ဖဲတၢ်သူးလီၢ်သုးကျဲ၀ံၤဒီး မ့ဘၢၣ်အဖိခွါဖိ ရၠာစးံၣ်ယၣ်‚ ပှၤ ၇ နံၣ်ဖိတဂၤ သူၣ်ကိၢ်သးဂီၤ ဖဲလၢအကတဲာ်ကတီၤအသးလၢ ကထီၣ်တၢ်ကိၢ်ခါတၢ်မၤလိလၢ အကၠိအသီန့ၣ်လီၤႉ မ့ဘၢၣ်ဟ့ၣ်ဂံၢ်ဟ့ၣ်ဘါအီၤ‚ မၤလီၤတံၢ်အီၤလၢ အ၀ဲနၢ်ပၢၢ်တၢ်ဆီတလဲအံၤ မ့ၢ်တၢ်လၢအကီခဲန့ၣ်လီၤႉ ဘၣ်မုၢ်တဂီၤ‚ ရၠာစးံၣ်ယၣ် မၤအသးလၢ အဖျါသူၣ်ဒိၣ်သးဖျိးတၢ် တလၢကွံာ်အခၢးန့ၣ်လီၤႉ လၢတၢ်သးအိၣ်အပူၤ‚ မ့ဘၢၣ် သံကွၢ်အီၤလၢ ‘‘ဖိခွါဖိဧၢ‚ မ့ၢ်တၢ်မနုၤမၤတံာ်တာ်နသးန့ၣ်လဲၣ်’’ လီၤႉ
ရၠာစးံၣ်ယၣ် သံးထီၣ်သံးလီၤအဖံဘၣ်ခိၣ်‚ ဖဲအကွၢ်စူၣ်တၢ်လၢBတဲၤဖိ ဒီးစံးဆၢက့ၤအမိၢ်လၢ ‘‘ယတသ့ၣ်ညါဘၣ်ႉ ယကလၢၢ်ဘၣ် တၢ်အါမံၤလီၤႉ’’
မ့ဘၢၣ် အသးတမုာ်ဒိၣ်မး ဖဲအမၤမုာ်ထီၣ်က့ၤ အဖိခွါအံၤန့ၣ်လီၤႉ လၢတၢ်ကမၤစၢၤအီၤအဂီၢ်‚ မ့ဘၢၣ် နီၤဟ့ၣ်အဖိခွါလၢ အ၀ဲစ့ၢ်ကီး ကွၢ်ဆၢၣ်မဲာ်ဘၣ် တၢ်ကီ တၢ်ခဲ‚ ခီဖျိလၢအဘၣ်သုးလီၢ်သုးကျဲန့ၣ်လီၤႉ အ၀ဲစံး အဖိခွါလၢ ကစၢ်ယွၤ အိၣ်ဘူးဒီးအီၤ‚ လၢအမ့ၢ်ယွၤလၢ အသ့ၣ်ညါတၢ်ကိးမံၤ‚ ဖဲလၢအ၀ဲသ့ၣ် မ့ၢ်တသ့ၣ်ညါ ဒီး တၢ်သဘံၣ် ဘုၣ် မ့ၢ်အိၣ်လၢအ၀ဲသ့ၣ်အပူၤအခါဒၣ်လဲာ်န့ၣ်လီၤႉ အ၀ဲစံးဘၣ် စ့ၢ်ကီးအဖိခွါလၢ‚ ‘‘ပကလဲၤဟးအိၣ်သကိးဆိ နတံၤသကိးဖိတဖၣ်‚ တချုးလၢ ကၠိစးထီၣ်နီ’’ န့ၣ်လီၤႉ ၀ံၤ‚ အ၀ဲသ့ၣ်ရၠာစးဲၣ်လီၤတၢ်ရၠာစးဲၣ်တၢ်ကျဲၤတဖၣ်‚ စံးဘျုးကစၢ်ယွၤလၢ အနၢ်ပၢၢ်အ၀ဲသ့ၣ်‚ ဖဲလၢအဖိတဖၣ် မ့ၢ်ကလၢၢ်ဘၣ်တၢ် အါမံၤအါမၠိဒၣ်လဲာ်န့ၣ်လီၤႉ
ပှၤကွဲးထါစံးပ့တၢၤ ၁၄၇‚ လဲၤခီဖျိဘၣ် တၢ်ဒိၣ်ဘၢလၢ သးအတၢ်ဟူးတၢ်ဂဲၤ လၢအတၢ်စူၢ်တၢ်နာ်ဒီတကတီၢ်ဒီး ပာ်ပနီၣ်တၢ်ဘျုးလၢတၢ်ဒိးန့ၢ်အီၤလၢ တၢ်စံးထီၣ် ပ့တၢၤယွၤလၢ အသ့ၣ်ညါတၢ်ဒီးပၢၤဃာ်တၢ်ကိးမံၤ‚ ယွၤလၢအယါဘျါနီၢ်ခိဒီး သးအတၢ်ပူၤလီၢ်တဖၣ် (း၁-၆) န့ၣ်လီၤႉ အ၀ဲစံးဘျုးယွၤလၢအမၤပဲှၤတၢ်လၢအလိၣ်ဘၣ်၀ဲ ဒီးသးအိၣ် ‘ပှၤလၢအပျံၤအီၤ‚ ပှၤလၢအကွၢ်လၢ်တၢ်အဘျုးအဖှိၣ်အကျဲ’ (း၁၁) န့ၣ်လီၤႉ
ဖဲလၢပမ့ၢ်ဘၣ်ဟူးဂဲၤလၢ ကမၤဘၣ်လိာ်တၢ်လၢ ပသးအတၢ်ဟူးတၢ်ဂဲၤလၢ အဆီတလဲသးသ့ထီဘိအကတီၢ်‚ ပတမ့ၢ်ပှၤလၢ အကလၢၢ်ဘၣ်တၢ် ထဲတဂၤဧိၤ‚ မ့တမ့ၢ် သးဟးဂီၤဘၣ်န့ၣ်ဘၣ်ႉ ပသူၣ်လီၤပသးလၢ ယွၤအတၢ်အဲၣ်လၢ အတကွၢ်မဲာ်တၢ်ဒီး အကတၢၢ်တအိၣ်လၢအမ့ၢ် ပကစၢ်လၢအတဆီတလဲသးနီတစုအပူၤ‚ သ့၀ဲန့ၣ် လီၤႉ