အး့ှှ်တၣ်ဒီးအီးစတ့စဲမယၢၣ်စၢၣ် ဒီပုၢ်၀ဲၤခံဂၤ အသးဆူၣ်လၢ ကမၤကစၢ်ခရၠာစးံာ်အဂီၢ်အဃိ ထီၣ်၀ဲခရၠာစးံာ်ဖိခီလ့ၣ်ကၠိဒီးဖျိထီၣ်၀ဲန့ၣ်လီၤႉ ဘၣ်ဆၣ်‚ အ၀ဲသ့ၣ်ခံဂၤ တအဲၣ်ဒိးလၢ ကမၤတၢ်ခ့ တၢ်ပှၤအတၢ်မၤလၢ တၢ်အိၣ်ဖှိၣ်အပူၤန့ၣ်ဘၣ်ႉ မ့မ့ၢ်‚ ကမၤ တၢ်ခ့တၢ်ပှၤလၢဟီၣ်ခိၣ်တခီ‚ အဲၣ်ဒိးမၤ၀ဲ လၢလၢပှဲၤပှဲၤလီၤႉ အ၀ဲသ့ၣ်ဃါဃုာ် အတၢ်၀ံတၢ်ယိးလၢကမၤကတၢၢ်ကွံာ် တၢ်သၣ်၀ံၤလၢဖိသၣ်ကတီၢ်လၢ တၢ်သ့တၢ်ဘၣ်လၢယွၤဟ့ၣ်အ၀ဲသ့ၣ် ဒီးဃုကျိၣ်စ့ ခီဖျိတၢ်ဆါတၢ်ပရၤတၢ်န့ၣ်လီၤႉ ဒီး ဖဲ၂၀၁၄ နံၣ်‚ အ၀ဲသ့ၣ်စးထီၣ် တၢ်အီၣ်တၢ်အီအကျးလၢ အဆါ တဲးခ်ကိၣ် (ပှၤမဲးစံၣ်ကိၣ်ဖိအတၢ်အီၣ်) တဖၣ်လီၤႉ ဘၣ်ဆၣ်‚ တၢ်အံၤ တမ့ၢ်တၢ်မၤတၢ် ထဲတမံၤလၢ တၢ်အီၣ်တၢ်အီအကျးဧိၤန့ၣ်ဘၣ်ႉ ပှၤဒီပုၢ်၀ဲၢ်တဖၣ် မၤစ့ၢ်ကီး တၢ်မၤလၢအမ့ၢ်‚ တၢ်ဆါတၢ်ပရၤတၢ်‚တၢ်ဟ့ၣ်မၤစၢၤစ့ၢ်ကီးတၢ်န့ၣ်လီၤႉ တၢ်အီၣ်လၢအဆါဘၣ်၀ဲကိးမံၤ‚ အပရၤကလံၤလၢ အန့ၢ်ဟ့ၣ်မၤဘူၣ်၀ဲ ဒ်သိးကဆီၣ်ထွဲ တၢ်အီၣ်ဆူတၢ်ကတုၤအိၣ် တၢ်အီၣ်န့ၢ်ဂံၢ်န့ၢ်ဘါ‚ ဆူဖိသၣ်လၢတၢ်အီၣ်န့ၢ်ဂံၢ်န့ၢ်ဘါတလၢတပှဲၤတဖၣ်အတၢ်လိၣ်န့ၣ်လီၤႉ လၢန့ၣ်အမဲာ်ညါ‚ အ၀ဲသ့ၣ်ဟ့ၣ်မၤစၢၤအါထီၣ်တၢ်ဆူ ကီၢ်လၢအဘ့ၣ်အါန့ၢ်ဃုဆံလၢ ဟီၣ်ခိၣ်ဒီဘ့ၣ်န့ၣ်လီၤႉ အ၀ဲသ့ၣ်အဖီတၢၣ်န့ၣ် ဒ်သိးကမၤကတၢၢ်ကွံာ်တၢ်အပတီၢ်တတီၤ လၢဖိသၣ်လၢအသၣ်၀ံၤသၣ်စ့ၤတဖၣ် တဲးခ်ကိၣ်လၢ တၢ်အကတီၢ်တဘျီန့ၣ်လီၤႉ
