ထီဘိယအိၣ်ဒီး သးလၢအပာ်ဖှိၣ်တၢ်န့ၣ်လီၤႉ ဖဲယမ့ၢ်ဖိသၣ်ကတီၢ် ယပာ်ဖှိၣ် တၢ်ဂီၤခိၣ်‚ ဖျၢၣ်ဒိကးဒ်‚ တၢ်လီၤနံၤလီၤအ့တၢ်ဂီၤဒီးလံာ်ဖိတဖၣ်လီၤႉ အခဲအံၤ‚ ဒ်ပမ့ၢ်မိၢ်ပၢ်အသိး‚ ယထံၣ်ဘၣ်သးဒ်သိးအံၤ အိၣ်လၢယဖိတဖၣ်န့ၣ်လီၤႉ တဘျီဘျီ ယဆိကမိၣ်လၢ ‘မ့ၢ် လိၣ်ဘၣ်နီၢ်နီၢ် တၤသူဖိတၢ်ဂီၤဖိ ဒံးဧါ’ လီၤႉ
နီၢ်နီၢ်တခီ တမ့ၢ်တၢ်လၢအလိၣ်၀ဲန့ၣ်ဘၣ်ႉ မ့ၢ်တၢ်လွဲန့ၢ်သးလၢ တၢ်အသီ န့ၣ်လီၤႉ တဘျီဘျီ ဟဲအသးလၢ တၢ်မၤတကွဲသးလၢတၢ်လီၢ်လံၤတမံၤ‚ လၢအမ့ၢ်တၢ် လၢအကၤန့ၣ်လီၤႉ တၢ်လၢအဖီၣ်န့ၢ် ပတၢ်ဆိကမိၣ်‚ ပဘၣ်တၢ်လ့ပစီပှၤလၢ ပကနာ် လၢ ပမ့ၢ်အိၣ်ဒီး ‘‘တၢ်တမံၤအံၤ’’ လၢပတၢ်အိၣ်မူအံၤကဂ့ၤဒိၣ်ထီၣ် ဒီးပကသးမံ၀ဲလီၤႉ
ဘၣ်ဆၣ် တဟ့ၣ်ထီၣ်တၢ် ဒ်ပမုၢ်လၢ်အသိးဘၣ်ႉ ဘၣ်မနုၤအဃိလဲၣ်ႉ မ့ၢ်လၢယွၤတ့လီၤပှၤအဃိ ပဘၣ်တၢ်မၤပှဲၤပှၤ သ့ဒၣ်ထဲအ၀ဲဒၣ်ဧိၤဒီး တမ့ၢ်ဘၣ်တၢ်ထူးတီၤလၢ အအိၣ်၀းတရၠာစးံးပှၤလၢ ကမၤသးမံ တၢ်ဆၢမိၣ်န့ၢ်သးလီၤတၢ်လၢ ပသးပူၤတဖၣ်န့ၣ်လီၤႉ
တၢ်ဖ့ၣ်ဆၢအံၤ တမ့ၢ်တၢ်လၢအသီဘၣ်ႉ လံာ်ကတိၤဒိ တၢ်ထိၣ်သBတီၤတၢ် လၢကျဲခံဘိ‚ သးသမူလၢအဘၣ်တၢ်စူးကါအီၤလၢ ကလူၤပိာ်ထွဲတၢ်ထူးတၢ်တီၤအခံ ဒီး သးသမူလၢအသူၣ်လီၤသးလၢ တၢ်အဲၣ်ယွၤကွံယွၤ ဒီးတၢ်ဟ့ၣ်ညီတၢ်လၢ တၢ်သးအိၣ်အပူၤလီၤႉ လၢလံာ် ဒဒT့န ့နျျၠါနဒဒ အပူၤ ယူၢ်ကၠ့ဖံထၢၣ်စၢၣ် တဲဖျါထီၣ် ကတိၤဒိ ၁၁း၂၈ ဒ်သိး ပှၤနၢ်ပၢၢ်အီၤကညီ၀ဲဒ်‚ ‘‘သးသမူလၢ အလုၢ်ထီၣ်သးလၢ ဟီၣ်ခိၣ်တၢ်ထူးတီၤအံၤ မ့ၢ်သးသမူလၢ အသံကွံာ်တခါ‚ သ့ၣ်ခိၣ်ဆၢၣ်အကျၣ်တလိၣ်ဒီး တၢ်အိၣ်မူလၢ အဘၣ်တၢ်ကၢအီၤဘှီအီၤလၢ ကစၢ်ယွၤန့ၣ် မ့ၢ်သ့ၣ်တထူၣ်လၢ အမဲထီၣ်ဒိၣ်ထီၣ်ဆှိးထီၣ် န့ၣ်လီၤႉ’’
တၢ်ဂီၤလၢအလီၤလးလီၤႉ သးသမူခံမံၤ‚ တမံၤလၢ တၢ်မဲထီၣ်ဒိၣ်ထီၣ်ဆှိးထီၣ် ဒီးသၣ်ထီၣ်ဒီး တမံၤလၢ လီၤကအိဒီးဃ့ထီန့ၣ်လီၤႉ ဟီၣ်ခိၣ်တခီ‚ ဘၣ်သူၣ်ဘၣ်သးလၢ တၢ်ထူးတီၤထီၣ်လၢ နီၢ်ခိတပတီၢ်ပှဲၤသိး ‘တၢ်အိၣ်မူလၢအဂ့ၤ’ န့ၣ်လီၤႉ လၢအဂၤတခီ‚ ယွၤကွဲမုာ်ပှၤလၢ ပကသူၣ်လီၤပဂံၢ်လၢအ၀ဲအပူၤ ဆူတၢ်ကလဲၤခီဖျိအတၢ်ဂ့ၤတၢ်၀ါ‚ ဒီးကမဲထီၣ်ဒိၣ်ထီၣ် ဒီးသၣ်ထီၣ်န့ၣ်လီၤႉ ဒီးဒ်ပဘၣ် တၢ်ကၢပှၤဘှီပှၤလၢ ပတၢ် ရၠာစး့လိာ်ပသးဒီးအီၤ‚ ယွၤကၢက့ၤဘှီက့ၤကဒီးပသူၣ်ပသး ဒီးပတၢ်ဆၢမိၣ်န့ၢ်သးလီ‚ ဆီ တလဲကွံာ်တၢ်လၢ ပကံၢ်ပလဲပူၤ ဆူတၢ်လၢအဖျါထီၣ်လၢခိတဖၣ်န့ၣ်လီၤႉ