ပှၤမၤစၢၤတၢ်အဆိကတၢၢ်တဖၣ်‚ ပာ်ဖျါထီၣ် တၢ်လုၢ်ထီၣ်သးဒီးတၢ်သးဒူကိးနံၤလၢ တၢ်အိၣ်ဆၢထၢၣ်လၢ တၢ်မဲာ်ညါ ဖဲတၢ်တတၢာ်တနါ မ့ၢ်အိၣ်ထီၣ်တဘျီလၢ်လၢ် န့ၣ်လီၤႉ ဖဲ၀ီလ်ထရၠာစး့းစဲထၢၣ် လၢ၀့ၢ်နယူယီး‚ ဘၣ်တၢ်မၤဟးဂီၤ ဖဲ ၂၀၀၁ နံၣ်‚ ပှၤနီၣ်ဂံၢ်လၢ အကထိတဖၣ်‚ သံကွံာ် ဒီးဘၣ်ဒိဘၣ်ထံး ဒီးလၢအကျါ‚ ဂ့ၢ်ဂီၤအူ ပှၤမၤတၢ်ဖိလၢ အအါန့ၢ်ဒံး လွံၢ်ကယၤဘျဲၣ်စ့ၢ်ကီးအသးသမူဘၣ်လီၤမၢ်ကွံာ်လီၤႉ လၢတၢ်မၤလၤကပီၤ ပှၤမၤစၢၤတၢ်အဆိကတၢၢ်တဖၣ်‚ အမဲရၠာစးကၣ် စံန့း ပာ်ပနီၣ် စဲးပတ့ဘၢၣ် ၁၂ သီ ဒ်ထံကီၢ်ဒီတဘ့ၣ်အမုၢ်နံၤ လၢ ‘‘တၢ်ဟ့ၣ်ဆူၣ်ထီၣ်ပှၤသး’’ အသိး န့ၣ်လီၤႉ
ဖဲလၢတၢ်အံၤမ့ၢ်ဖျါလီၤဆီလၢ ပဒိၣ်တဖု ဘိးဘၣ်သ့ၣ်ညါ မုၢ်တနံၤလၢ အမ့ၢ် တၢ်ဟ့ၣ်ဆူၣ်ထီၣ်ပှၤသးကတီၢ်‚ မ့မ့ၢ် ပှၤတၢ်မၢဖိစီၤပီလူးတခီ ဆိကမိၣ် တၢ်လီၤတံၢ် လီၤဆဲးလၢ‚ တၢ်အံၤ မ့ၢ်တၢ်လၢအလိၣ်လၢ တၢ်အိၣ်ဖှိၣ်တဖု အတၢ်ဒိၣ်ထီၣ်အဂီၢ်န့ၣ်လီၤႉ အ၀ဲမၤလိာ် တၢ်အိၣ်ဖှိၣ်သးစၢ်လၢ သ့းစၤလနံ ၀့ၢ်တဖျၢၣ်လၢအအိၣ်လၢ မၤက့းဒနံဆူ တၢ်ကမၤမုာ်ထီၣ်တၢ်‚ မၤစၢၤပှၤလၢအဂံၢ်ဘါစၢ် ဒီးတၢ်က၀ံသးစူၤပှၤခဲလၢာ် (၁ သ့းစၤလနံ ၅း၁၄) န့ၣ်လီၤႉ ဖဲလၢအ၀ဲသ့ၣ် မ့ၢ်လဲၤခီဖျိဘၣ်တၢ်မၤအၢမၤနးန့ၣ် စီၤပီလူး ဟ့ၣ်ဆူၣ်ထီၣ် ပှၤစူၢ်က့ၤနာ်က့ၤတၢ်တဖၣ်အသး ဒ်သိး ‘‘ကလူၤ တၢ်ဂ့ၤတၢ်၀ါတထံၣ်ဃီ’’ (း၁၅) န့ၣ်လီၤႉ အ၀ဲသ့ၣ်ညါလၢ ဒ်အမ့ၢ်ပှၤကူပှၤကညီတဖၣ်အသိး‚ အ၀ဲသ့ၣ် အသးဟးဂီၤသ့‚ အိၣ်ဒီး တၢ်အဲၣ်လီၤသးဒီး တၢ်သဘံၣ်ဘုၣ် အိၣ်ထီၣ် သ့၀ဲန့ၣ်လီၤႉ တဘျီဃီ‚ စီၤပီလူးသ့ၣ်ညါစ့ၢ်ကီးလၢ‚ ပှၤကညီကဒဲကဒဲ မၤစၢၤလိာ်သးတသ့‚ မ့ၢ်တဒိးန့ၢ်ဘၣ်တၢ်မၤစၢၤဒီး တၢ်ဂံၢ်တၢ်ဘါလၢ အဟဲလၢကစၢ်ယွၤန့ၣ်ဘၣ်လီၤႉ
တၢ်အိၣ်သးတဖၣ် တမ့ၢ်တၢ်လၢ အလီၤဆီ ဒ်တနံၤအံၤ တၢ်ကွၢ်ဆၢၣ်မဲာ် န့ၣ်ဘၣ်ႉ ပ၀ဲကိးဂၤ ပလိၣ်ဘၣ် တၢ်ကစိာ်ကဖီထီၣ် ဒီးပလိၣ်ဘၣ်စ့ၢ်ကီးလၢ ပကမၤတၢ် တမံၤဃီအံၤ ဆူပှၤလၢအအိၣ်လၢ ပခိၣ်ပဃၢၤတဖၣ်အဂီၢ်လီၤႉ ဘၣ်ဆၣ်‚ လၢပဂံၢ်ပဘါဒၣ်၀ဲ ပမၤတသ့ဘၣ်ႉ လၢတၢ်အံၤအဃိ‚ စီၤပီလူးဟ့ၣ်ဆူၣ်ထီၣ် တၢ်လၢ ‘‘ပှၤလၢအကိးန့ၢ်သု မ့ၢ်ပှၤလၢအကလုၢ်တီဒီး အ၀ဲဒၣ်ကမၤစ့ၢ်ကီး၀ဲန့ၣ်လီၤ’’ (း၂၄) ႉ ခီဖျိကစၢ်ခရၠာစးံာ် အတၢ်မၤစၢၤန့ၣ် ပဟ့ၣ်ဆူၣ်ထီၣ်လိာ်သကိးပသး သ့၀ဲလၢ ကိးနံၤအတၢ်အိၣ်မူန့ၣ်လီၤႉ