တၢ်ယုၢ်န့ၢ်တၢ်အမံၤ‚ မ့ၢ်တၢ်လၢတၢ်ဘၣ်ဆိကမိၣ်အီၤယိာ်ယိာ်‚ ဖဲလၢပမ့ၢ်ယုၢ်န့ၢ် ဖိသၣ်တဂၤအမံၤ‚ ခီပနံၣ်တခါအမံၤ မ့တမ့ၢ် ဆၣ်ဖိကီၢ်ဖိလၢ တၢ်ကဘုၣ်အီၤ လၢဟံၣ်အမံၤန့ၣ်လီၤႉ မိၢ်ပၢ်တဖၣ်‚ ပှၤကူလဲၤမၤကၤတၢ် ဒီးဒူၣ်ဖိထၢဖိတဖၣ် စူးကါခိၣ်နူာ် လၢတၢ်ကဆိကမိၣ် တၢ်ယိာ်ယိာ် ဆူတၢ်ကဃုထၢန့ၢ် မံၤသၣ်လၢ အလၢအပှဲၤန့ၣ်လီၤႉ လၢတၢ်ဂုာ်ကျဲးစၢး တၢ်ဆူတၢ်ကဃုထၢတၢ်တမံၤမံၤလၢ အကီကီအခဲခဲ ဆူတၢ်ကကဲထီၣ်တၢ်လၢအလီၤဆီ‚ ပှၤအါဒံအါဂၤသးအိၣ်လၢ ကဃုထၢမံၤသၣ်တဖၣ် လၢအအိၣ်ဒီး အခီပညီ လၢအကါဒိၣ်န့ၣ်လီၤႉ အဒိ‚ ပမ့ၢ်ကွၢ် ယမံၤလၢအဘၣ် တၢ်ယုၢ်အီၤလၢတ့ှူးကျိာ်‚ တၢ်အံၤပာ်ဖျါထီၣ် ယမိၢ်ယပၢ်တဖၣ် အိၣ်ဒီး တၢ်မုၢ်လၢ်လၢယဖီခိၣ်န့ၣ်လီၤႉ အ၀ဲသ့ၣ် ဆၢမုၢ်လၢ်လၢယကကဲထီၣ် ပှၤလၢအကူၣ်သ့ကူၣ်ဘၣ်တဂၤန့ၣ်လီၤႉ
လၢလံာ်စီဆှံအပူၤ‚ မံၤသၣ်တဖၣ်စ့ၢ်ကီး မ့ၢ်တၢ်လၢအကါဒိၣ်နီၢ်မးန့ၣ်လီၤႉ စီၤမိၤဒီးသ့ၣ်ညါ တၢ်အကါဒိၣ်လၢအဘၣ်ထွဲ ဒီးမံၤသၣ်တဖၣ်လီၤႉ ဖဲကစၢ်ယွၤ ထံၣ်လိာ်သး ဒီးအီၤလၢသ့ၣ်တၤဆှုၣ်တခိၣ် ဒီးဟ့ၣ်လီၤအီၤလၢ ကမၤတၢ်မၤတမံၤ‚ လၢတၢ်ကဒုးထူၣ်ဖျဲး ပှၤအံၣ်စရၠာစး့လးဖိတဖၣ် လၢဖၤရၠာစးိၤလၢအစိကမီၤဒိၣ်၀ဲအစုပူၤန့ၣ်လီၤႉ ဖဲအံၤ အ၀ဲသံကွၢ် ကစၢ်ယွၤလၢ ‘နမံၤဒ်လဲၣ် (ကွၢ် ၂ မိၤ ၃း၁၃ ) န့ၣ်လီၤႉ
ကစၢ်ယွၤစံးဆၢက့ၤအီၤလၢ‚ ‘‘ယမ့ၢ်တၢ်လၢယမ့ၢ်’’ (း၁၄) လီၤႉ ‘‘ယမ့ၢ်တၢ်လၢယမ့ၢ်’’ တဲဖျါထီၣ်ယွၤတဂၤ လၢအမူ၀ဲအထူအယိာ်‚ လၢပှဲၤ‚ အစိၤစိၤအဃၣ်ဃၣ်‚ တသန့ၤထီၣ်သး လၢမတၤတဂၤမး‚ လၢအစိဒိၣ်ကမီၤထီ ဒီးလၢအတၢ်စိကမီၤ လၢအကတၢၢ်ကတာ်တအိၣ်လီၤႉ အ၀ဲမ့ၢ် တၢ်ထီကတၢၢ်ကစၢ်ထဲတဂၤဧိၤ‚ လၢအတသန့ၤထီၣ် ဘၣ်သးလၢ တၢ်နီတမံၤ လၢအတၢ်မ့ၢ်ယွၤန့ၣ်ဘၣ်ႉ မဟါ‚မဆါ‚ဒီး အစိၤစိၤအဃၣ်ဃၣ် အ၀ဲမ့ၢ်တၢ် ဒ်လီၢ်လီၢ်လီၤႉ တၢ်တအိၣ်၀ဲ နီတမံၤ လၢကဒုးမၤအီၤ တၢ်လၢအဘၣ်ထွဲ ဒီးသကဲာ်ပ၀း မ့တမ့ၢ် တၢ်လၢအဘၣ်ထွဲဒီးအတၢ်တီတၢ်လိၤ န့ၣ်ဘၣ်ႉ
ကစၢ်ယွၤအမံၤမ့ၢ်တၢ်ခီၣ်ထံးလၢ ဟူး၀းတသ့‚ လၢအကလုၢ် ဒီးပနာ်န့ၢ်အီၤသ့လၢ အ၀ဲအကလုၢ်လၢအတီန့ၣ်လီၤႉ တၢ်သ့ၣ်ညါနၢ်ပၢၢ်ကစၢ်ယွၤအမံၤ ကမၤစၢၤပှၤ‚ လၢတၢ်ကနာ်န့ၢ်အီၤ လၢပတၢ်‚ အိၣ်မူကိးနံၤ ဒီးဖံးထီၣ်ဖီၣ်ထီၣ် မူဒါတဖၣ်လၢ အလီၤဘၣ်ပှၤန့ၣ်လီၤႉ တၢ်အံၤဟဲခီဖျိသးလၢ‚ ကစၢ်ယွၤလၢအမ့ၢ် ‘‘ယမ့ၢ်တၢ်လၢယမ့ၢ်’’ အတၢ်အိၣ်ဒီးပှၤ ဒီးတဆီတလဲသးနီတစုအဃိန့ၣ်လီၤႉ