၢ ကမၤစၢၤအီၤလၢ အ၀ဲကအိၣ်ဒီးတၢ်မၤနၢၤလၢ တၢ်ဖံး တၢ်မၤလၢ အမ့ၢ်တၢ်ကွဲးလံာ်န့ၣ်လီၤႉ
တၢ်ဟ့ၣ်ဂံၢ်ဟ့ၣ်ဘါဆံးဆံးဖိဒၣ်လဲာ် လဲၤတုၤတၢ်သ့၀ဲ ဖဲယွၤအိၣ်၀ဲလၢ တၢ်အံၤ အပူၤန့ၣ်လီၤႉ လံာ်စီဆှံပာ်ဖျါထီၣ် တၢ်မၤအသးသတူၢ်ကလာ်တခါလၢ ဖဲစီၤဒၤ၀ံး ဘၣ်ဃ့ၢ်ကွံာ်၀ဲလၢ စီၤပၤစီၤစီလူး လၢ အမ့ၢ်ပှၤလၢအဲၣ်ဒိးဟံးန့ၢ် အသးသမူ တဂၤလီၤႉ စီၤစီလူး အဖိခွါ စီၤယိၤနၤသၣ် ထံၣ်န့ၢ်စီၤဒၤ၀ံးၢ် တၢ်ဂံၢ်တၢ်ဘါလၢယွၤအပူၤလီၤႉ ‘‘ဒီးစံးဘၣ်အီၤပျံၤတၢ်တဂ့ၤ‚ အဂ့ၢ်ဒ်အံၤၢ်ဘၣ်နၤဘၣ်ႉ ဒီးနကလဲၤထီၣ်စီၤပၤလၢ အံၣ်စရၠာစး့လးအဖီခိၣ်’’ လီၤ (၁ ့ှှမူၤ ၂၃း၁၅-၁၇) ႉ
စီၤယိၤနၤသၣ် အတၢ်ကတိၤ မ့ၢ်တၢ်အဘၣ်၀ဲလီၤႉ စီၤဒၤ၀ံး ကကဲထီၣ် စီၤပၤ လီၤႉ နီၢ်၀ံာ်ခံလၢ စီၤယိၤနၤသၣ် အတၢ်ဟ့ၣ်ဂံၢ်ဟ့ၣ်ဘါန့ၣ် ပထံၣ်ဘၣ်လၢ တၢ်ကတိၤ အကျိၤလၢ အမ့ၢ် ‘‘လၢယွၤအပူၤ’’ (း၁၆) န့ၣ်လီၤႉ လၢယ့ၣ်ရၠာစးှူးအပူၤ ယွၤဟ့ၣ်ပှၤ ‘‘တၢ်ဟ့ၣ်ဂံၢ်ဟ့ၣ်ဘါ ဒီးတၢ်မုၢ်လၢ်အထူအယိာ်’’ (၂ သ့း ၂း၁၆) န့ၣ်လီၤႉ ဒ်ပဆီၣ်လီၤသးလၢ အ၀ဲအမဲာ်ညါအသိး အ၀ဲကယူာ်ထီၣ်ပှၤလၢ တဒ်သိးဒီးပှၤဂၤမၤန့ၢ်၀ဲအသိးန့ၣ် လီၤႉ
ပှၤလၢပခိၣ်ပဃၢၤ၀း၀းတဖၣ် မ့ၢ်ပှၤလၢအလိၣ်ဘၣ် တၢ်ဟ့ၣ်ဂံၢ်ဟ့ၣ်ဘါလၢ ယွၤဟ့ၣ်၀ဲ န့ၣ်လီၤႉ ပမ့ၢ်ထံၣ်န့ၢ်တၢ် ဒ်စီၤယိၤနၤသၣ်ထံၣ် စီၤဒၤ၀ံးဒီး ဒုးထံၣ်အ၀ဲသ့ၣ် လၢ ကစၢ်ယွၤ ခီဖျိတၢ်အဲၣ်အတၢ်ကတိၤ ဒီးတၢ်မၤန့ၣ်ဒီး တၢ်အဂၤတဖၣ် ယွၤကမၤ ၀ဲဒၣ်န့ၣ်လီၤႉ တၢ်အိၣ်မူအတၢ်ကမၤအသးဒ်လဲၣ်ဂ့ၤဒ်လဲၣ်ဂ့ၤန့ၣ်ၣ်လီၤႉ