လၢတယံာ်ဒံးဘၣ်န့ၣ် ယထံၣ်ဘၣ်ယဲ ပီညါလၢအလီၤလးလၢ အနဲၣ်ဖျါတၢ်ပနီၣ် လၢ သရၠာစးံဒံၢ်ပီညါန့ၣ်လီၤႉ အဆိကတၢၢ်တၢ်အံၤ ဟဲဖျါထီၣ်တၢ် ဒ်တၢ်အတအိၣ်ဒီး ကျဲကပူၤ‚ ဘၣ်ဆၣ်တၢ်မ့ၢ်တကွၢ်အီၤလၢ လီၢ်ကွၢ်စိလၢ အဘၣ်န့ၣ်လီၤႉ လၢအကျါတမံၤ‚ တၢ်က့ၢ်ဂီၤ ဟဲဖျါထီၣ် ဒ်ခိၣ်နၢ်လၢအမံၤဟူသၣ်ဖျါ အမဲာ်သၣ်အသိးန့ၣ်လီၤႉ
လၢအဂၤတကပၤ‚ ပျံၤထးဖးဒိၣ်ဂီၢ်မုၢ် ကဲထီၣ်ကဆီတဒု န့ၣ်လီၤႉ အဂၤတမံၤ‚ အိၣ်ဒီး တၢ်အဖျၢၣ်ဆံးဆံးဖိလၢ အကယၤတဖၣ်အကယၤ ကဲဒ်လီၤပျံၤအံၤကဲထီၣ်ပိာ်မုၣ် တဂၤ အမဲာ်ချံ ဖဲတၢ်မ့ၢ်ကွၢ်အီၤလၢ ကျဲအဘၣ်န့ၣ်လီၤႉ နီၣ်၀ံာ်ခံလၢသရၠာစးံဒံၢ်ပီညါအံၤ‚ မ့ၢ် တၢ်ကကွၢ်တၢ်အံၤလၢ လီၢ်ကွၢ်စိလၢအလီၤဆီ‚ တုၤတၢ်အံၤအခီပညီထီၣ်တစုန့ၣ်လီၤႉ
လံာ်စီဆှံအဆၢလၢ အကထိလၢ အဘၣ်ထွဲဒီး တၢ်စံၣ်စိၤတဲစိၤ‚ ထါ ဒီး ဂုၤဂၤန့ၣ်တဘျီဘျီ‚ လံာ်စီဆှံအံၤ ဖျါလၢ အကီခဲ‚ ဒ်သိးကသ့နၢ်ပၢၢ်တၢ်အံၤန့ၣ်လီၤႉ ဘၣ်ဆၣ်‚ လံာ်စီဆှံအကစၢ်ဒၣ်၀ဲ တဲဘၣ်ပှၤလၢ ပကဘၣ်အိးထီၣ် တၢ်အံၤ အခီပညီဒ်လဲၣ်န့ၣ်လီၤႉ ပာ်တၢ်အံၤ ဒ် သရၠာစးံဒံၢ်တၢ်ဂီၤစိးပျၤ‚ ကွၢ်တၢ်အံၤလၢ လီၢ်ကွၢ်စိလၢအလီၤဆီတဖၣ်‚ ဒီးဆိကမိၣ်ထီၣ် တၢ်အံၤယိာ်ယိာ်န့ၣ်တက့ၢ်ႉ
ခရၠာစးံာ်အတၢ်ကတိၤဒိတဖၣ် ဘၣ်တၢ်မၤအီၤလၢကျဲဒ်အံၤလီၤႉ ပှၤလၢအဆိကမိၣ်တၢ်ယိာ်ယိာ်ဒိးန့ၢ် ‘မဲာ်ချံတဖၣ် ဒ်သိးကထံၣ်တၢ်အံၤ’အခီပညီ (မး ၁၃း၁၀-၁၆) န့ၣ်လီၤႉ စီၤပီလူးစံးဘၣ် စီၤတံၤမသ့း ဒ်သိး က‘ဆိကမိၣ်’ တၢ်လၢအ၀ဲ စံးဘၣ်တဲဘၣ်အီၤ‚ ဒီးဖဲအံၤ ယွၤ ကဟ့ၣ်အီၤတၢ်သ့ထံၣ်ဒီး နၢ်ပၢၢ်တၢ်မ့ၢ်တၢ်တီ (၂ တံၤ ၂း၇) လီၤႉ ဒီးဖးကဒီး စံး ၁၁၉ အံၤ‚ မ့ၢ်တၢ်ကဆိကမိၣ်ထီၣ်တၢ်လၢ လံာ်စီဆှံကဟဲစိာ်တၢ်ကူၣ်သ့‚ ဒီးတၢ်သ့ထံၣ်နၢ်ပၢၢ် တၢ်မ့ၢ်တၢ်တီဒီး အိးထီၣ်ပမဲာ်ချံလၢ ပကထံၣ်အခီပညီ (၁၁၉း၁၈‚၉၇-၉၉) ဒ်လဲၣ် န့ၣ်လီၤႉ
လၢတနွံအတီၢ်ပူၤ ဖးဒီးဆိကမိၣ်ထဲ ကစၢ်ယ့ၣ့်ှှူးအတၢ်ကတိၤဒိတမံၤ မ့တမ့ၢ် ဖးလံာ်တၢ်သးခုကစီၣ်တခါလၢ တၢ်တကတီၢ်ဃီ တုၤအ၀ံၤတစု‚ ကဟ့ၣ်ထီၣ်တၢ်ဒ်လဲၣ်ႉစူးကါတၢ်အကတီၢ်တနီၤနီၤလၢ ကသ့ကွၢ် လံာ်စီဆှံအဆၢတဆၢလၢ လီၢ်ကွၢ်စိ အါကလုာ်တက့ၢ်ႉ လဲၤအီၤယိာ်ယိာ်တက့ၢ်ႉ တၢ်သ့ထံၣ်ဒီး နၢ်ပၢၢ်တၢ်မ့ၢ်တၢ်တီလၢ အဘၣ်ထွဲဒီး လံာ်စီဆှံအံၤ ဟဲလၢဆိကမိၣ်က့ၤတၢ်ယိာ်ယိာ်လၢ တမ့ၢ်ဘၣ်ထဲတၢ်ဖးလံာ်စီဆှံဧိၤန့ၣ်ဘၣ်ႉ
အိ‚ ပၢ်ယွၤဧၢ‚ ဟ့ၣ်လီၤလၢ်ယၤမဲာ်ချံတဖၣ် ဒ်သိးယကထံၣ် နတၢ်မ့ၢ်တၢ်တီ တက့ၢ်ႉ