လၢနံၣ်ကယၤ၁၇‚ မၣ်တ့ၣ်ရၠာစး့ခး (ထ) မၤတၢ်ဒ်တၢ်အိၣ်ဖှိၣ်သရၠာစးၣ်တဂၤအသိး လၢစဲးစိၣ်နံၣ်‚ ကီၢ်ကၠၢမနံၣ် လၢအနံၣ် ၃၀ ဘျဲၣ် ဖဲတၢ်အကတီၢ်တဖၣ်လၢ တၢ်ဒုးတၢ်ယၤ ဒီး တၢ်သံ သBတိာ်အိၣ်ထီၣ်န့ၣ်လီၤႉ လၢတနံၣ်အတီၢ်ပူၤ‚ အ၀ဲဘၣ်ခူၣ်လီၤပှၤသံလၢ အအါန့ၢ်ဒံး အဂၤ ၄၀၀၀ လၢအပၣ်ဃုာ်ဒီးအမါ‚ ဒီးလၢတၢ်အကတီၢ်တနီၤ တၢ်အီၣ်တၢ်အီတလၢတပှဲၤအဃိ‚ အဟံၣ်ဖိဃီဖိဘၣ်သူၣ်၀ံၤသၣ်စ့ၤ၀ဲန့ၣ်လီၤႉ ဖဲလၢအ၀ဲမ့ၢ်သးဟးဂီၤသ့၀ဲဘၣ်ဆၣ်‚ အတၢ် စူၢ်တၢ်နာ်လၢယွၤအပူၤ အဂံၢ်အဘါဆူၣ်ဒီး အ၀ဲစံးဘျုးစံးထီၣ်ပ့တၢၤယွၤ တပယူာ်ဃီန့ၣ် လီၤႉ လၢတၢ်အံၤအဃိ‚ အ၀ဲဂၢ်လီၤအတၢ်သ့ၣ်ညါဆၢက့ၤ တၢ်ဘျုးတၢ်ဖှိၣ် ဆူတၢ်ကွဲး ထုးထီၣ်ထါသး၀ံၣ်ကစၢ်ယွၤ လၢအမံၤဟူသၣ်ဖျါလၢ အမ့ၢ် ‘အခဲအံၤ မ်ပစံးဘျုး စံးထီၣ် ပ့တၢၤသကိးကစၢ်ယွၤ’ န့ၣ်လီၤႉ
ရၠာစး့ခး (ထ) ပိာ်ထွဲ တၢ်အဒိလၢ၀ံယ့ှှါယၤလၢ အနဲၣ်ယွၤအပှၤဂီၢ်မုၢ်တဖၣ်ဆူ တၢ်ကစံးထီၣ်ပ့တၢၤယွၤလၢတၢ်အကတီၢ်ကိးကတီၢ်ဒဲးလၢ အပၣ်ဃုာ်ဒီး တၢ်အကတီၢ် ဖဲအ၀ဲသ့ၣ် ဒုးသးဟးဂီၤဘၣ် ကစၢ်ယွၤ (ယ့ှှါ ၁၂း၁) မ့တမ့ၢ် ဖဲဒုၣ်ဒါဟဲဆီၣ်သနံး အ၀ဲသ့ၣ်န့ၣ်လီၤႉ တုၤဒၣ်လဲာ်လၢ အ၀ဲသ့ၣ်ကဘၣ်ပာ်ထီၣ်ထီ ကစၢ်ယွၤအမံၤ‚ ဒီး ‘ဒုးသ့ၣ်ညါ အမၤတၢ်လၢ ပှၤကလုာ်တဖၣ်အကျါ’ (း၄) ဒၣ်လဲာ်န့ၣ်လီၤႉ
ပစံးဘျုးစံးထီၣ်ပ့တၢၤ ကစၢ်ယွၤကသ့ညီညီ ဖဲတၢ်အကတီၢ်လၢ ပကူးဘၣ်က့ၤ တၢ်အမူး ဒ်တၢ်စံးဘျုးက့ၤတၢ်‚ ဖဲပသးခုဘၣ်လၢ တၢ်အီၣ်မူး ထူးထူးတီၤတီၤ ဃုာ်ဒီး ပတံၤသကိးဒီး ပဟံၣ်ဖိဃီဖိတဖၣ်န့ၣ်လီၤႉ မ့ၢ်ပပာ်ဖျါထီၣ်က့ၤ ပတၢ်သ့ၣ်ညါ စံးဘျုးကစၢ်ယွၤ ဖဲတၢ်ကီခဲအကတီၢ် ကဲကစီဒီဧါႉ ဖဲပဘၣ်ဂုာ်ကျဲးစၢးဟူးဂဲၤလၢ ကျိၣ်စ့တၢ်ဂ့ၢ်ကီအဃိမ့ၢ်ဂ့ၤ ဖဲပဘၣ်ဂ့ၢ်လိာ်ဘှီလိာ်ပသးဒီးပဘူးပတံၢ်အခါန့ၣ် ပစံးဘျုး ယွၤ ကဲစ့ၢ်ဧါႉ
မ်ပမၤသီၣ်ဆၢကဒါက့ၤ တၢ်အိၣ်ဖှိၣ်သရၠာစးၣ်ရၠာစး့ခးစ်‚ ဖှိၣ်ထီၣ်သကိးပသးဒီး လုၢ်ထီၣ်သကိး ပကလုၢ်တဖၣ် ဒ်တၢ်ဟ့ၣ်ထီၣ်တၢ်စံးထီၣ်ပ့တၢၤဒီး တၢ်စံးဘျုးတၢ်ဆူ ‘ယွၤလၢအမူ၀ဲလီၤထူလီၤယိာ်လၢ မူခိၣ်ဒီးဟီၣ်ခိၣ်ဘူၣ်ထီၣ်ဘါထီၣ်အီၤ’ န့ၣ်တက့ၢ်ႉ ‘ပကသး၀ံၣ် ထီၣ် ယွၤတက့ၢ်ႉ အဂ့ၢ်ဒ်အံၤ မၤ၀ဲလၢတၢ်ထီၣ်ထီလီၤ’ (း၅) ႉ