ယဖိတဖၣ် ကွၢ်တၢ်ဂီၤလီၢ်လံၤဖီဃး‚ ၀ံၤကွၢ်ထီၣ်ယမဲာ်‚ ၀ံၤကွၢ်ထီၣ်ဆူ ယပၢ်‚ ၀ံၤကွၢ်ကဒီးယၤ‚ ၀ံၤကွၢ်တၢ်ဆူယပၢ်အအိၣ်လီၤႉ အ၀ဲသ့ၣ်အမဲာ်ချံတဖၣ် အက၀ီၤ လဲၢ်ထီၣ် ဒ်ထံခွးက၀ီၤတဖၣ်န့ၣ်လီၤႉ ‘‘ပါပၢ်ဧၢ‚ နလီၤဂာ်ဒီး ဖုဖုအသးစၢ်ကတီၢ်’’လီၤႉ ယပၢ်ဒီးယၤ ပနံၤထီၣ် မ့ၢ်လၢ တၢ်အံၤမ့ၢ်တၢ်လၢပသ့ၣ်ညါတ့ၢ်လံလၢ တၢ်ဆၢကတီၢ် ဖးယံာ်န့ၣ်လီၤႉ ဘၣ်ဆၣ် ယဖိတဖၣ် သ့ၣ်ညါတၢ်အံၤနီၢ်နီၢ်န့ၣ် တယံာ်ဒံးဘၣ်န့ၣ်လီၤႉ ဖဲလၢယပၢ်ဒီးယၤ မ့ၢ်ပှၤလၢအလီၤဆီလိာ်သး‚ မ့မ့ၢ်လၢ တၢ်နီၢ်နီၢ်တခီ အ၀ဲသ့ၣ်ထံၣ်ယၤ အံၤ မ့ၢ်တၢ်ထံၣ် ဒ်အထံၣ်ဘၣ် ယပၢ်အသးစၢ်ခါကတီၢ်အသိး‚ ဂီၤထီထီ‚ ခိၣ်ဆူၣ်လၢသူ‚ နါစ့ၤဖျါဒီး နၢ်လၢအလဲၢ်ခံခီန့ၣ်လီၤႉ ဘၣ်ဆၣ်‚ ယတမ့ၢ်ယပၢ်ဘၣ်ႉ တၢ်လၢ အလီၢ်တံၢ်ကတၢၢ်တခီန့ၣ် ယမ့ၢ် ယပၢ်အဖိခွါန့ၣ်လီၤႉ
တဘျီကစၢ်ယ့ၣ့်ှှူးအပျဲၢ် စီၤဖံလံးပူး သံကွၢ်ထီၣ် တၢ်သံကွၢ်လၢ ‘‘ကစၢ်ဧၢ‚ ဒုးနဲၣ်ပှၤလၢပၢ်တက့ၢ်’’ (ယိၤ ၁၄း၈) န့ၣ်လီၤႉ ဒီးဖဲလၢတၢ်အံၤ တမ့ၢ်ဘၣ်တၢ်သံကွၢ်လၢ အဆိကတၢၢ်တဘျီလၢ ကစၢ်ယ့ၣ့်ှှူးဒုးနဲၣ်အသး ဘၣ်ဆၣ်‚ အ၀ဲအတၢ်စံးဆၢက့ၤ တခီ ပာ်ဖျါက့ၤ၀ဲလၢ ‘‘ပှၤလၢအထံၣ်ယၤန့ၣ်‚ မ့ၤအထံၣ်လံပၢ် န့ၣ်လီၤ’’ (း၉) ႉ လၢအတလီၤဂာ်ဒီးနီၢ်ခိက့ၢ်ဂီၤ ဒ်တၢ်လီၤဂာ်ဒီးယပၢ်အသိး‚ တၢ်လၢကစၢ်ယ့ၣ့်ှှူး စံးဆၢက့ၤ ဖဲအံၤန့ၣ် မ့ၢ်တၢ်လၢအဆီၣ်ထွဲ တၢ်ပူထီၣ်‚ ‘‘နတနာ်ဘၣ်လၢ ယအိၣ်လၢပၢ်အပူၤ‚ ဒီးပၢ်အိၣ်လၢယပူၤဘၣ်ဧါ’’ (း၁၀) ႉ အ၀ဲအကံၢ်အစီဒီး အသကဲာ်ပ၀းနီၢ်နီၢ် မ့ၢ်တၢ်လၢ အဒ်သိးဒီး အပၢ်ကစၢ်ယွၤအသိးန့ၣ်လီၤႉ
လၢတၢ်အကတီၢ်အ၀ဲန့ၣ်‚ ကစၢ်ယ့ၣ့်ှှူး အ၀ဲမၤတၢ်လိၤလိၤဘျၢဘျၢ ဆူ အပျဲၢ်အဘီၣ်‚ ဃုာ်စ့ၢ်ကီး ဒီးပ၀ဲလၢအမ့ၢ်‚ ‘‘နမ့ၢ်သးအိၣ်အဲၣ်ဒိးသ့ၣ်ညါကစၢ်ယွၤလီၤဂာ်ဒီး တၢ်မနုၤအဃိန့ၣ် ကွၢ်ယၤန့ၣ်တက့ၢ်’’ န့ၣ်လီၤႉ