ကစၢ်ယ့ၣ့်ှှူးအတၢ်ကတိၤလၢအဖျါဖဲမးသဲ ၁၀ အပူၤန့ၣ် မ့ၢ်ပနၢ်ပၢၢ်အီၤ ညီန့ၣ် လီၤႉ တၢ်အံၤမ့ၢ်တၢ်လၢအဖျါဆှံမးန့ၣ်လီၤႉ တၢ်ဘူၣ်ထီၣ်ဘါထီၣ်တၢ်န့ၣ် မ့ၢ်တၢ်အုၣ်သး လၢ အဘၣ်တၢ်ပာ်ဖျါထီၣ် ခီဖျိတၢ်ဟူးတၢ်ဂဲၤလၢ အတမ့ၢ်ထဲတၢ်ကတိၤဧိၤန့ၣ်ဘၣ် (း၃၇-၄၂) ႉ တၢ်မၤအါမံၤအကျါတမံၤန့ၣ် မ့ၢ်တၢ်ဟ့ၣ်မၤစၢၤတၢ်ဆူ ‘ပှၤအဆံးတဖၣ်’ န့ၣ်လီၤႉလၢပှၤဒီပုၢ်၀ဲၢ်ခံဂၤအဂီၢ်‚ အ၀ဲသ့ၣ်အတၢ်ပညိၣ်အံၤ မ့ၢ်တၢ်ကဟ့ၣ်တၢ်ဆူဖိသၣ်တဖၣ် အအိၣ်န့ၣ်လီၤႉ ဘၣ်ဆၣ်‚ မ်ပကပာ်သူၣ်ပာ်သးစ့ၢ်ကီးလၢ ‘ပှၤအဆံးတဖၣ်’ တမ့ၢ်ထဲ တၢ်အခီပညီလၢ အမ့ၢ်ပှၤအနံၣ်အလါစၢ်ဧိၤန့ၣ်ဘၣ်ႉ ခရၠာစးံာ်ကိးပှၤ ဒ်သိးပကဟ့ၣ်တၢ်ဆူ ပှၤတဂၤဂ့ၤတဂၤဂ့ၤလၢအမ့ၢ် ‘ပှၤအဆံးအစၢ်’ လၢဟီၣ်ခိၣ်အတၢ်ထံၣ် လၢအမ့ၢ်‚ ပှၤဖှီၣ်ဖိ ယာ်ဖိ‚ ပှၤဆူးပှၤဆါ‚ ပှၤလီၤဘၣ်ဃိာ်‚ ပှၤဘၣ်ကီဘၣ်ခဲ‚ ဒီးပှၤလၢအတကဲဘျုးလၢ ကျဲတဘိဘိန့ၣ်လီၤႉ ဒီးပကဘၣ်ဟ့ၣ် တၢ်မနုၤန့ၣ်လဲၣ်ႉ ဂ့ၤလံ‚ ကစၢ်ယ့ၣ့်ှှူးတခီ စံးဘၣ်ပှၤလၢ ‘ထံခုၣ်တလီခီ’ (း၄၂) ဒၣ်လဲာ်‚ သ့၀ဲန့ၣ်လီၤႉ ဖဲတၢ်မ့မ့ၢ်တၢ်လၢအဆံးဒီး တၢ်ယိယိဖိ ဒ်အမ့ၢ်ထံခုၣ်တလီခီအဘျုးမ့ၢ်အိၣ်အဃိ‚ တဲးစ်ကိၣ်တမံၤစ့ၢ်ကီး‚ ကမ့ၢ်နီၢ်နီၢ်တၢ်လၢအဘျုးအိၣ်န့ၣ်လီၤႉ