ဖဲဘူးပကတုၤဃၣ်ဃၣ်လၢဟံၣ်န့ၣ် ယပာ်သူၣ်ပာ်သးဘၣ်လၢ တၢ်ပိးတၢ်လီလၢ တၢ်ထိၣ် သိလ့ၣ်အကိၢ်‚ ခုၣ် မ့တမ့ၢ် တၢ်အိၣ်သးပတီၢ်မုၢ် ပာ်ဖျါထီၣ်လၢ စဲးဖီကဟၣ် ကိၢ်တလၢကွံာ် န့ၣ်လီၤႉ မ့ၢ်လၢပအိၣ်လၢသိလ့ၣ်အပူၤအဃိ‚ ယမၤသံကွံာ်စဲးခိၣ်ဃံလီၤႉ မ့ၣ်အူလုၢ်ဟးထီၣ်လၢ သိလ့ၣ်ပိးလီအမဲာ်ဖံးခိၣ်လီၤႉ စဲးခိၣ်ဃံသီၣ်ထီၣ် ့ှှဲၤ့ှှဲၤ ဒ်တၢ်ကၣ် တၢ်အညၣ်ဃ့အသိးန့ၣ်လီၤႉ ယသုးက့ၤ သိလ့ၣ်ဆူအလီၢ်ခံဒီး ယထံၣ်ဘၣ်လၢ သိတဖၣ် ဟဲယွၤလီၤ ၀ဲလီၤႉ ယသ့ၣ်ညါ တၢ်လၢအဟဲကဲထီၣ်အသးန့ၣ်လီၤႉ ရၠာစးၢးဘၢၣ် (သားဗရၠာစးြပား) ကဘျံးဖိ လၢ အအိၣ်လၢစဲးခိၣ်ဃံဒီး တၢ်ဖျၢၣ်လီၤအခိၣ်ထိးအဘၢၣ်စၢၤ ဟးဂီၤကွံာ်၀ဲန့ၣ်လီၤႉ
ယကအုကစွါထီၣ်ယဲလီၤႉ ပကဘၣ် ခီၣ်လၢာ်စ့လၢတၢ်ကဘၣ်ဘှီက့ၤ တၢ်လၢအပရၤကလံၤဒိၣ်၀ဲန့ၣ်လီၤႉ ဘၣ်မနုၤလၢ တၢ်ဘၣ်ဘျီးဘၣ်ဒါတအိၣ်၀ဲန့ၣ်လဲၣ်ႉ လၢတၢ်သးခၣ် အပူၤ ယကဒူးကဒ့ၣ်ထီၣ်တၢ်လီၤႉ ဘၣ်မနုၤလၢတၢ်တဖၣ် ဆိကတီၢ်သး တသ့၀ဲန့ၣ်လဲၣ်ႉ
မ့ၢ်နဒုးဘၣ်ထွဲတၢ်အံၤသ့၀ဲဧါႉ တဘျီဘျီ ပဒီတဒၢဃာ်တၢ်အၢလၢ အအိၣ်ထီၣ်ဒီးဆၢတဲာ်တၢ်ဂ့ၢ်ကီအဂၤတခါန့ၣ်လီၤႉ ပလိးက့ၤစ့လၢပကဘၣ်ဟ့ၣ်အီၤအါအါ ဒီးကွၢ်ဆၢၣ်မဲာ်ဘၣ်ကဒီးတၢ်အဂုၤအဂၤန့ၣ်လီၤႉ တဘျီဘျီ‚ တၢ်ဘၣ်ဖှီၣ်ဘၣ်ယာ်တဖၣ် ဒိၣ်န့ၢ်ဒံး စဲးခိၣ်ဃံပိၢ်ဖးထီၣ်လၢ အတၢ်ဒၣ်၀ဲ‚ တၢ်ဂ့ၢ်ကီလၢ တၢ်ဆူးတၢ်ဆါလၢတၢ်တမုၢ်လၢ်‚ တၢ်သံကွံာ်လၢ တၢ်တဘၣ်ဆၢဘၣ်ကတီၢ်ဒီး တၢ်လီၤမၢ်လၢအလီၤပျံၤလီၤဖုးန့ၣ်လီၤႉ
လၢတၢ်အကတီၢ်ဒ်သိးအံၤန့ၣ် ပဆၢမုၢ်လၢ်ဘၣ်ဟီၣ်ခိၣ်လၢ အဆံးစှၤ၀ဲလၢ တၢ်ဖှီၣ်တဖၣ်အဂီၢ်န့ၣ်လီၤႉ ဟီၣ်ခိၣ်လၢ ပဆၢမုၢ်လၢ်ဘၣ်အံၤ‚ ဟဲလံ၀ဲန့ၣ် ဘၣ်တၢ်အၢၣ်လီၤန့ၢ်ပှၤလၢ ကစၢ်ယ့ၣ့်ှှူးလီၤႉ ဘၣ်ဆၣ်‚ တမ့ၢ်ခဲအံၤဒံးဘၣ်ႉ အ၀ဲဒုးပလီၢ်ပှၤလၢ‚ ‘လၢဟီၣ်ခိၣ်အံၤ‚ သုကဘၣ်တၢ်ဖှီၣ်လီၤႉ ဘၣ်ဆၣ်ဒီး ပာ်သုသးခူတလ့ၢ်တက့ၢ်ႉ ယမၤနၢၤလံ ဟီၣ်ခိၣ်လံ’ (ယိၤ ၁၆း၃၃) ႉ ယ့ၣ့်ှှူးအတၢ်ကတိၤလၢ လံာ်အဆၢဒိၣ်အံၤ မ့ၢ်တၢ်လၢ အဘၣ်ထွဲဒီး တၢ်အဖှီၣ် ဒ်တၢ်မၤအၢမၤနးတၢ်လၢ နတၢ်စူၢ်တၢ်နာ်အဂီၢ်န့ၣ်လီၤႉ အ၀ဲ သိၣ်လိတ့ၢ်၀ဲလၢ‚ ဘၣ်ဆၣ်တၢ်အဖှီၣ်ဒ်သိးအံၤ တမ့ၢ်တၢ်ကတိၤလၢခံကတၢၢ်နီတစုလၢ ပှၤလၢ အမုၢ်လၢ်တၢ်လၢအ၀ဲအပူၤအဂီၢ်န့ၣ်ဘၣ်ႉ
တၢ်ဖှီၣ်လၢဆံး၀ဲဂ့ၤ‚ ဒိၣ်၀ဲဂ့ၤ ပကကွၢ်ဆၢၣ်မဲာ်ဘၣ်၀ဲန့ၣ်လီၤႉ ဘၣ်ဆၣ်‚ ယ့ၣ့်ှှူးအၢၣ်လီၤလၢခဲမုၢ်ဆ့ၣ်တၢ်အိၣ်သးကဂ့ၤဒိၣ် ဃုာ်ဒီးအ၀ဲအတၢ်ဟ့ၣ်ဂံၢ်ဟ့ၣ်ဘါပှၤလၢ ပသု တပျဲတၢ်ဖှီၣ်လၢ ကမၤဘၣ်အၢ ပတၢ်အိၣ်မူလၢ တနံၤအံၤန့ၣ်တဂ့ၤႉ