ပှၤသၢနံၣ်ဖိဒၣ်လဲမဲး (ခ) မၤလိန့ၢ်တၢ်ပီၢ်ထံ‚ ဖဲအလီၤတဲာ်လၢ ထံပူၤလီၢ်လံၤလၢ အယိာ် ပ့ၣ် ၄၀ တပူၤ‚ တၢ်ဒူၣ်ဃးလၢလၢၢ်လၢ အဖုအဟံၣ်လီၢ်ခံန့ၣ်လီၤႉ ဒၣ်လဲ ပၢၤအသး ဒ်သိးကထီၣ်ဖီလၢထံလၢ အအိၣ်အပ့ၣ် ၁၀ အမဲာ်ဖံးခိၣ် တုၤအပၢ်ဟဲစံၣ်လီၤ ဒီး မၤပူၤဖျဲးအီၤတစုန့ၣ်လီၤႉ ပှၤလၢအမၤပူၤမၤဖျဲးတၢ်တဖၣ် စဲၤလီၤပျံၤလၢ ကထုးထီၣ် ဖိသၣ်အံၤ ဘၣ်ဆၣ်‚ ပၢ်အံၤတခီအသးကိၢ်လၢ အဖိခွါအဃိ စွါလီၤလၢလၢၢ်လၢ အဘ@တဖၣ် အကပၤ‚ ဒီးစံၣ်လီၤ၀ဲန့ၣ်လီၤႉ
အိ‚ တၢ်အံၤမ့ၢ်ပၢ်တဂၤအတၢ်အဲၣ်လီၤမးလဲၣ်ႉ အိ‚ တၢ်အံၤကယိာ်ထဲလဲၣ် ထဲလဲၣ်‚ ပကစံၣ်လီၤလၢ ပဖိတဖၣ်အဂီၢ်တမ့ၢ်ဘၣ်ဧါႉ
ဖဲပှၤတၢ်မၢဖိစီၤယိၤဟၣ် ကွဲးလံာ်ဆူ ပှၤစူၢ်က့ၤနာ်က့ၤတၢ်လၢတၢ်အိၣ်ဖှိၣ် လၢပျၢၤ‚ လၢအဂုာ်ကျဲးစၢးဟူးဂဲၤ ဒ်သိးကထံၣ်န့ၢ် တၢ်ကပာ်လီၤခီၣ်တဃာ်လၢ အ၀ဲသ့ၣ် အတၢ်စူၢ်တၢ်နာ်‚ ဖဲအဘၣ်ကွၢ်ဆၢၣ်မဲာ်ဒီး တၢ်မၤကဒံကဒါအ၀ဲသ့ၣ်လၢ တၢ်သိၣ်တၢ်သီလၢအကမၣ်‚ အ၀ဲမၤထီထီၣ်လဲၢ်ထီၣ်တၢ်ကတိၤအဖျၢၣ်တဖၣ် ဒ်တၢ်ကပၢၤဃာ် တၢ်အိၣ်မူတမံၤအသိးန့ၣ်လီၤႉ ‘‘ကွၢ်တက့ၢ်ႉ ပၢ်ဟ့ၣ်လံပှၤလၢ တၢ်အဲၣ်တၢ်ကွံ ဒ်လဲၣ်
ဒ်လဲၣ်‚ လၢတၢ်ကကိးပှၤလၢ ယွၤအဖိန့ၣ်လီၤႉ ဒီးပမ့ၢ်တၢ် အ၀ဲန့ၣ်လီၤ ‘‘ယွၤအဖိ’’မ့ၢ် တၢ်လၢအဘၣ်ထွဲဘူးဘူးတံၢ်တံၢ်တမံၤဒီး မ့ၢ်တၢ်ပနီၣ် လၢအဖိးသဲစး လၢအဟဲစိာ် တၢ်မ့ၢ်၀ဲတီ၀ဲသ့ဆူ ပှၤလၢအစူၢ်က့ၤနာ်က့ၤအီၤကိးဂၤန့ၣ်လီၤႉ
အိ‚ တၢ်အံၤမ့ၢ်တၢ်အဒိၣ်အယိာ်လၢ ကစၢ်ယွၤကမၤတၢ်လၢအဖိတဖၣ်အဂီၢ် လီၤမးလဲၣ်ႉ
တၢ်ဟူးဂဲၤတဖၣ် အိၣ်လၢ ပၢ်တဂၤ ကစိာ်ထီၣ် ထဲအဖိဒၣ်၀ဲတဂၤ ဒ်အမ့ၢ် ဒၣ်လဲ အပၢ်လၢအဖိလီၤတဲာ်လၢထံပူၤ ဒီးမၤပူၤဖျဲးက့ၤဖိအံၤအသိးန့ၣ်လီၤႉ မ့မ့ၢ် ပပၢ်လၢမူခိၣ်တခီ‚ ဆှၢလီၤအဖိခွါထဲတဂၤဧိၤ‚ ဒ်သိးကပာ်ဖှိၣ်ထီၣ်ပှၤ ဘူးဘူးတံၢ်တံၢ်ဆူ အ၀ဲအသး ဒီးသူၣ်ထီၣ်က့ၤ ပတၢ်အိၣ်မူဃုာ်ဒီးအီၤ (း၅-၆) န့ၣ်လီၤႉ