တယံာ်ဒံးဘၣ်‚ ယထံၣ်လိာ်သးဒီး ယတံၤသကိးတဖုန့ၣ်လီၤႉ ဖဲယဒိကနၣ်တၢ်ဆူ အ၀ဲသ့ၣ် အတၢ်ကတိၤသကိးန့ၣ် ဖျါလၢပှၤလၢအအိၣ်လၢဒၢးပူၤကိးဂၤ မ့ၢ်ပှၤလၢ အကွၢ် ဆၢၣ်မဲာ်ဘၣ် တၢ်ဒုးလၢအဒိၣ်အမုၢ်န့ၣ်လီၤႉ လၢပကျါ ခံဂၤန့ၣ် မ့ၢ်ပှၤလၢ အအိၣ်ဒီး မိၢ်ပၢ် တဖၣ်လၢ အဘၣ်ကွၢ်ဆၢၣ်မဲာ်တၢ်ဆါခဲစၢၣ်‚ တဂၤအိၣ်ဒီး အဖိလၢအတၢ်အီၣ်တၢ် တဘၣ်လိာ်ဘၣ်စး‚ တံၤသကိးအဂၤတဂၤ လဲၤခီဖျိဘၣ်တၢ်တူၢ်ဘၣ်တၢ်ဆါ ယံာ်ယံာ်ထၢထၢဒီး အဂၤတဂၤတခီ ကွၢ်ဆၢၣ်မဲာ်ဘၣ် တၢ်ဘၣ်ကွဲးအသးလၢ အကါဒိၣ်၀ဲန့ၣ်လီၤႉ တၢ်အံၤဖျါလၢ ပှၤအါဂၤလၢ အသးအနံၣ်အလါ ၃၀ ဒီး ၄၀ အိၣ်အါမးလၢ အကွၢ်ဆၢၣ်မဲာ်ဘၣ်တၢ်န့ၣ်လီၤႉ
၁ ကွဲးနီၣ်တၢ် ၁၆ ယၢၤထီၣ်ကဒါက့ၤ တၢ်အကတီၢ်လၢအကါဒိၣ်တကတီၢ်‚ လၢအံၣ်စရၠာစး့လးအတၢ်စံၣ်စိၤတဲစိၤ ဖဲတလါစီဆှံအံၤ ဘၣ်တၢ်ပာ်လီၤဆူ စီၤဒၤ၀ံးအ၀့ၢ် (ယ့ှူၤ့ှှလ့ၣ်) န့ၣ်လီၤႉ ၀ံ့ှှမူၤအ့လး တဲဘၣ်ပှၤလၢတၢ်အံၤဟဲအိၣ်ထီၣ်လၢ တၢ်အကတီၢ်တကတီၢ်လၢ တၢ်ဃူတၢ်ဖိးလၢတၢ်ဒုးတၢ်ယၤတဖၣ် အဘၢၣ်စၢၤ ( ၂့ှှမူၤ ၇း၁) န့ၣ်လီၤႉ ဖဲတလါစီဆှံ အိၣ်လၢအလီၢ်အကျဲ‚ တၢ်အံၤမ့ၢ်တၢ်ပနီၣ်လၢ ကစၢ်ယွၤ အတၢ်အိၣ်ဒီးအ၀ဲသ့ၣ် ဒီးစီၤဒၤ၀ံး ဆှၢအပှၤဂီၢ်မုၢ်လၢ ထါသး၀ံၣ် စံးထီၣ်ပ့တၢၤယွၤ တယုၢ်လီၤ (၁ကွဲး ၁၆း၈-၃၆) ႉ ပှၤဂီၢ်မုၢ်သး၀ံၣ်ထီၣ် ယွၤအစိကမီၤလၢ တၢ်မၤ တၢ်လီၤလးတပူၤဃီ‚ ယွၤအတၢ်အၢၣ်လီၤလၢ အပၢၤဃာ်၀ဲတဖၣ်ဒီး အတၢ်ဒီတဒၢ အ၀ဲသ့ၣ်လၢခါလၢအပူၤကွံာ် (း၁၂-၂၂) န့ၣ်လီၤႉ အ၀ဲသ့ၣ် ကိးသBတီထီၣ်‚ ‘ဃုယွၤဒီး အဂံၢ်အဘါ‚ ချုအမဲာ် တထံၣ်ဃီတက့ၢ်’ န့ၣ်လီၤ (း၁၁) ႉ အ၀ဲသ့ၣ်လိၣ်ဘၣ် တၢ်အံၤမ့ၢ်လၢ တၢ်ဒုးတၢ်ယၤအါမး ဟဲ၀ဲလံန့ၣ်လီၤႉ
ဃုယွၤဒီး အဂံၢ်အဘါ‚ ချုအမဲာ်တထံၣ်ဃီတက့ၢ်ႉ တၢ်အ၀ဲန့ၣ် မ့ၢ်တၢ်ဟ့ၣ်ကူၣ်လၢ ကပိာ်ထွဲတၢ် ဖဲတၢ်ဆူးတၢ်ဆါ‚ တၢ်ဂ့ၢ်လၢ အဘၣ်ထွဲဒီးဟံၣ်ဖိဃီဖိတဖၣ်ဒီး တၢ်ဒုးတၢ်ယၤအဂုၤအဂၤတဖၣ်လၢ ပဘၣ်ကွၢ်ဆၢၣ်မဲာ်‚ မ့ၢ်လၢပတဘၣ် တၢ်ပာ်တ့ၢ်ပှၤလၢ ပကဘၣ်ဒုးတၢ်အံၤလၢ ပကစၢ်ဒၣ်၀ဲဘၣ်ႉ ပဂံၢ်ဘါစၢ်ဒီး ကစၢ်ယွၤန့ၣ် မ့ၢ်ကစၢ်လၢအဂံၢ်ဘါဆူၣ်ဒီး အ၀ဲကွၢ်ထွဲပှၤလၢ ခါလၢအပူၤကွံာ်ဒီး ကမၤဒံးတၢ်အံၤကဒီးဆူညါ ဆူညါန့ၣ်လီၤႉ
ပကစၢ်ယွၤကစိာ်ခီဖျိကွံာ်ပှၤလၢ တၢ်ကီတၢ်ခဲတဖၣ်အံၤန့ၣ်လီၤႉ