‘‘မ့ၢ်ပှၤဃ့ထုကဖၣ်လၢယဂီၢ်ဒံးဧါ’’ န့ၣ် မ့ၢ်တၢ်သံကွၢ်အဆိကတၢၢ်လၢ မံး့ှှၢၣ်နရၠာစးံၣ်သရၠာစးၣ် တဂၤ သံကွၢ်အမါ‚ တဘျီလၢ်လၢ် ဖဲအမါ ဟဲထံၣ်အီၤလၢဃိာ်ပူၤန့ၣ်လီၤႉ အ၀ဲဘၣ် တၢ်စွဲသ့ှူးစွဲကမၣ်အီၤ ဒီးတ့ၢ်လီၤအီၤဆူဃိာ်ပူၤလၢအတၢ်စူၢ်တၢ်နာ်အဃိ‚ ၂ နံၣ်န့ၣ်လီၤႉ တလီၢ်လီၢ်‚ အ၀ဲအသးသမူအိၣ်ဘၣ်လၢ တၢ်လီၤဘၣ်ယိၣ်အလီၢ် မ့ၢ်လၢတၢ်အိၣ်သးလၢအလီၤဘၣ်ယိာ်လၢ ဃိာ်ပူၤန့ၣ်လီၤႉ ဘၣ်ဆၣ် ပှၤစူၢ်က့ၤနာ်က့ၤတၢ်လၢဟီၣ်ခိၣ်ဒီတဘ့ၣ်‚ လၢတၢ်သးအိၣ်နီၢ်နီၢ်အပူၤ‚ ဃ့ထုကဖၣ်လၢ အ၀ဲအဂီၢ်န့ၣ်လီၤႉ အ၀ဲသးအိၣ်မၤလီၤတံၢ်အ၀ဲသ့ၣ်‚ ဒ်သိးတဆိကတီၢ်ကွံာ် တၢ်ထုကဖၣ်တၢ်နီတစု‚ မ့ၢ် လၢအ၀ဲနာ်လၢ ကစၢ်ယွၤစူးကါအ၀ဲသ့ၣ် အတၢ်ထုကဖၣ်လၢ ကျဲလၢအအိၣ်ဒီး တၢ်စိ တၢ်ကမီၤတမံၤအဃိန့ၣ်လီၤႉ
ပတၢ်ထုကဖၣ်လၢပှၤဂုၤပှၤဂၤအဂီၢ်‚ လီၤလီၤဆီဆီ ပှၤလၢအဘၣ်တၢ်မၤ အၢမၤနးလၢ တၢ်စူၢ်တၢ်နာ်အဃိန့ၣ် မ့ၢ်တၢ်ဟ့ၣ်လၢအန့ၢ်ဂံၢ်န့ၢ်ဘါတၢ်န့ၣ်လီၤႉ စီၤပီလူး ပာ်ဖျါထီၣ် တၢ်အံၤဆှံဆှံ ဖဲအ၀ဲကွဲးလံာ်ဆူ ပှၤစူၢ်က့ၤနာ်က့ၤတၢ်တဖၣ်လၢအအိၣ်လၢ ကရၠာစးံၣ်သူးလၢ အဘၣ်ထွဲဒီးတၢ်ကီတၢ်ခဲတဖၣ်လၢ အ၀ဲကွၢ်ဆၢၣ်မဲာ်ဘၣ်၀ဲ ဖဲအလဲၤတၢ်လၢတၢ်သးခုကစီၣ်အကတီၢ်န့ၣ်လီၤႉ အ၀ဲအိၣ်ဘၣ်လၢ ‘တၢ်နးတၢ်ဖှီၣ်’ အါမး‚ တုၤ ‘‘ဒိး၀ဲတကဲ’’ ဒီး ‘‘တမုၢ်လၢ်လၢၤဘၣ် လၢကမူဘၣ်’’ (၂ ကရၠာစးံၣ် ၁း၈) န့ၣ်လီၤႉ ၀ံၤ‚ အ၀ဲစံးဘၣ်အ၀ဲသ့ၣ်လၢ‚ ကစၢ်ယွၤ မၤပူၤဖျဲးအီၤ ဒီးပာ်ဖျါထီၣ် ပိးလီ‚ လၢအ၀ဲ (ယွၤ) စူးကါတၢ်ဆူ တၢ်ကမၤတၢ်အံၤ‚ အ၀ဲဒၣ်ထုးထီၣ်ပှၤလၢတၢ်သံဆူၣ်ပှဲၤန့ၣ် ဒီး ခဲကနံၣ်အံၤထုးထီၣ်ပှၤ ဒီးမ့ၢ်သုမၤစၢၤဃုာ် စ့ၢ်ကီး လၢတၢ်ထုကဖၣ်အဃိ’ (း၁၀-၁၁) န့ၣ်လီၤႉ
ကစၢ်ယွၤမၤတၢ်‚ ခီဖျိပတၢ်ထုကဖၣ်တဖၣ် ဒ်သိးကမၤလၢပှဲၤတၢ်လၢ အဂ့ၤဒိၣ်ကတၢၢ်လၢ အပှၤဂီၢ်မုၢ် အတၢ်အိၣ်မူတဖၣ်အပူၤန့ၣ်လီၤႉ ကျဲအဂ့ၤကတၢၢ် အါမံၤအကျါတဘိ‚ မ်သုတၢ်အဲၣ်ဘၣ်ပှၤဂုၤပှၤဂၤ မ့ၢ်တၢ်ကဃ့ထုကဖၣ်လၢ အ၀ဲသ့ၣ် အဂီၢ်‚ မ့ၢ်လၢ ခီဖျိပတၢ်ထုကဖၣ်အဃိ‚ ပအိးထီၣ် Bတဲၤ‚ ဆူတၢ်မၤစၢၤလၢ တၢ်မၤပှဲၤအီၤ သ့ထဲဒၣ် ကစၢ်ယွၤတဂၤဧိၤ’ န့ၣ်လီၤႉ ဖဲပဃ့ထုကဖၣ်လၢ ပှၤဂုၤပှၤဂၤအဂီၢ်‚ ပအဲၣ်ဘၣ် အ၀ဲသ့ၣ်လၢ ယွၤအတၢ်ဂံၢ်ဆူၣ်ဘါဆူၣ်န့ၣ်လီၤႉ တၢ်လၢအဒိၣ်န့ၢ်ဒံး ကစၢ်ယွၤ မ့တမ့ၢ် တၢ်လၢပအဲၣ်ဘၣ်ကွံဘၣ်တၢ် ခီဖျိတၢ်ထုကဖၣ်ဆူ ပှၤဂုၤပှၤဂၤအဂီၢ် ဆူ အ၀ဲအအိၣ်န့ၣ်‚ တအိၣ်၀ဲနီတမံၤဘၣ်ႉ