ကွၢ်ကဒါက့ၤ နံၤသီလၢယကတဲာ်ကတီၤတၢ်စံၣ်တဲၤတဲလီၤတဖၣ်‚ ယထံၣ်လီၤက့ၤ ယသးလၢ‚ မုၢ်အိၣ်ဘှံးနံၤအနွံလၢ အဘူးကတၢၢ်အဂီၤန့ၣ် ယတအိၣ်ဒီး တၢ်သူၣ်မံသးမံ န့ၣ်လီၤႉ
တချုးလၢနွံလၢ တၢ်ကစံၣ်တဲၤတဲလီၤတၢ်‚ ယတမ့ၢ်ယဲ၀ၤလၢအဂ့ၤကတၢၢ်‚ တမ့ၢ်စ့ၢ်ကီး ပၢ်လၢအဂ့ၤ ဒီး တံၤသကိးအဂ့ၤန့ၣ်ဘၣ်ႉ ယကလၢၢ်ဘၣ်လၢ တချုး ကစၢ်ယွၤစူးကါကဒီးယၤတဘျီ‚ ယကဘၣ်သူၣ်ထီၣ်ယဲတၢ်မူလၢ အမ့ၢ်အတီန့ၣ်လီၤႉ လၢတၢ်အံၤအဃိ‚ ယအၢၣ်လီၤယသးလၢ ဒ်ယကတဲာ်ကတီၤ တၢ်ကစီၣ် အဂ့ၤကတၢၢ်အသိး‚ ယကဂုာ်ကျဲးစၢး အိၣ်မူဂ့ၤထီၣ်၀ါထီၣ်လၢနွံလၢအကဟဲန့ၣ်လီၤႉ
တၢ်အံၤ‚ တမ့ၢ်တၢ်သုးဘူးသးလၢ အမ့ၢ်၀ဲတီ၀ဲန့ၣ်ဘၣ်ႉ လၢကလၤတံ အဆၢဒိၣ် ၃ န့ၣ် လံာ်စီဆှံပာ်ဖျါထီၣ်လၢ ကစၢ်ယွၤမၤပှဲၤအသးစီဆှံတပယူာ်ဃီလၢ ပပူၤ ဒီးမၤတၢ်လၢ တၢ်စိကမီၤဒိၣ်လၢပပူၤ‚ ဒ်တၢ်ဟ့ၣ်ကလီတမံၤအသိး‚ လၢအတမ့ၢ် ဘၣ် ပမၤတ့ၢ်တၢ်ဂ့ၤတမံၤမံၤအဃိ‚ မ့တမ့ၢ် ပ့ကၢး၀ဲဘၣ်၀ဲဒီး တၢ်အံၤန့ၣ်ဘၣ်ႉ
စီၤအၤ့ဘၤဟၣ်အသးသမူလီၣ်ဖျါထီၣ် တၢ်အံၤန့ၣ်လီၤႉ လၢတၢ်အကတီၢ်အါမးအပူၤ‚ အ၀ဲလီၤတူာ်လီၤကာ် ဒ်၀ၤတဂၤအသိးန့ၣ်လီၤႉ အဒိ‚ အ၀ဲဒုးတုၤ နီၢ်စၤရၠာစးါ အသးသမူလၢ တၢ်ကီတၢ်ခဲအပူၤခံစု‚ ခီဖျိတၢ်လီတၢ်၀့ၤ ဒ်သိးကမၤပူၤဖျဲးလီၤက့ၤ အသးအဂီၢ် (၁ မိၤ ၁၂း၁၀-၂၀‚ ၂၀း၁-၁၈) န့ၣ်လီၤႉ ဘၣ်ဆၣ်‚ အ၀ဲအတၢ်စူၢ်တၢ်နာ်‚ ဘၣ် ‘တၢ်ပးကဲလၢတၢ်တီတၢ်လိၤ’ (ကလၤ ၃း၆) န့ၣ်လီၤႉ ဖဲလၢ မ့ၢ်လီၤတူာ်လီၤကာ်ဘၣ်ဆၣ်‚ စီၤအၤ့ဘၤဟၣ် ပာ်ထီၣ်အတၢ်နာ်လၢ ကစၢ်ယွၤ အစုပူၤဒီး ကစၢ်ယွၤစူးကါအီၤလၢ ကဟဲစိာ်တၢ်အုၣ်က့ၤခီၣ်က့ၤ ဆူဟီၣ်ခိၣ်‚ ခီဖျိ အ၀ဲအတၢ်လီၤစၢၤလီၤသွဲၣ်န့ၣ်လီၤႉ
တၢ်ပာ်တီပာ်လိၤတၢ်‚ တအိၣ်၀ဲနီတမံၤ‚ လၢတၢ်မူဟူးဂဲၤလၢအအၢအသီ အဂီၢ်န့ၣ်ဘၣ်ႉ ကစၢ်ယ့ၣ့်ှှူးကိးပှၤ ဒ်သိးပကပိာ်အခံလၢ တၢ်စူၢ်တၢ်နာ်အပူၤ‚ ဒီးအ၀ဲမၤပှဲၤစ့ၢ်ကီး တၢ်လၢအလိၣ်လၢပပူၤန့ၣ်လီၤႉ သူၣ်သးလၢအကိၤ‚ သးလၢ အတပီၢ်ယၢ်လီၤသးတဖၣ်န့ၣ် ထီဘိမ့ၢ်တၢ်လၢ အမၤတံာ်တာ် ယွၤအတၢ်တိာ်တဖၣ် လၢပဂီၢ်‚ ဘၣ်ဆၣ် ကစၢ်အတၢ်သ့တၢ်ဘၣ်လၢ ကစူးကါပှၤန့ၣ်‚ တသန့ၤထီၣ်သးလၢ ပတၢ်မူလၢအဂ့ၤ၀ဲ၀ါဂ့ၤန့ၣ်ဘၣ်ႉ သန့ၤထီၣ်သးထဲဒၣ်လၢ ကစၢ်ယွၤ အသးအိၣ်လၢ ကမၤတၢ် ခီဖျိလၢပ၀ဲ ဒ်ပမ့ၢ်တၢ်အသိး‚ အုၣ်က့ၤခီၣ်က့ၤတၢ်ဒီး ဒိၣ်ထီၣ်လၢ တၢ်ဘျုး တၢ်ဖှိၣ်န့ၣ်လီၤႉ အလီၢ်တအိၣ်လၢ နကဘၣ်မၤတၢ် ဒ်သိးနကဒိးန့ၢ်အ၀ဲအဘျုးအဖှိၣ်‚ မ့မ့ၢ် တၢ်အံၤမ့ၢ်တၢ်ဟ့ၣ်ကလီန့ၣ်လီၤႉ