ဖဲကၠိၣ်ဟါနဲးကူထ့ဘၢး ဃါဃုာ် တၢ်စဲကျံးလံာ်ဃုာ်ဒီး တၢ်ဒိစဲးကွဲးလံာ်ဖဲ ၁၄၅၀ နံၣ်‚ အ၀ဲဒုးကဲထီၣ် ကမျၢၢ်တၢ်ဘၣ်ထွဲ တုၤအိၣ်လိာ်သးအစိၤလၢ ကီၢ်မုၢ်နုာ်‚ ရၠာစးၤလီၤ တၢ်မၤလိတၢ်ဆူ တၢ်ရၠာစး့လိာ်မုာ်လိာ်ဘၢၣ်က၀ီၤအသီန့ၣ်လီၤႉ လံာ်လဲၢ်အါထီၣ်ဂီၢ်ထီၣ် လၢဟီၣ်ခိၣ်ဒီတဘ့ၣ် ဒီးတၢ်ဆိကမိၣ်အသီတဖၣ် ဒုးအိၣ်ထီၣ်တၢ်အက့ၢ်အဂီၤတဖၣ် လၢ အဆီတလဲသးခ@သဒံးလၢ တၢ်ရၠာစး့လိာ်မုာ်လိာ်ဒီး လၢတၢ်ဘူၣ်တၢ်ဘါ အတၢ်အိၣ်သး တဖၣ်န့ၣ်လီၤႉ ကူထ့ဘၢး ဒုးအိၣ်ထီၣ် လံာ်စီဆှံလၢ အဘၣ်တၢ်စဲကျံးအီၤ အဆိကတၢၢ်န့ၣ်လီၤႉ တချုးအံၤန့ၣ် လံာ်စီဆှံတဖၣ်ဘၣ်တၢ်ကွဲးအီၤလၢစု တဘီဘၣ်တဘီ‚ ဒီး ဘၣ်ဟံးန့ၢ်တၢ်ဆၢကတီၢ်လၢ ယံာ်လၢတနံၣ် ဒ်သိးကမၤကဲထီၣ်လံာ်စီဆှံန့ၣ်လီၤႉ
စးထီၣ်လၢနံၣ်ကယၤအ၀ဲန့ၣ်‚ စဲကျံးတၢးလၢ အစဲကျံးလံာ် မၤပှဲၤန့ၢ်တၢ်လၢ နဂီၢ်ဒီး ယဂီၢ် ဒ်သိးကဒိးန့ၢ်တၢ်ခွဲးတၢ်ယာ်လၢ ကဖးဘၣ်အီၤလိၤလိၤန့ၣ်လီၤႉ ဖဲပဒိးန့ၢ် လံာ်စီဆှံလၢ လီသဟီၣ်တၢ်ကူၣ်သ့ဆူ ပအိၣ်ကတီၢ် ပ၀ဲအါဒံအါဂၤဟံးဃာ်ဒံး လံာ်စီဆှံလၢပစုပူၤ မ့ၢ်လၢအ၀ဲမၤကဲထီၣ်တၢ်အံၤ အဃိန့ၣ်လီၤႉ ဖဲလၢတဘျီ တၢ် လၢာ်ဘူၣ်လၢာ်စ့ၤဒီး တၢ်မ့ၢ်ဘၣ်စူးကါတၢ်ဆၢကတီၢ်အါမးလၢ တၢ်ကကွဲးလံာ်စီဆှံ တဘ့ၣ်လၢအတၢ်ကွဲး ဘၣ်ဆၣ်‚ တနံၤအံၤ‚ လံာ်စီဆှံတုၤဆူပစုထိးနါလံန့ၣ်လီၤႉ
တၢ်ဒိးန့ၢ် ယွၤအတၢ်မ့ၢ်တၢ်တီအံၤ မ့ၢ်တၢ်ခွဲးတၢ်ယာ်လၢ အလီၤ ကမၢကမၣ်န့ၣ်လီၤႉ ပှၤကွဲးလံာ်ကတိၤဒိ နဲၣ်ပှၤလၢ‚ ပကဘၣ်ပာ် ကစၢ်ယွၤ အတၢ်မၤလိာ်လၢ လံာ်စီဆှံအပူၤ ဒ်တၢ်တမံၤလၢ အမၤသးခုပှၤ‚ ‘‘ဒ် (ပ) မဲာ်ပှၤဖိ အသိး’’‚ (ကတိၤဒိ ၇း၂) ‚ ဒီးကွဲးလီၤ အ၀ဲအတၢ်ကူၣ်သ့ အတၢ်ကတိၤတဖၣ်လၢ ‘‘ (ပ) သးအလၢၢ်ဘ့ၣ်ဘၣ်အလိၤ’’ (း၃) န့ၣ်လီၤႉ ဒ်ပဃုထံၣ်တၢ် ဒ်သိးပကသ့ၣ်ညါနၢ်ပၢၢ် လံာ်စီဆှံဒီး အိၣ်မူ ဒ်အတၢ်ကူၣ်သ့အိၣ်၀ဲအသိး‚ ပ၀ဲကိးဂၤ‚ ဒ်တၢ်ကွဲးတဖၣ် လၢ အပာ်ဖျါထီၣ် ယွၤအတၢ်မ့ၢ်တၢ်တီလၢ ပစုမုၢ်အလိၤဒီး နုာ်လီၤဆူပသးအပူၤ‚ ဒ်သိး ပကစိာ်အီၤဃုာ်ဒီးပှၤ‚ ဖဲပလဲၤတၢ်တပူၤလၢ်လၢ်န့ၣ်လီၤႉ