မူခိၣ်ကလံၤသီၣ်ဂီၤ တၢ်ကစီၣ်ပာ်ဖျါထီၣ်လၢ ကလံၤမုၢ်ဖးဒိၣ်ကလီၤ၀ဲလီၤႉ တၢ်အံၤ ဟဲကဲထီၣ်သး ဖဲတၢ်ခုၣ်ကတီၢ် ကလံၤမုၢ်တဖျၢၣ်ဆူၣ်ထီၣ်နးထီၣ် ဒ်ကလံၤကထၢ အသဟီၣ်လီၤစၢ်န့ၣ်လီၤႉ ဖဲမုၢ်နၤကတီၢ်ဟဲတုၤ‚ မူခိၣ်ဖီလီၤဒီးကလံၤအူတၢ်ဆူၣ်ဆူၣ်‚ ဒုးကဲထီၣ်တၢ်လၢ တၢ်ကထံၣ်စိဒဲဘၢၣ်ကဘီယူၤသန့ဒၣ်လဲာ်တသ့ဘၣ်လီၤႉ ဘၣ်ဆၣ်‚ ဖဲပဖိမုၣ်‚ ဟဲက့ၤဒိးကဘီယူၤလၢ ကဟဲက့ၤဆူဟံၣ်အဃိ ပကဘၣ်လဲၤအိၣ်ခိးအီၤန့ၣ်လီၤႉ ယဘိၣ်ထီၣ်ဆ့ကၤအလၢၤဒီး ထံအီ ဖဲယလဲၤတၢ်အံၤကတီၢ်‚ ၀ီသိလ့ၣ်ကယီကယီ‚ ဃ့ထုကဖၣ်တပယူာ်ဃီ ဒီးလၢအကါဒိၣ်န့ၢ်ဒံးတၢ်အဂုၤအဂၤမ့ၢ် ယကဘၣ်နာ်န့ၢ် သိလ့ၣ်အမ့ၣ်အူ အတၢ်ကပီၤတဖၣ်န့ၣ်လီၤႉ ဒီးတဘျီဘျီ‚ ယကမၤနၢၤကွံာ် တၢ်လၢအဟဲကဲထီၣ် တသ့အံၤ‚ ခဲလၢာ် ဃၣ်ဃၣ်န့ၣ်လီၤႉ
ကစၢ်ယ့ၣ့်ှှူး တဲဆိပာ်စၢၤကလံၤမုၢ်တဖျၢၣ်လၢ တယံာ်ကကဲထီၣ်အသး‚ လၢအမ့ၢ်တၢ်တမံၤလၢ အမ့ၢ်အတၢ်သံအဂ့ၢ် (ယိၤဟၣ် ၁၂း၃၁-၃၃) ‚ ဒီးတၢ်တမံၤအံၤ မ့ၢ်တၢ်လၢကတၤအပျဲၢ်အဘီၣ်တဖၣ် ဒ်သိးကအိၣ်ဒီးတၢ်သးတီလၢ ကမၤတၢ်လၢ အ၀ဲမၤလိာ်၀ဲ (း၂၀) န့ၣ်လီၤႉ တၢ်အံၤ မ့ၢ်တၢ်လၢတၢ်ကခံးလီၤ ဒီးကတုၤဒၣ်လဲာ်လၢ တၢ်ကထံၣ်န့ၢ်ကျဲတသ့ ခဲလၢာ်ဃၣ်ဃၣ်လီၤႉ လၢတၢ်အံၤအဃိ‚ မ့ၢ်ကစၢ်ယ့ၣ့်ှှူး စံးဘၣ် အ၀ဲသ့ၣ်လၢ ကဘၣ်မၤတၢ်မနုၤန့ၣ်လဲၣ်ႉ ‘‘စူၢ်က့ၤနာ်က့ၤ တၢ်ကပီၤတက့ၢ်’’ (း၃၆) ႉ တၢ်အံၤ မ့ၢ်ကျဲထဲတဘိလၢအ၀ဲသ့ၣ် ကလဲၤကဒီးတၢ်ဆူညါဒီး အိၣ်ဆိးလၢ တၢ်သးတီအပူၤန့ၣ်လီၤႉ
ကစၢ်ယ့ၣ့်ှှူး ကအိၣ်ဒီးအ၀ဲသ့ၣ်လၢ နီၢ်ခိနီၢ်ခီထဲတစိၢ်ဖိဧိၤန့ၣ်လီၤႉဘၣ်ဆၣ်‚ ပှၤစူၢ်က့ၤနာ်က့ၤတၢ်တဖၣ် ကအိၣ်ဒီးသးစီဆှံ ဒ်အမ့ၢ်ပှၤလၢအဆှၢပှၤ တပယူာ်ဃီ ဒ်သိးကမၤကပီၤအကျဲန့ၣ်လီၤႉ ပ၀ဲစ့ၢ်ကီး ပကကွၢ်ဆၢၣ်မဲာ်ဘၣ်ဒီး တၢ်အကတီၢ်လၢ အခံးအနၤတဖၣ်လၢ အဖျါလၢပထံၣ်က့ၤကျဲဒၣ်လဲာ်တသ့၀ဲန့ၣ်လီၤႉ ခီဖျိလၢတၢ်နာ်န့ၢ် တၢ်ကပီၤအဃိ‚ ပလဲၤကဒီးဆူညါသ့၀ဲန့ၣ်လီၤႉ