လၢတၢ်စံၣ်စိၤတဲစိၤအပူၤ‚ လံာ်ပရၠာစးၢလၢ အဘၣ်တၢ်ဆှၢလီၤအီၤလၢ အယံာ်၈၉နံၣ် မ့ၢ်လံာ်ပရၠာစးၢလၢအယံာ်အကျါတဘ့ၣ်န့ၣ်လီၤႉ ဖဲ ၂၀၀၈ နံၣ်‚ ဟံၣ်ကစၢ်လၢ ယူၣ်ႉခ့ၣ် တဂၤ‚ ဒိးန့ၢ်တၢ်ကွဲတခါလၢ ကဘၣ်လဲၤ ပၣ်တံၣ်တခါလၢ အဘၣ်တၢ်ကွဲမုာ်အီၤဒီး ဆှၢလီၤလံာ်ပရၠာစးၢဖဲ ၁၉၁၉နံၣ်‚ ဆူဟံၣ်လၢအ၀ဲအိၣ်ဆိးတ့ၢ်လၢညါတဖျၢၣ် အအိၣ်ဆိး လီၢ်ကျဲန့ၣ်လီၤႉ တၢ်ကွဲမုာ်အံၤ‚ ဘၣ်တၢ်တ့ၢ်နုာ်အီၤလၢအလံာ်ပရၠာစးၢတလါအပူၤ‚ ဘၣ်ဆၣ် တၢ်ဂ့ၢ်လၢအဘၣ်ယံာ်ဘၣ်ထၢထဲအံၤန့ၣ် မ့ၢ်တၢ်လၢအအိၣ်တ့ၢ် ဒ်တၢ်လီၤဆီတမံၤအသိးန့ၣ်လီၤႉ
ဖဲလၢပှၤကူပှၤကညီတဖၣ် မ့ၢ်ဂုာ်ကျဲးစၢးအဂ့ၤကတၢၢ် ဒ်သိးဘၣ်ထွဲ ကတုၤအိၣ်လိာ်သး ဘၣ်ဆၣ်‚ တဘျီဘျီလီၤတူာ်လီၤကာ်သ့၀ဲလီၤႉ မ့မ့ၢ် လံာ်စီဆှံတခီ‚ ပာ်ဖျါဆှံဆှံလၢ ကစၢ်ယွၤတလီၤတူာ်လီၤကာ်လၢ ကနၢ်ဟူဒိကနၣ်အပှၤဂီၢ်မုၢ်လၢ အကလုၢ်တီဒီးအီၤန့ၣ်ဘၣ်ႉ ဖဲ ၁ စီၤပၤ ၁၈ အပူၤ‚ ၀ံအ့ၤလံယၤ ပာ်ဖျါထီၣ် တၢ်သBတီၤတမံၤလၢ ဘဧၤလးဒီး ယဟိ၀ၤယွၤကစၢ်အဘၢၣ်စၢၤန့ၣ်လီၤႉ လၢတၢ် ကပာ်ဖျါထီၣ်တၢ်လၢ ယွၤအမ့ၢ်အတီမ့ၢ်မတၤအခါ ဘဧၤလးအ၀ံတဖၣ် ဃ့ထုကဖၣ် တၢ်လၢအါနၣ်ရၠာစးံၣ်န့ၣ်လီၤႉ ၀ံအ့ၤလံယၤဒုၣ်ဒွဲၣ် အ၀ဲသ့ၣ်‚ ‘ကိးပသူထီၣ်တက့ၢ်ႉႉႉ မ့ၢ် အဆိကမိၣ်တၢ်လီၤႉ မ့တမ့ၢ်ဘၣ်ဒ်န့ၣ်ဒီး‚ မ့ၢ်အလဲၤကးတံာ်ဃာ်အခံလီၤႉ ဘၣ်တဘၣ် မံသပ့ၤ၀ဲ ဒီးတၢ်ဘၣ်ထိၣ်ဂဲၤအီၤလီၤ’’ (း၂၇) ႉ ၀ံၤ‚ ၀ံအ့ၤလံယၤဃ့ထုကဖၣ်တၢ်ဆူ ယဟိ၀ၤအအိၣ်လၢ ကစံးဆၢအီၤဒီး ဒ်သိးအပှၤဂီၢ်မုၢ် ကနာ်ဒီးဃၣ်က့ၤသးဆူအအိၣ် ဒီးဖဲအံၤ‚ ကစၢ်ယွၤအစိကမီၤအံၤ‚ ဘၣ်တၢ်ပာ်ဖျါထီၣ်အီၤဆှံဆှံန့ၣ်လီၤႉ
ဖဲပတၢ်ထုကဖၣ် မ့ၢ်တဘၣ်တၢ်စံးဆၢခ@သဒံးဒ်၀ံအ့ၤလံယၤအသိးဘၣ်ဆၣ်‚ ပကအိၣ်ဒီးတၢ်လၢအလီၤတံၢ်လၢ ကစၢ်ယွၤနၢ်ဟူဒီး ဒိကနၣ်တၢ်လၢ ပဃ့ကိးထီၣ် အီၤတဖၣ်န့ၣ်တက့ၢ် (စံး ၃၄း၁၇) ႉ လံာ်စီဆှံဒုးသ့ၣ်နီၣ်ထီၣ်ပှၤလၢ ကစၢ်ယွၤ ပာ်လုၢ် ပာ်ပရၤ ပတၢ်ထုကဖၣ်တဖၣ်ဒိၣ်မး ဒီးပၢၤဃာ်တၢ်အံၤလၢအမဲာ်ညါလၢ ‘လီခီထူတဖၣ်’အပူၤ ဒ်တၢ်ဆိၣ်ကဲၤနၢမူအသိးန့ၣ်လီၤ (လီၣ်ဖျါ ၅-၈) ႉ ယွၤကစံးဆၢ တၢ်ထုကဖၣ်ကိးမံၤလၢ အတၢ်ကူၣ်သ့အလၢအပှဲၤအပူၤ ဒီးလၢအကျဲဒၣ်၀ဲန့ၣ်လီၤႉ လံာ်ပရၠာစးၢလၢ အဟါမၢ်ကွံာ် တအိၣ်နီတဘ့ၣ် လၢမူခိၣ်ဘီမုၢ်န့ၣ်ဘၣ်ႉ