မဲးကၣ်စံးလၢ ‘တၢ်အံၤမ့ၢ်တၢ်အပတီၢ်လၢအလိၣ်၀ဲကိးမံၤ’န့ၣ်လီၤႉ အ၀ဲတံာ် ဖီအဘိ လၢ အဖီမုၢ်လၢအဖီထီၣ် ဖီ၀ါ‚ ဂီၤ‚ လုးစၢ်အစိး‚ ဘျၢလီၤတၢ်အစိးနါအံၤလၢ ကနဲစီ ဒီး ဆွံလီၤ၀ဲဆူ သပၢၤတဖျၢၣ်လၢ အပှဲၤဒီးဟီၣ်ခိၣ်ညၣ်ထ့ၣ်န့ၣ်လီၤႉ မဲးကၣ်သိၣ်လိယၤ လၢ ကဘၣ်သူၣ်ဖီလၢ အဖီထီၣ်အလွဲၢ်အကလုာ်ကလုာ်ဒ်လဲၣ်လီၤႉ တၢ်ကဒုးကဲထီၣ် တၢ်မုၢ်တၢ်ဘိလၢအဂ့ၤတမုၢ် ဒ်သိးကကဲထီၣ် တၢ်မုၢ်တၢ်ဘိအါမံၤလၢ ကဒိးန့ၢ် ဖီ အကလုာ်ကလုာ်လၢ ကနီၤဟ့ၣ်တၢ်ဒီး ပှၤဂုၤပှၤဂၤန့ၣ်လီၤႉ အ၀ဲတဲဘၣ်ယၤလၢ‚ ကနဲစီမ့ၢ် တၢ်တမံၤလၢအမၤစၢၤလၢ တၢ်မုၢ်အဂံၢ်ကစဲၤလီၤ အါအါန့ၣ်လီၤႉ
ဖဲယကွၢ်အ၀ဲမၤတၢ်အံၤအခါ‚ ယကမၢကမၣ်ဘၣ်လၢ မ့ၢ်တၢ်မနုၤတဖၣ် လၢအမၤစၢၤပှၤလၢ ကသူၣ်ထီၣ်နီၢ်သးအဂံၢ်တဖၣ် ဒ်သိးကစဲၤလီၤသးအါအါ န့ၣ်လဲၣ်ႉမ့ၢ်တၢ်မနုၤမၤစၢၤပှၤလၢ အဂံၢ်အဘါကဆူၣ်ထီၣ်လၢ ကဒိၣ်တုာ် ခိၣ်ပှဲၤ‚ ကဲထီၣ်ပှၤလၢ အဖီထီၣ်သၣ်ထီၣ်လၢ တၢ်စူၢ်တၢ်နာ်န့ၣ်လဲၣ်ႉ မ့ၢ်တၢ်မနုၤပၢၤဃာ်ပှၤ ဒ်သိး ကဃ့ထီကွံာ် မ့တမ့ၢ် မဲထီၣ်တသ့န့ၣ်လဲၣ်ႉ လၢအတၢ်ပရၠာစးၢဆူ ပှၤအ့းဖ့းစူးဖိတဖၣ်အအိၣ်‚ စီၤပီလူး စံး၀ဲလၢ‚ ပမ့ၢ် ‘ဂံၢ်လၢအစဲၤလီၤဒီး သူၣ်ထီၣ်တၢ်အဲၣ်တၢ်ကွံ’ (အ့းဖ့း ၃း၁၇) န့ၣ်လီၤႉ တၢ်အဲၣ်တၢ်ကွံအံၤ ဟဲလၢကစၢ်ယွၤလၢ အဟ့ၣ်ဆူၣ်ထီၣ်ပှၤ ခီဖျိ‚ အတၢ်ဟ့ၣ်လၢ အမ့ၢ်သးမုၢ်စီဆှံ န့ၣ်လီၤႉ ကစၢ်ခရၠာစးံာ်အိၣ်ဆိးလၢပပူၤလီၤႉ ဒီးဒ်ပစးထီၣ် ‘ခရၠာစးံာ်အတၢ်အဲၣ်တၢ်ကွံ အဒီၣ်တူာ်ဒီး အထီဒီးအလီၤဆၢၣ် ဒီးအထီၣ်ထီ (း၁၈) ‚ ပကအိၣ်ဒီး တၢ်လဲၤခီဖျိလၢ အထူးတီၤလၢ ကစၢ်ယွၤအတၢ်အိၣ်ဒီးပှၤလၢ တၢ်လၢထီၣ်ပှဲၤထီၣ် ဒ်ယွၤအတၢ်လၢတၢ်ပှဲၤအသိး’ (း၁၉) န့ၣ်လီၤႉ
တၢ်ဒိၣ်ထီၣ်လၢနီၢ်သး လိၣ်ဘၣ်ဂံၢ်လၢ ကစဲၤလီၤသးလၢ ယွၤအတၢ်အဲၣ် တၢ်ကွံအပူၤန့ၣ် ဆိကမိၣ် တၢ်မ့ၢ်တၢ်တီလၢ ပဘၣ်တၢ်အဲၣ်ပှၤကွံပှၤလၢ ပၢ်ကစၢ်ယွၤ လၢအမၤတၢ်အံၤသ့‚ လၢအမ့ၢ် ‘ပှၤလၢအမၤအါန့ၢ်ဒိၣ်န့ၢ် ကယဲၢ်ပဃ့ တၢ်ဒီးဆိကမိၣ် တၢ်သ့တဂၤ’ (း၂၀) န့ၣ်တက့ၢ်ႉ တမ့ၢ်ပခီၣ်တဃၣ်လၢ တၢ်စူၢ်တၢ်နာ်အဂီၢ်လၢ အလီၤကမၢကမၣ်တမံၤဘၣ်ဧါႉ