လၢကွဲၤဒီနၢ် (လီတဲစိ) အကျး‚ တၢ်အိၣ်ဖှိၣ်သရၠာစးၣ်သးစၢ်တဂၤ ကွၢ်ဆၢၣ်မဲာ်ဘၣ်ဒီး တၢ် ကီတၢ်ခဲလၢ တၢ်ကစီၣ်လၢအအၢတဖၣ်အဂီၢ်န့ၣ်လီၤႉ အ၀ဲအကွဲၤဒီနၢ်လီၤတဲာ်ကွံာ်လၢ တၢ်တပာ်သူၣ်ပာ်သးအပူၤ ဖဲပမၤတၢ်မၤလိလံာ်စီဆှံကတီၢ်န့ၣ်လီၤႉ တၢ်အံၤ မ့ၢ် တၢ်လီၤမၢ်ကွံာ်ခဲလၢာ်ဧါႉ နီၢ်နီၢ်တခီ‚ တမ့ၢ်လ့ၤတက့ၤဘၣ်ႉ ပှၤဆါတၢ်ဖိလၢကျးမၤန့ၢ်က့ၤတၢ်ဂ့ၢ်တၢ်ကျိၤလၢ အအိၣ်လၢကွဲၤဒီနၢ်အံၤအပူၤကိးမံၤလၢ အပၣ်ဃုာ်ဒီး လံာ်စီဆှံအတၢ်ဂီၤမူ ဒီးတၢ်ဂီၤတဖၣ်န့ၣ်လီၤႉ တၢ်အိၣ်ဖှိၣ်သရၠာစးၣ်အံၤ တဲဖျါထီၣ်က့ၤလၢ ‘‘ပှၤဆါတၢ်ဖိအံၤ ဃုထံၣ်မၤပှဲၤက့ၤတၢ်ဂီၤလၢယတၢၤကွံာ်အီၤတဖၣ်ဒၣ်လဲာ်န့ၣ်လီၤႉကျးအံၤ ‘‘မၤပှဲၤက့ၤ ယကွဲၤဒီနၢ်လၢအသ့ၣ်ဖးတဖျၢၣ်အံၤဆူ ကွဲၤဒီနၢ်အသီသံၣ်ဘှဲ တဖျၢၣ်န့ၣ်လီၤ’’ႉ အ၀ဲတဲကဒီး၀ဲလၢ‚ ‘‘ယမၤန့ၢ်က့ၤတၢ်လၢ အအါန့ၢ်ဒၣ်လဲာ် တၢ်လၢ ယလီၤမၢ်ဘၣ်အီၤန့ၣ်လီၤ’’ႉ
တဘျီ‚ စီၤဒၤ၀ံးဒိးန့ၢ်က့ၤတၢ်လၢ အလီၤမၢ်ဘၣ်၀ဲ ဖဲပှၤဧမၤလ့းဖိလၢ အအၢအသီတဖၣ် အတၢ်ဟဲဒုးတၢ်၀ံၤအလီၢ်ခံန့ၣ်လီၤႉ လၢအဘၣ်တၢ်သမၢကွံာ်လၢ ပှၤဖလ့့ှှသးဖိ အပှၤပၢတၢ်တဖၣ်‚ စီၤဒၤ၀ံး ဒီးအသုးမုၢ်သံၣ်ဘိ ထံၣ်ဘၣ်လၢ ပှၤဧမၤလ့းဖိ တဖၣ် ဟဲနုာ်ဆူၣ်ဒီး ဃိထီၣ်ကွံာ်အ၀့ၢ်လၢ အမ့ၢ်စံကလးဒီး ‘‘က့ၤဖီၣ်န့ၢ်မၢကဲကုၢ် ပိာ်မုၣ်တဖၣ်လၢ အအိၣ်၀ဲလၢ အ (၀့ၢ်) အပူၤ’’ လၢအပၣ်ဃုာ်ဒီး အ၀ဲသ့ၣ်အဖိအမါ ကိးဂၤလီၤ (၁ ့ှှမူၤ ၃၀း၂-၃) ႉ ‘‘ဒီးစီၤဒၤ၀ံးဒီး ပှၤဂီၢ်မုၢ်အိၣ်ဒီးအီၤန့ၣ် ထုးထီၣ်အကလုၢ် ဒီးဟီၣ်၀ဲ တုၤအဟီၣ်၀ဲတကဲလၢၤဘၣ်လီၤ’’ (း၄) ႉ သုးဖိသံၣ်ဖိတဖၣ် အသးဆါ အခိၣ်နၢ်လၢအမ့ၢ် စီၤဒၤ၀ံးအဃိ‚ အိၣ်ကတဲာ်ကတီၤအသးလၢ ‘‘ကကွံာ်အီၤလၢလၢၢ်လီၤ’’ (း၆) ႉ
‘‘မ့မ့ၢ် စီၤဒၤ၀ံး ပာ်ဆူၣ်အသးလၢယွၤအပူၤလီၤ’’ (း၆) ႉ ဒ်ကစၢ်ယွၤ အၢၣ်လီၤ၀ဲ အသိး‚ စီၤဒၤ၀ံးလူၤ‚ ပှၤဧမၤလးဖိတဖၣ်ဒီး ‘‘မၤန့ၢ်ကယဲၢ်တၢ်လၢ ပှၤဧမၤလ့းဖိ စိာ်ထီၣ် ကွံာ်ႉႉႉ ထီရၠာစးီၤတၢ်တမံၤမံၤလၢအဟံးန့ၢ်၀ဲဂ့ၤ‚ တၢ်တဟါမၢ်ဘၣ်နီတမံၤဘၣ်ႉ စီၤဒၤ၀ံး မၤန့ၢ်က့ၤတၢ်ခဲလၢာ်လီၤ’’ (း၁၈-၁၉) ႉ ဖဲပကွၢ်ဆၢၣ်မဲာ်ဘၣ်နီၢ်သးအတၢ်ဒုးတၢ်ယၤ လၢအဟဲ ‘‘ဒုး’’ ပှၤတုၤဒၣ်လဲာ်လၢ ပတၢ်မုၢ်လၢ်‚ မ်ပကထံၣ်န့ၢ်ဂံၢ်သီဘါသီလၢ ကစၢ်ယွၤအပူၤတက့ၢ်ႉ အ၀ဲအိၣ်ဒီးပှၤ လၢတၢ်လၢအတၤ ပှၤကိးမံၤလၢ ပသးသမူ အပူၤန့ၣ်လီၤႉ