ဟါလ့ၣ်ဆိကမိၣ်ထီၣ်လၢ အ၀ဲအတၢ်အုၣ်ကီၤအခၢၣ်စး တၢ်မၤ တဲအီၤသပှၢ်ပှၢ်လၢ ကဘၣ်ထံၣ်လိာ်ကဒီးအသးတဘျီအံၤန့ၣ် မ့ၢ်တၢ်မၤလၢာ်တၢ်ဆၢကတီၢ်န့ၣ်လီၤႉ ဟါလ့ၣ်သ့ၣ်ညါလၢတၢ်အံၤကမ့ၢ် တၢ်ဆါတၢ်ပရၤလၢ အလီၤကၢၣ်လီၤကျုအဂုၤအဂၤတမံၤ ဘၣ်ဆၣ်‚ အ၀ဲဆၢတဲာ်လၢ ကမၤတၢ်အံၤ‚ အဂ့ၤကတၢၢ်လၢ တၢ်ခွဲးတၢ်ယာ် ဒ်သိးကကတိၤဘၣ်တၢ်ဂ့ၢ်လၢ အဘၣ်ထွဲဒီးအ၀ဲအတၢ်စူၢ်တၢ်နာ်အဂီၢ်န့ၣ်လီၤႉ
ဖဲအပာ်သူၣ်ပာ်သးဘၣ် ခၢၣ်စးအမဲာ်တူၢ်ခံဘိလၢ အဘၣ်တၢ်ဆဲးကံၣ်ဆဲးကွီ‚ လၢအဆိအခ@န့ၣ် အ၀ဲသံကွၢ်ပိာ်မုၣ်အံၤလၢ ဘၣ်မနုၤအဘၣ်မၤတၢ်အံၤ ဒီးထံၣ်သ့ၣ်ညါဘၣ် က့ၤ၀ဲလၢ ပိာ်မုၣ်အံၤ မၤတၢ်အံၤမ့ၢ်လၢအကလၢၢ်ဘၣ်၀ဲလၢ‚ တၢ်အံၤကဟဲစိာ်န့ၢ်အ၀ဲလၢ တၢ်ဘူၣ်ဂ့ၤတီၢ်ဘၣ်အဃိန့ၣ်လီၤႉ ဟါလ့ၣ်အတၢ်သံကွၢ်အံၤ‚ မ့ၢ်တၢ်လဲၤ သကွ့ၤတခါလၢ အလီၤဘၣ်ယိၣ်ဘၣ်ဘီလၢ တၢ်ကဘၣ်ကတိၤသကိးတၢ်လၢ ကျိၣ်ဂ့ၢ်စ့ဂ့ၢ် အလီၢ် န့ၣ်လီၤႉဘၣ်ဆၣ်‚ တၢ်အံၤကဲထီၣ်တၢ်လၢ အအိးထီၣ်Bတဲၤ ဒ်သိးကကတိၤသကိး တၢ်ဂ့ၢ်လၢ အဘၣ်ထွဲဒီး တၢ်ဘူၣ်တၢ်တီၢ် ဒီးတၢ်စူၢ်တၢ်နာ်လၢ အဟ့ၣ်ထီၣ် တၢ်ခွဲးတၢ်ယာ်လၢ အ၀ဲ ကတဲဖျါထီၣ်ဘၣ်လၢ ဘၣ်မနုၤ အဘၣ်သန့ၤအသးလၢ ကစၢ်ယ့ၣ့်ှှူးန့ၣ်လီၤႉ တၢ်ဆၢ ကတီၢ်လၢ အဘၣ်တၢ်စူးကါကလီကွံာ် အ၀ဲန့ၣ်‚ ကဲထီၣ်တၢ်လၢ ကစၢ်ယွၤ ဟ့ၣ်ဆၢဖး ကတီၢ်ပာ်၀ဲန့ၣ်လီၤႉ
ကစၢ်ယ့ၣ့်ှှူးစ့ၢ်ကီး ဟံးန့ၢ်တၢ်လဲၤသကွ့ၤတခါလၢ အလီၤဘၣ်ယိၣ်ဘၣ်ဘီ န့ၣ်လီၤႉ ဖဲအလဲၤတၢ်လၢယူဒၤဆူကၤလံၤလါ‚ အ၀ဲဟးထီၣ်လၢအကျဲ ဒ်သိးကကတိၤတၢ်ဒီး ့ှှၤမရၠာစးံမုၣ်‚ အတအိၣ်လၢ ပှၤယူဒၤဖိတဖၣ် အတၢ်ဆိကမိၣ်န့ၣ်လီၤႉ နးန့ၣ်တၢ်အံၤ‚ ပိာ်မုၣ် လၢ အ၀ဲကတိၤတၢ်န့ၣ် မ့ၢ်ပှၤဃဲသဲမုၣ်လၢ အဘၣ်တၢ်ဟးဆှဲးဒၣ်လဲာ်လၢ ပှၤ့ှှၤမရၠာစးံဖိ တဖၣ်န့ၣ်လီၤႉ ဘၣ်ဆၣ်‚ အ၀ဲမၤကတၢၢ် တၢ်ကတိၤသကိးလၢ အဆှၢဆူ တၢ်အုၣ်က့ၤ ခီၣ်က့ၤတၢ်လၢ ပှၤအါဂၤန့ၣ်လီၤ (ယိၤ ၄း၁-၂၆‚ ၃၉-၄၂) ႉ
မ့ၢ်နထံၣ်လိာ်ဘၣ်နသးဒီး ပှၤတဂၤဂၤလၢ နတအဲၣ်ဒိးကွၢ်ဆၢၣ်မဲာ်ဒီးအီၤန့ၣ်ဧါႉ မ့ၢ်နပၢၤဃာ်တၢ်ပဒ့ၣ်ကွံာ်သးဆူ ပှၤလၢနဃၢၤတဂၤလၢနဟးဆှဲးညီနုၢ်အီၤန့ၣ်ဧါႉ လံာ်စီဆှံ ဒုးပလီၢ်ပှၤ ဒ်သိးကဘၣ်အိၣ်ကတဲာ်ကတီၤသးထီဘိလၢ အကတီၢ်ဘၣ်လၢ အကတီၢ် တဘၣ်ဆူ တၢ်ကနီၤဟ့ၣ်တၢ်သးခုကစီၣ် (၂ တံၤမသ့း ၄း၂) န့ၣ်လီၤႉ ဆိကမိၣ်ထီၣ် တၢ်ဟံး ထီၣ်ဖီၣ်ထီၣ်တၢ်လဲၤသကွ့ၤတခါလၢ အလီၤဘၣ်ယိၣ်ဘၣ်ဘီ’ တက့ၢ်ႉ မ့ၢ်မတၤသ့ၣ်ညါလၢ‚ တၢ်အံၤကမ့ၢ်ယွၤအတၢ်ဟ့ၣ်ခွဲးဟ့ၣ်ယာ်လၢ ကကတိၤသကိးတၢ်ဆူ ပှၤတဂၤဂၤလၢ အဘၣ်ဃးဒီး အ၀ဲအဂ့ၢ်လၢတနံၤအံၤန့ၣ်လဲၣ်ႉ