ဖဲတၢ်သံကျံအယုၢ်ဖိသီၣ်ထီၣ်‚ ပ၀ဲ ၆ ဂၤ ပဆၢထၢၣ်ဒီး ဟူးဂဲၤကိးဂၤလီၤႉ တနီၤ ဒိးထီၣ်ခီၣ်ဖံးဒီး ပှၤအဂုၤအဂၤတခီ ဃ့ၢ်ဟးထီၣ်ထဲ ခီၣ်လဲကဲလီၤႉ လၢစဲးကီးစှၤကိာ်ဖိ‚ ပဃ့ၢ်သကိးတုၤဆူ သိလ့ၣ်လၢအဆါတၢ်အီၣ်အဆၢလီၤသကၤလီၤႉ တၢ်အံၤမ့ၢ် နံၤသီအဆိကတၢၢ်လၢ တၢ်ကိၢ်ထီၣ်လၢတၢ်ကိၢ်ခါကတီၢ်တသီ‚ ကျဲလၢဂ့ၤဒိၣ်န့ၢ် တၢ်အံၤ တအိၣ်နီတမံၤလၢ ကအီၣ်တၢ်လၢ အခုၣ်ဒီးဆၢ၀ဲန့ၣ်ဘၣ်လီၤႉ ပမၤတၢ် ဒ်သိးအံၤ မ့ၢ်ကအီၣ်ဘၣ် တၢ်အီၣ်အဆၢလီၤသကၤအံၤ ဟဲစိာ်န့ၢ်ပှၤ တၢ်သးခုလၢ အတမ့ၢ်ဘၣ် တၢ်သိၣ်ဃံး မ့တမ့ၢ် တၢ်လၢအမၤဆူၣ်ပှၤအဃိန့ၣ်လီၤႉ
လၢတၢ်ကတိၤအဒိခံမံၤလၢ အဘၣ်တၢ်ထံၣ်န့ၢ်အီၤ ဖဲလံာ်မးသဲ ၁၃း၄၄-၄၆‚ တၢ်ဟ့ၣ်တၢ်အတယၢၢ်အံၤ မ့ၢ်တၢ်ကဆါကွံာ်တၢ်ကိးမံၤ ဒ်သိးကဒိးန့ၢ် တၢ်တမံၤမံၤ န့ၣ်လီၤႉ ပကဆိကမိၣ်ထီၣ်သကိး ပူတဖၣ်အံၤ မ့ၢ်ပူလၢ အဘၣ်ထွဲဒီး တၢ်လုၢ်ထီၣ်သးန့ၣ်လီၤႉ ဘၣ်ဆၣ်‚ တၢ်အ၀ဲန့ၣ် တမ့ၢ်တၢ်အခိၣ်သ့ၣ်ဘၣ်ႉ နီၢ်နီၢ်တခီ‚ တၢ်ဂ့ၢ် အဆိကတၢၢ် ပာ်ဖျါထီၣ်လၢ တၢ်အံၤမ့ၢ် ‘တၢ်သးခု’ လၢ အဆှၢပှၤအံၤ ကဆါကွံာ်တၢ်ကိးမံၤဒီး ပရၤပျီတပျီန့ၣ်လီၤႉ တၢ်သးခု မၢဆီတလဲပှၤ‚ တမ့ၢ်တၢ်ပာ်ထီၣ်က့ၤ တၢ်ကမၣ်လၢပလိၤ‚ မ့တမ့ၢ်‚ မူဒါလၢတၢ် ကဘၣ်မၤအီၤန့ၣ်ဘၣ်ႉ
ကစၢ်ယ့ၣ့်ှှူး တပာ်ဖျါအတၢ်မ့ၢ်တၢ်တနီၤလၢ ပတၢ်အိၣ်မူအပူၤဘၣ်ႉ မ့မ့ၢ်ပာ်ဖျါ၀ဲတၢ်လၢာ်လၢာ်ဆ့ဆ့လၢ ပတၢ်အိၣ်မူအပူၤန့ၣ်လီၤႉ ပှၤခံဂၤလၢ ပူတဖၣ်အံၤအပူၤ ‘ဆါကွံာ်တၢ်လၢအအိၣ်ဒီး အ၀ဲသ့ၣ်ခဲလၢာ်’ (း၄၄) န့ၣ်လီၤႉ ဘၣ်ဆၣ်‚ ဖဲအံၤ မ့ၢ်တၢ်အပတီၢ်လၢ အဂ့ၤကတၢၢ်‚ လၢတၢ်အစၢလၢတၢ်ဆါလီၤကွံာ်တၢ်ကိးမံၤအံၤ မ့ၢ်နီၢ်နီၢ် တၢ်လၢတၢ်ဒိးန့ၢ်ဘၣ်က့ၤတၢ်န့ၣ်လီၤႉ တမ့ၢ်လၢ ပကဆိကမိၣ်ထီၣ်တၢ်အံၤန့ၣ်ဘၣ်ႉ ခရၠာစးံာ်ဖိတၢ်အိၣ်မူ တမ့ၢ်လၢ ပဘၣ်ဟံးထီၣ် ပထူၣ်စုညါဒီးယိးထီၣ်အီၤဘၣ်ဧါႉ မ့ၢ်၀ဲလီၤႉဘၣ်ဆၣ် ဖဲပသံ၀ံၤ‚ ပကမူ၀ဲ‚ ဖဲပသးသမူ မ့ၢ်လီၤမၢ်‚ ပကထံၣ်န့ၢ်က့ၤ တၢ်အံၤန့ၣ်လီၤႉ ဖဲ ‘ပဆါလီၤကွံာ် တၢ်ခဲလၢာ်လၢအအိၣ်ဒီးပှၤ’‚ ပဒိးန့ၢ်က့ၤ တၢ်လုၢ်ဒိၣ်ပရၤဒိၣ်လၢ အလုၢ်အပရၤအဒိၣ်ကတၢၢ်လၢ အမ့ၢ်ကစၢ်ယ့ၣ့်ှှူးန့ၣ်လီၤႉ တၢ်သးခုမ့ၢ်တၢ်ဂ့ၢ်တၢ်ကျိၤ‚ တၢ်အးလီၤသးအံၤ မ့ၢ်တၢ်မၤဆၢက့ၤတၢ်န့ၣ်လီၤႉ
တၢ်ထူးတၢ်တီၤလၢ တၢ်သ့ၣ်ညါယ့ၣ့်ှှူး မ့ၢ်ခိၣ်ဖးန့ၣ်လီၤႉ