လၢကီၢ်အမဲရၠာစးကၤ‚ ဆိၣ်နိၣ်ရၠာစးဲၣ် မဲးမုၢ်ခိၣ်အလိၤ အိၣ်၀ဲဒီးမုၢ်နၤယိာ်အကတီၢ်တဖၣ် ဖဲပှၤနၢ်ဟူဘၣ် တၢ်အိၣ်ယူၤအသီၣ်လၢအဃဲစၢ်စၢ်ဖိန့ၣ်လီၤႉ ဘၣ်ဆၣ်‚ တမ့ၢ်လၢ နကပာ်သူၣ်ပာ်သး တၢ်ကလုၢ်အံၤ အိၣ်ဟဲလၢလဲၣ်အဂ့ၢ်ဘၣ်ႉ ယုၢ်ဆံးကိာ်ဖိဘၣ်ဆၣ် အသဟီၣ်ဆူၣ်‚ ကွၢ်ထီၣ်တၢ်ဆူလါအအိၣ် ဒီးအိၣ်ယူၤ ဒ်သိးကမၤအိၣ်ထီၣ်ဟီၣ်ခိၣ်လီၢ် ဖးလဲၢ်လၢအဂီၢ် ဒီးအတၢ်ဒၣ်၀ဲန့ၣ်လီၤႉ
ဆၣ်ဖိကီၢ်ဖိအလီၤဆီတကလုာ်အံၤ မ့ၢ်စ့ၢ်ကီး တၢ်လၢအအီၣ်တၢ်ဖံး တၢ်ညၣ်န့ၣ်လီၤႉ နီၢ်နီၢ်န့ၣ်‚ အ၀ဲလူၤဖီၣ်အီၣ်တၢ် ဒ်ပတ့ၤချဲး‚ တၢ်ဘၣ်တ့လၢပှၤစှၤဂၤဧိၤ ဖီၣ်အီၣ်ဘူၣ်၀ဲန့ၣ်လီၤႉ ဘၣ်ဆၣ်ယုၢ်ဖိတကလုာ်အံၤ အိၣ်ဒီးအစုက၀ဲၤလီၤဆီလၢ တၢ်ဖီၣ်အီၣ် ပတ့ၤချဲးအဂီၢ်လီၤႉ အ၀ဲဒၣ်န့ၣ် တမ့ၢ်ထဲလၢ ဒီဒၣ်အသးဒီးပတ့ၤချဲး အစုၣ်အပျၢ်န့ၢ်ဧိၤဘၣ်ႉ မ့မ့ၢ်ပတ့ၤချဲးအစုၣ်န့ၣ် ဆီတလဲကွံာ်၀ဲဆူ ကသံၣ်မၤစၢ်လီၤ တၢ်အ့ၣ်စိၢ်အ့ၣ်ထုးန့ၣ်လီၤႉ
တၢ်လၢအဒုးဆူၣ်ထီၣ်ပဂံၢ်ပဘါအိၣ်၀ဲတမံၤမံၤ ဘၣ်ဃး ယုၢ်ဆံးကိာ်လၢ အသးစွံအံၤအပူၤ‚ ဖျါလၢလုၢ်လၢ်လီၤဆီအံၤ မၤစၢၤအီၤ ဒ်သိးကမူလၢတၢ်လီၢ်ကီခဲ အပူၤလီၤႉ ဒ်စီၤပီလူး စံး၀ဲလၢ အ့းဖ့းစူး ၂း၁၀ အပူၤအသိး‚ တၢ်စုသ့အတၢ်သ့တၢ်ဘၣ်လၢ အလီၤကမၢကမၣ်တကလုာ်အံၤပာ်ဖျါထီၣ် ယွၤအတၢ်တ့ တၢ်အက့ၢ်အဂီၤလီၤဆီလၢ အပှၤဂီၢ်မုၢ်အဂီၢ်စ့ၢ်ကီးလီၤႉ ပ၀ဲတဂၤစုာ်စုာ်အံၤ ပမ့ၢ် ‘ယွၤအတၢ်မၤ’ လၢ အတ့လီၤ၀ဲ လၢယ့ၣ့်ှှူးခရၠာစးံာ်အပူၤ‚ လၢဘၣ်တၢ်ဟ့ၣ်ပှၤ တၢ်လၢပလိၣ်န့ၣ် မ့ၢ်ဒ်သိးပကမၤဂ့ၤ မၤဘျုးတၢ်လၢယွၤဘီမုၢ်အပူၤလီၤႉ ကစၢ်ယွၤ ဟ့ၣ်ဃာ်နၤ တၢ်ဟ့ၣ် ဒ်လဲၣ်ဂ့ၤဒ်လဲၣ်ဂ့ၤ အတွးတအိၣ်ဘၣ်‚ နအိၣ်ဒီး တၢ်အါမးလၢ နကဘၣ်ဟ့ၣ် တၢ်လၢတၢ်သးအိၣ်အပူၤလီၤႉ ဖဲနအိၣ်ဒီးတၢ်နာ်ကျၢၤမုဆှု ဒ်ယွၤတ့လီၤနၤ တၢ်လၢနကမ့ၢ်အသိးန့ၣ်‚ နကမ့ၢ်၀ဲ တၢ်အုၣ်သးလၢအမူ‚ လၢတၢ်အိၣ်မူပှဲၤဒီးတၢ်မုၢ်လၢ်ဒီးတၢ်သးခုလၢယ့ၣ့်ှှူးအပူၤလီၤႉ
အဃိ ဒ်နကွၢ်ဆၢၣ်မဲာ်ဒီး တၢ်လၢနဆိကမိၣ်ကမၤဘၣ်ဒိဘၣ်ထံးနၤလၢနသး သမူဒၣ်နဲအပူၤ တမံၤဂ့ၤတမံၤန့ၣ် အိၣ်ဒီးတၢ်သးဒူတက့ၢ်ႉ နကဆိကမိၣ်လၢ နမ့ၢ် တၢ်ဆံးဆံး‚ ဘၣ်ဆၣ် ခီဖျိယွၤအတၢ်ဟ့ၣ်ဒီးသးစီဆှံကစၢ်အတၢ်ဟ့ၣ်စိဟ့ၣ်ကမီၤန့ၣ်‚ ကစၢ်ယွၤစူးကါနၤလၢ နကမၤတၢ်အဒိၣ်အမုၢ်တဖၣ်သ့၀ဲလီၤႉ