ဖဲလီၢ်က၀ီၤတီၤထီကၠိတၢ်လိာ်ကွဲအကတီၢ်န့ၣ်‚ ထဲး (ဒ) မ့ၢ်ခိၣ်နၢ်လၢ အအိၣ်ဒီး တၢ်သးခု အကလုၢ်လၢအဒိၣ်အသွါကတၢၢ် လၢပှၤအကျါန့ၣ်လီၤႉ တချုးလၢတၢ်အိၣ်သးလၢ အလီၤတသုးမၤအသးဒီးအီၤဒံးကတီၢ်‚ အ၀ဲမ့ၢ်ပှၤလၢအဘၣ် တၢ်သ့ၣ်ညါအီၤ‚ ဒ်ပှၤလၢ အနီၢ်ထီခံမံးထၢၣ် ဒီးအတယၢၢ်အိၣ် ၁၃၀ ကံၣ်လိၣ်န့ၣ်လီၤႉ ထဲး (ဒ) အဆ့ကၤ အလွဲၢ်လၢအဒုးဟူးဂဲၤ ပှၤအါဂၤအသး မ့ၢ်တၢ်အလွဲၢ်လါဟ့ (ကၠိဖိအဆ့ကၤအလွဲၢ်) ဒီးအ၀ဲမ့ၢ် ပှၤလၢအအိၣ်ဒီး တၢ်သူၣ်ဟူးသးဂဲၤအတၢ်သးခုလၢကၠိအတၢ်ဟူးတၢ်ဂဲၤတဖၣ်အဃိ‚ အ၀ဲဒိးန့ၢ်ဘၣ်မံၤဂ့ၤသၣ်၀ါလၢအမ့ၢ် ‘‘ပှၤလါဟ့လၢအဒိၣ်အသွါ’’ န့ၣ်လီၤႉ
ဘၣ်ဆၣ်‚ လၢထဲး (ဒ) အိၣ်တၢ်ဆိးတၢ်အလီၢ်က၀ီၤတခီ‚ တဘၣ်တၢ်သ့ၣ်ညါအီၤ ဒ်ပှၤကဲခိၣ်ကဲနၢ်လၢအအိၣ်ဒီးတၢ်သးဖှံန့ၣ်ဘၣ်ႉ တမ့ၢ်စ့ၢ်ကီး ဒ်သးစၢ်တဂၤလၢ အလဲၤခီဖျိဘၣ် တၢ်စဲထီဒီး တၢ်မူၤတၢ်ဘှိးန့ၣ်ဘၣ်ႉ မ့မ့ၢ်‚ အ၀ဲဘၣ်တၢ်သ့ၣ်နီၣ်ထီၣ်အီၤ လၢအတၢ်အဲၣ်ဘၣ် ကစၢ်ယွၤဒီးဟံၣ်ဖိဃီဖိလၢ အ၀ဲအတၢ်သူၣ်အိၣ်သးအိၣ်တၢ်ဒီး တၢ်အဲၣ်တၢ်ကွံန့ၣ်လီၤႉ ဖဲတၢ်ဘူၣ်တၢ်ဘါလၢတၢ်သံတၢ်ပှၢ်တခါလၢ အဘၣ် တၢ်မၤအီၤ ၄ နၣ်ရၠာစးံၣ်‚ ပှၤတဂၤဘၣ်တဂၤဟဲဆူအအိၣ် ဒီးသံကွၢ်သံဒိးတၢ်လၢအဘၣ်ထွဲဒီး ပှၤတဂၤလၢ အထူၣ်ဖျဲးထီၣ်လၢတၢ်ခံးတၢ်နၤ ခီဖျိကစၢ်ယ့ၣ့်ှှူးအစိကမီၤလၢ တၢ်သးခုကစီၣ် ဒီးမူဒ်ခရၠာစးံာ်အတၢ်သိၣ်တၢ်သီအသိးန့ၣ်လီၤႉ
လၢအ့းဖ့းစူး ၅း၈ အပူၤ‚ စီၤပီလူး ဒုးသ့ၣ်နီၣ်ထီၣ် ပှၤစူၢ်က့ၤနာ်က့ၤ တၢ်တဖၣ်
လၢ တဘျီအ၀ဲသ့ၣ်မ့ၢ် ပှၤ ‘‘တၢ်ခံး’’‚ ဘၣ်ဆၣ် ‘‘မ့မ့ၢ် ခဲကနံၣ်အံၤ သုမ့ၢ်တၢ်ကပီၤလၢ ကစၢ်အပူၤလီၤႉ လဲၤတၢ်ဒ်တၢ်ကပီၤဖိအသိးန့ၣ်တက့ၢ်ႉ တၢ်ဒ်သိးအံၤ မ့ၢ်တၢ်ကိးလၢပှၤစူၢ်က့ၤနာ်က့ၤတၢ်ကိးဂၤလၢယ့ၣ့်ှှူးအပူၤ အဂီၢ်န့ၣ်လီၤႉ ပှၤတၢ်ကပီၤဖိ‚ ဒ်ထဲး (ဒ) အသိး‚ အိၣ်ဒီးတၢ်အါမံၤ လၢတၢ်ကဘၣ်လုၢ်ထီၣ်က့ၤ တၢ်ဆၢကတီၢ်ဆူပှၤလၢ အဘၣ် တၢ်က၀ီၤဃာ်အီၤလၢ ဟီၣ်ခိၣ်လၢအခံးသူအံၤန့ၣ်လီၤႉ တၢ်လၢတၢ်ကဘၣ် ဟးဆှဲးအီၤ တဖၣ် မ့ၢ် ‘‘တၢ်ခံးတၢ်နၤအတၢ်မၤလၢ အသၣ်ထီၣ်တသ့တဖၣ်’’ (ကွၢ် း၃-၄‚ ၁၁) န့ၣ်လီၤႉ ပှၤလၢအအိၣ်လၢပလီၢ်က၀ီၤ မ့ၢ်ဂ့ၤ‚ ပှၤလၢအအိၣ်လၢဟီၣ်ခိၣ်ဒီတဘ့ၣ်‚ လိၣ်ဘၣ်၀ဲပှၤလၢ အဖၠဲးလၢကအုၣ်အသး‚ လီၤလီၤဆီဆီလၢ တဒိးဘၣ်တၢ်မၤကပီၤ ထီၣ်က့ၤအ၀ဲသ့ၣ်‚ ခီဖျိလၢ ခရၠာစးံာ် (း၁၄) န့ၣ်လီၤႉ တၢ်လီၤဆီဒ်လဲၣ်ႉ ဒ်တၢ်ကပီၤ မ့ၢ် တၢ်လၢအလီၤဆီလၢတၢ်ခံးအသိးန့ၣ်လီၤႉ