လၢယဖၣ်ကပူၤအချၢ ထိၣ်ရၠာစးီးဘ့ၣ်ဖိတဖၣ် မၤအသွံလၢ ဃိးမဲၢ်ခံလၢ တၢ်လီၤပၢၤတတီၤ လၢဟံၣ်ချၢခိၣ်ဒုးအဖီလာ်လီၤႉ ယကွၢ်မုာ်ဒိၣ်မးလၢ အ၀ဲထၢဖှိၣ်ထီၣ် တပံၢ်တဖၣ်ဒီး ဘှီအသွံ၀ံၤ‚ ဟုအဒံၣ်ဖိတဖၣ်န့ၣ်လီၤႉ ကိးဂီၤ‚ ယသမံသမိးကွၢ် တၢ်ဂုၤထီၣ်ပသီထီၣ် လၢ အဘၣ်ထွဲဒီးထိၣ်မိၢ်ဖိလီၤႉ ဘၣ်ဆၣ်ကိးဂီၤစုာ်စုာ်‚ တၢ်လီၤဆီတအိၣ်၀ဲဘၣ်ႉ ထိၣ်ရၠာစးီးဘ့ၣ်အဒံၣ်တဖၣ် တၢ်ဘၣ်ဟုအီၤယံာ်၀ဲ ခံနွံန့ၣ်လီၤႉ
တၢ်တသူၣ်စူၤသးစူၤဒ်သိးအံၤ တမ့ၢ်တၢ်အသီလၢယဂီၢ်ဘၣ်ႉ ထီဘိယအိၣ် ဒီး တၢ်သူၣ်ကိၢ်သးဂီၤတၢ်လၢ အထီဒါတၢ်ဘၣ်အိၣ်ခိးတၢ်အတၢ်မၤ‚ လီၤလီၤဆီဆီ‚ လၢတၢ်ထုကဖၣ်န့ၣ်လီၤႉ ယ၀ၤဒီးယၤ‚ ပဘၣ်အိၣ်ခိးတၢ်လၢ ဘူးကပှဲၤထီၣ် ယဲၢ်နံၣ် ဃၣ်ဃၣ်လၢ ယကလုၢ်ဖိ ပဖိအဒိၣ်ကတၢၢ်န့ၣ်လီၤႉ ပူၤကွံာ်နံၣ်လၢအဆံ‚ ပှၤကွဲးလံာ် ခဲးသရၠာစးံမါ့ှှၢၣ်ကွဲးတၢ်ဒ်အံၤ‚ တၢ်ထုကဖၣ်တဖၣ်န့ၣ် လီၤဂာ်ဒီး တၢ်အဒံၣ်တဖၣ်လၢ အတဖးထီၣ် တဘျီဃီ ဖဲတၢ်ဟုအီၤ၀ံၤန့ၣ်ဘၣ်ႉ
၀ံဃဘးကူာ် ဘၣ်ကနိလိာ်သးဒီး တၢ်အိၣ်ခိးတၢ်လၢ ကဒိးန့ၢ် တၢ်အစၢလၢ တၢ်ထုကဖၣ်န့ၣ်လီၤႉ သူၣ်သးသဘံၣ်ဘုၣ်လၢ ကစၢ်ယွၤအိၣ်ဘရၣ်အိၣ်ဘှီၣ်ဒီး ဘၤဘူလိၣ် အတၢ်မၤအၢမၤနးတၢ်လၢ ကလံၤထံးယူဒၤအဘီမုၢ်န့ၣ် ၀ံဃဘးကူာ် အၢၣ်လီၤတၢ်လၢ ‘ယကဆၢထၢၣ်လၢပၢၤတၢ်အလီၢ်‚ ဒီးယကပာ်ယသးလၢ ယတိာ် ယတာ် အဖီခိၣ်‚ ဒီးယကကွၢ်တၢ်လၢ အကစံးဘၣ်ယၤဒ်လဲၣ်ဒ်လဲၣ်လီၤ (ဃဘး ၂း၁) ႉကစၢ်ယွၤစံးဆၢ ၀ံဃဘးကူာ် ကဘၣ်အိၣ်ခိး ‘တၢ်အဆၢကတီၢ်’ အဂီၢ် (း၃) ဒီးနဲၣ်၀ဲ ၀ံဃဘးကူာ်လၢ တၢ်က‘ကွဲးတၢ်ထံၣ်လၢညါခီ’အဃိ‚ တၢ်ကတိၤအံၤ ကဘၣ် တၢ်ရၠာစးၤလီၤအီၤသ့ ဖဲတၢ်အံၤဘၣ်တၢ်စံးအီၤတဲအီၤ၀ံၤ (း၂) အလီၢ်ခံန့ၣ်လီၤႉ
တၢ်လၢကစၢ်ယွၤတယၢၤထီၣ်၀ဲအံၤ မ့ၢ် ‘တၢ်အဆၢကတီၢ်’ ဖဲဘၤဘူၤလိၣ် လီၤပီှၢ်အံၤ ကမ့ၢ်ဖဲအနံၣ်ဃုဆံ၀ံၤအလီၢ်ခံ ဒုးအိၣ်ထီၣ်တၢ်လီၤဖျဲၣ်လီၤဟိဖးယံာ်တခါ လၢတၢ်အၢၣ်လီၤဒီးတၢ်အၢၣ်လီၤလၢပှဲၤအဘၢၣ်စၢၤန့ၣ်လီၤႉ ဒ်ထိၣ်အဒံၣ်ဖိတဖၣ်အသိး‚ တၢ်ထုကဖၣ် တဖးထီၣ်‚ တဘၣ်တၢ်စံးဆၢခ@သဒံးဘၣ်ႉ မ့မ့ၢ်လၢ တၢ်အံၤအလီၢ် ပကဘၣ်အိၣ်ခိးတၢ်ဆၢကတီၢ်လၢ ကစၢ်ယွၤအတၢ်တိာ်လၢ ပဟီၣ်ခိၣ်ဒီးလၢ ပတၢ် အိၣ်မူအဂီၢ်န့ၣ်လီၤႉ