တယံာ်ဘၣ်န့ၣ် ယလဲၤထီၣ် တီၤထီကၠိတဖျၢၣ်အတၢ်ပျၢ်ကၠိအမူး ဒီးအကတီၢ်ဖဲန့ၣ် ပှၤဖျိကၠိတဂၤ ကတိၤတၢ်လၢ အဘၣ်ထွဲဒီးတၢ်လိၣ်လၢ အတၤသးစၢ်လၢ အဒိၣ်တုာ် ခိၣ်ပှဲၤတဖၣ်လၢ အအိၣ်ဒီး တၢ်ကဒိးန့ၢ်ဖျိကၠိ အလံာ်အုၣ်သးန့ၣ်လီၤႉ
အ၀ဲယၢၤထီၣ်လၢတၢ်အံၤမ့ၢ်တၢ်အကတီၢ်တတီၤ‚ လၢအ၀ဲသ့ၣ် အတၢ်အိၣ်မူ အပူၤ‚ ဖဲပှၤကိးဂၤကသံကွၢ်အ၀ဲသ့ၣ်လၢ‚ ‘‘သုဖျိထီၣ်၀ံၤအလီၢ်ခံ‚ သုအိၣ်ဒီးတၢ်တိာ် မနုၤလဲၣ်ႉ ၀ံၤ မ့ၢ်သုကလူၤထွဲ တၢ်လုၢ်အီၣ်သးသမူ အတၢ်မၤမနုၤလဲၣ်ႉ ၀ံၤအလီၢ်ခံ‚ သုကထီၣ်ကၠိမတၤ မ့တမ့ၢ် မၤတၢ်မနုၤလဲၣ်’’ န့ၣ်လီၤႉ ၀ံၤ‚ အ၀ဲစံးလၢ‚ တၢ်သံကွၢ်လၢအကါဒိၣ်န့ၢ်တၢ်အံၤ မ့ၢ်အခဲအံၤ‚ အ၀ဲသ့ၣ် မၤတၢ်မနုၤန့ၣ်လဲၣ်လီၤႉ
လၢတၢ်အိၣ်သးလၢ တၢ်စူၢ်တၢ်နာ်အတၢ်လဲၤအပူၤ‚ ကိးနံၤတၢ်ကဘၣ် ဆၢတဲာ်တၢ်လၢ ကနဲၣ်အ၀ဲသ့ၣ် ‘‘အတၢ်အိၣ်မူဆူ ကစၢ်ယ့ၣ့်ှှူးအဂီၢ်‚ လၢအတမ့ၢ် ဘၣ်အ၀ဲသ့ၣ် အကစၢ်ဒၣ်၀ဲအဂီၢ် လၢအမ့ၢ်တၢ်မနုၤတဖၣ်န့ၣ်လဲၣ်လီၤႉ
အ၀ဲအတၢ်ကတိၤတဖၣ် ဒုးသ့ၣ်နီၣ်ထီၣ်ယၤလၢ လံာ်တၢ်ကတိၤဒိလၢ အနဲၣ် တၢ်ဂ့ၢ်အါမံၤလၢ အဘၣ်ထွဲဒီးကအိၣ်မူတၢ်အိၣ်မူဒ်လဲၣ်လၢ အကတီၢ်ခဲအံၤ န့ၣ်လီၤႉ အဒိ‚ တၢ်အိၣ်မူလၢ အတီလၢအခဲအံၤ (၁၁း၁) ‚ တၢ်ဃုထၢတံၤသကိးလၢ အ့ကၢး အဘၣ် လၢအကတီၢ်ခဲအံၤ (၁၂း၂၆) ‚ တၢ်တီတၢ်လိၤလၢ အကတီၢ်ခဲအံၤ (၁၃း၆) ‚ တၢ်စံၣ်ညီၣ်တဲာ်တၢ်လၢအဂ့ၤ လၢအကတီၢ်ခဲအံၤ (၁၃း၁၅) ‚ ဒီးတၢ်ကတိၤတၢ်လၢ တၢ်ကူၣ်သ့လၢ အကတီၢ်ခဲအံၤ (၁၄း၃) န့ၣ်လီၤႉ
တၢ်အိၣ်မူလၢကစၢ်ယွၤအဂီၢ်လၢ အကတီၢ်ခဲအံၤ‚ ခီဖျိသးစီဆှံအတၢ်နဲၣ်ကျဲ‚ ဒုးကဲထီၣ်တၢ်ဆၢတဲာ်လၢ အမၤညီထီၣ်က့ၤ တၢ်အိၣ်သးလၢ အကဟဲလၢခံတဖၣ် န့ၣ်လီၤႉ ‘‘အဂ့ၢ်ဒ်အံၤ‚ ယွၤဟ့ၣ်လီၤတၢ်ကူၣ်သ့လီၤႉႉ ပာ်ဖှိၣ်၀ဲလၢ တၢ်ကူၣ်သ့ အမူာ် အနီၢ်လၢ ပှၤတီပှၤလိၤအဂီၢ်ႉႉႉ ပၢၤ၀ဲလၢ တၢ်စံၣ်ညီၣ်အကျဲဧိၤကပူၤဧိၤ‚ ဒီးကွၢ် အပှၤစီဆှံအကျဲလီၤ’’ (၂း၆-၈) ႉ မ်ကစၢ်ယွၤမၤပှဲၤ တၢ်လၢပလိၣ်ဘၣ်တဖၣ်လၢ ပသးသမူ အဂီၢ် ဒ်သိးပကမူလၢ အဘၣ်တၢ်နဲၣ်လီၤတၢ်လၢ အကတီၢ်လၢအကဟဲလၢခံလၢ အ၀ဲအလၤကပီၤအဂီၢ်တက့ၢ်ႉ