ဖိသၣ်စ့ဘံၣ်အိၣ်ဖျဲၣ်ထီၣ် ဒ်ဖိသၣ်လၢတဘၣ်မုၢ်ဘၣ်လါဖဲအမိၢ်ဒၢအီၤ အိၣ် ၂၃ နွံ ဒီး အတယၢၢ်အိၣ်ထဲဒၣ် ၈ႉ၆ အီၣ်စးလီၤႉ ကသံၣ်သရၠာစးၣ်တဖၣ်အသးဒ့ဒီလၢ ဖိသၣ်အံၤ ဘၣ်ကမူဧါ ဒီးစံးဘၣ်အမိၢ်အပၢ်လၢ ကအိၣ်ဘၣ်ဒီးအဖိမုၣ်ဖိအံၤ ထဲတနၣ်ရၠာစးံၣ်ဧိၤ န့ၣ်လီၤႉ ဘၣ်ဆၣ်‚ ဖိသၣ်ဖိအံၤ ဂုာ်ကျဲးစၢးမူဒံး၀ဲလီၤႉ လံာ်က့လုးစၢ်ဖိတဘ့ၣ်လၢ အအိၣ် လၢ အစုာ်ဖိကပၤကွဲးလီၤအသးလၢ ‘‘ဆံးဘၣ်ဆၣ်‚ ဂံၢ်ဆူၣ်န့ၣ်လီၤႉ ဖဲအအိၣ်ဘၣ်လၢ တၢ်ဆါဟံၣ် ၅ လါ၀ံၤ‚ လၢတၢ်လီၤကမၢကမၣ်အပူၤ‚ စ့ဘံၣ်ဖိ က့ၤဘၣ်ဆူဟံၣ် ဒ်ဖိသၣ်မုၣ်ဖိလၢ အအိၣ်ဆူၣ်အိၣ်ခ@ဒီး အတယၢၢ်အိၣ် ၅ ပီၣ်အသိးန့ၣ်လီၤႉ ဒီးအ၀ဲ ကဲထီၣ်ဘၣ် ဖိသၣ်ဖိလၢ အဘၣ်တၢ်တိၢ်နီၣ်ကွဲးဃာ်အဂ့ၢ်လၢ ဟီၣ်ခိၣ်ဒီတဖျၢၣ်လၢ‚ ဟီၣ်ခိၣ်ဒီတဘ့ၣ်ဖိသၣ်လၢ အက့ၢ်အဂီၤဆံးကတၢၢ် ဘၣ်ဆၣ်မူသ့န့ၣ်လီၤႉ
တၢ်အံၤမ့ၢ်တၢ်လၢ အအိၣ်ဒီးတၢ်အစိကမီၤလၢ တၢ်နၢ်ဟူဘၣ်‚ ပှၤလီၤဆီ တဖၣ်အဂ့ၢ်န့ၣ်လီၤႉ လံာ်စီဆှံတဲဖျါန့ၢ်ပှၤလၢ တၢ်လီၤဆီအါမံၤအကျါတမံၤ‚ အဂ့ၢ် အကျိၤတဖၣ်န့ၣ်လီၤႉ စီၤဒၤ၀ံးလၢ အမ့ၢ်ပှၤကွၢ်သိဖိ‚ သူၣ်ဆူၣ်သးဆူၣ် ဒ်သိးကဒုးတၢ်ယၤတၢ်ဒီး စီၤကၤလယး‚ ပှၤဒူပှၤဃိၤနီၢ်ဒိၣ်နီၢ်ထီတဂၤလၢ အကတိၤဟးဂီၤ ယွၤအလၤကပီၤ ဒီးကတိၤပျံၤကတိၤဖုး တၢ်ဆူပှၤအံၣ်စရၠာစး့လးဖိန့ၣ်လီၤႉ စီၤပၤစီၤစီလူး ဆိကမိၣ်ထီၣ်လၢ စီၤဒၤ၀ံး မ့ၢ်ပှၤလၢအလီၤနံၤဘၣ်ဖၣ်လဲ‚ ဒီးစံးဘၣ်စီၤဒၤ၀ံးလၢ‚ ‘‘နလဲၤဒုးတၢ်ဒီး ပှၤဖလ့့ှှသးဖိန့ၣ်တသ့ဘၣ်ႉ အဂ့ၢ်ဒ်အံၤ‚ နဖိၣ်သၣ်ခွါဒံးလီၤႉ မ့မ့ၢ် အ၀ဲဒၣ်တဂၤန့ၣ်‚ မ့ၢ်သုးဖိလၢအဖိၣ်သၣ်ခွါထီၣ်လံၤလံၤလီၤ’’ (၁ ့ှှမူၤ ၁၇း၃၃) ႉ ဒီးဖဲစီၤဒၤ၀ံး ဖိ ခါထီၣ်ခီၣ်ကါဆူတၢ်ဒုးပျီ‚ စီၤကၤလယး ‘‘ကွၢ်၀ဲဒီး ထံၣ်စီၤဒၤ၀ံး‚ ဒီးတပးကဲဘၣ်အီၤ ဘၣ်ႉ အဂ့ၢ်ဒ်အံၤ‚ စီၤဒၤ၀ံးမ့ၢ် ပှၤဖိၣ်သၣ်ခွါဒီးဂီၤ၀ဲ ဒီးအက့ၢ်အဂီၤဂ့ၤလီၤ’’ (း၄၂) ႉ ဘၣ်ဆၣ်‚ စီၤဒၤ၀ံး တခါထီၣ်ခီၣ်ကါ ဆူတၢ်ဒုးပျီအံၤ ထဲတဂၤဧိၤဘၣ်ႉ အ၀ဲဟဲ၀ဲဒီး ‘‘တၢ်သုးမုၢ်ဂီၤမုၢ်အယွၤအမံၤ‚ အံၣ်စရၠာစး့လးအတၢ်သုးမုၢ်ဂီၢ်မုၢ်အကစၢ်’’ (း၄၅) လီၤႉ ဒီးဖဲတၢ်မၤ အသးအံၤ၀ံၤ‚ စီၤဒၤ၀ံး ဆၢထၢၣ်လၢ တၢ်မၤနၢၤလၢ စီၤကၤလယးအသံစိၣ် အဖီခိၣ် န့ၣ်လီၤႉ
ဖဲကစၢ်ယွၤအိၣ်ဒီးပှၤန့ၣ် တၢ်ဂ့ၢ်ကီကဒိၣ်၀ဲမုၢ်၀ဲထဲလဲၣ်အတွးတအိၣ်ဘၣ်ႉ အလီၢ်တအိၣ်စ့ၢ်ကီးလၢ ပကဘၣ်ပျံၤတၢ်ဖုးတၢ်ဘၣ်ႉ ဃုာ်ဒီးအ၀ဲ အတၢ်ဂံၢ်ဆူၣ် ဘါဆူၣ်‚ ပ၀ဲစ့ၢ်ကီး ပဂံၢ်ဆူၣ်ဒီးပသဟီၣ်ဆူၣ်ဒိၣ်နီၢ်မးန့ၣ်လီၤႉ