ဖဲအဒိးကသ့ၣ်လၢ ခၠံၣ်ဟွါဟူၣ်မဲးမုၢ်ခိၣ် လၢ ၁၈၀၀ နံၣ်‚ ကၠ့မ်၀ှဲး ထံၣ်ဘၣ်တၢ်လီၤဆီ လၢအမ့ၢ် တၢ်အၢၣ်လၢအသူလၢ အက့ၢ်အဂီၤလီၤဂာ် ဒ်မ့ၣ်အူလုၢ်လၢမူကပိာ်လိၤန့ၣ် လီၤႉ ဆိကမိၣ်လၢ တၢ်အံၤကမ့ၢ်ပှၢ်မ့ၣ်အူအီၣ်တၢ်အဃိ‚ ပှၤကွၢ်ကျီၢ်သးစၢ်ဖိအံၤ‚ ဒိးထီၣ် ကသ့ၣ်လိၤလိၤဆူ တၢ်ဂံၢ်ထံး‚ ဒီးဖဲအတုၤတၢ်လီၢ်အံၤ‚ တၢ်လၢအ၀ဲဆိကမိၣ် လၢအမ့ၢ် မ့ၣ်အူလုၢ်အံၤ‚ အ၀ဲသ့ၣ်ညါဘၣ်က့ၤလၢ ဘျါက့ှူၢ်ဖးဒိၣ်တဖု ဟးထီၣ် အါအါဂီၢ်ဂီၢ်လၢ တၢ်ပူၤလၢအအိၣ်လၢ ဟီၣ်ခိၣ်ပူၤန့ၣ်လီၤႉ ၀ှဲးလဲၤခီဂာ်ဘၣ် နယူမဲးစံၣ်ကိၣ်‚ အခါလ်ဘဲးလၢၢ်ပူၤလ့ပူၤတဖၣ်‚ လၢအမ့ၢ်တၢ်လ့ပူၤတဖၣ်လၢ အဖးဒိၣ်ဖးသွါ တခါန့ၣ်လီၤႉ
ဖဲစီၤမိၤဒီး ကွၢ်သိလၢ မုၢ်ထီၣ်လီၢ်ခၢၣ်သး မဲးမုၢ်ခိၣ်တဘ့ၣ်အကတီၢ်‚ အ၀ဲစ့ၢ်ကီး ထံၣ်ဘၣ်တၢ်လီၤဆီလၢ အထုးန့ၢ်အသးလၢ သ့ၣ်တၤဆှုၣ်တခိၣ်လၢ မ့ၣ်အူလၣ် ကပျီၤထီၣ် ဘၣ်ဆၣ်မ့ၣ်အူတအီၣ်ကွံာ်တၢ်အံၤ (၂မိၤ ၃း၂) န့ၣ်လီၤႉ မ့ၢ်ယွၤအကစၢ်ဒၣ်၀ဲ ကတိၤတၢ်လၢ သ့ၣ်တၤဆှုၣ်‚ စီၤမိၤဒီး သ့ၣ်ညါနီၣ်လၢ အ၀ဲတုၤအိၣ်ဘၣ်ဆူ တၢ်လၢအဖျါလီၤကဟုကညီၢ်န့ၢ်ဒံး တၢ်လၢအ၀ဲထံၣ်ဘၣ်၀ဲ အဆိကတၢၢ်န့ၣ်လီၤႉ ကစၢ်ယွၤ စံးဘၣ် စီၤမိၤဒီးလၢ‚ ‘‘ယမ့ၢ်နပၢ်အကစၢ်‚ စီၤအၤ့ဘၤဟၣ်အကစၢ်’’ (း၆) လီၤႉ တၢ်အံၤမ့ၢ်တၢ်ဂ့ၢ်လၢ ကစၢ်ယွၤကဆှၢ ပှၤလၢအဘၣ်တၢ်မၢကဲကုၢ်တဖု ဆူတၢ်သဘ@ဒီး ကဒုးနဲၣ် အ၀ဲသ့ၣ်လၢ အတၢ်မ့ၢ်တၢ်နီၢ်နီၢ် ဒ်အ၀ဲအဖိအသိး (း၁၀) န့ၣ်လီၤႉ
လၢအမဲာ်ညါ နံၣ်ကယၤဘျဲၣ်‚ ကစၢ်မၤတ့ၢ်တၢ်အၢၣ်လီၤဆူ စီၤအၤ့ဘၤဟၣ် လၢ‚ ‘‘ပှၤဟီၣ်ခိၣ်ဖိအဒူၣ်ခဲလၢာ် ကဘၣ်တၢ်ဆိၣ်ဂ့ၤလၢနပူၤ’’ ( ၁ မိၤ ၁၂း၃) လီၤႉပှၤအံၣ်စရၠာစး့လးဖိအတၢ်ဟးထီၣ်လၢ ကီၢ်အဲၤကူပတူးန့ၣ် မ့ၢ်ခီၣ်ကါတကါလၢ တၢ်ဆိၣ်ဂ့ၤအ၀ဲန့ၣ်အပူၤ ကစၢ်ယွၤ အတၢ်တိာ်လၢ ကမၤထူၣ်ဖျဲး အတၢ်ဘၣ်တ့ ခီဖျိ မ့း့ှှံအၤလၢ စီၤအၤ့ဘၤဟၣ်အတၢ်လီၤစၢၤလီၤသွဲၣ်န့ၣ်လီၤႉ
တနံၤအံၤ ပသးခုဘၣ်လၢတၢ်န့ၢ်ဘျုးန့ၢ်ဖှိၣ်လၢ တၢ်ဆိၣ်ဂ့ၤအံၤ သ့၀ဲ မ့ၢ်လၢ ကစၢ်ယွၤဟ့ၣ်တၢ်ထူၣ်ဖျဲးအံၤဆူ ပှၤကိးဂၤဒဲးအအိၣ်အဃိန့ၣ်လီၤႉ ကစၢ်ခရၠာစးံာ် ဟဲလီၤဆူ ဟီၣ်ခိၣ် ဒ်သိးကတူၢ်သံအသးလၢ ပှၤဟီၣ်ခိၣ်ဖိကိးဂၤ အတၢ်ဒဲးဘးအဂီၢ်န့ၣ်လီၤႉ ခီဖျိတၢ်စူၢ်က့ၤနာ်က့ၤအီၤအဃိ‚ ပ၀ဲစ့ၢ်ကီး ပကဲထီၣ်ဘၣ် ယွၤလၢအမူ၀ဲတဂၤအဖိတဖၣ်န့ၣ်လီၤႉ