နံၣ်ကယၤ ၁၅ စီၤသီသီမၢးစ်အ့ၣ်ခဲၣ်ဖံးစ် ကွဲးတၢ်ဂ့ၢ်ခိၣ်တီလၢ ‘‘တၢ်ကွၢ်လိကစၢ်ခရၠာစးံာ်’’‚ ဟ့ၣ်ထီၣ်တၢ်ထံၣ်လၢ အဘၣ်ထွဲဒီးတၢ်လ့ပစီလၢ အကဲထီၣ်တၢ်ကမၢကမၣ်ဘၣ်တၢ် တဆံးတက့ၢ်န့ၣ်လီၤႉ လၢတၢ်ကပညိၣ်တၢ်လၢတၢ်တူၢ်ဘၣ်ဒီး တၢ်ကီတၢ်ခဲတဖၣ်လၢ အဟဲလၢတၢ်လ့ပစီတဂ့ၤႉ ဒီးအ၀ဲကွဲးဖျါထီၣ်လၢ ‘‘တၢ်လ့ပစီတဖၣ်န့ၣ် မ့ၢ်တၢ်လၢတၢ်စူးကါအီၤ ဒ်အဒုးကဲထီၣ်ပှၤလၢ အသ့ဆီၣ်လီၤသး‚ အ၀ဲသ့ၣ်မၤကဆှီပှၤဒီး သိၣ်လိပှၤသ့၀ဲစ့ၢ်ကီးလီၤ’’ႉ ခဲၣ်ဖံးစ် ဆှဲဖျါလၢ‚ ‘‘နီၣ်၀ံာ်ခံဆူ တၢ်မၤနၢၤတၢ်အံၤန့ၣ် မ့ၢ်တၢ်ဆီၣ်လီၤသးနီၢ်နီၢ်ဒီး တၢ်သူၣ်စူၤသးစူၤ‚ ဒီးလၢတၢ်လ့ပစီအပူၤ‚ ပမၤနၢၤကွံာ်ဒုၣ်ဒါန့ၣ်လီၤ’’ႉ
တၢ်ဆီၣ်လီၤသးဒီးတၢ်သူၣ်စူၤသးစူၤ- ယတၢ်မၤဆၢက့ၤ တၢ်လ့ပစီလၢအဟဲဘၣ်ယၤအံၤ မ့ၢ်ကကဲထီၣ်တၢ်လီၤဆီလၢ ယတၢ်လဲၤတၢ်ဒီးခရၠာစးံာ်န့ၣ်ဒ်လဲၣ်ႉ တလီၢ်လီၢ်‚ ယမၤဆၢက့ၤဘၣ်တၢ် လၢတၢ်မဲာ်တိၢ်မဲာ်ဆှး‚ တၢ်သဘံၣ်ဘုၣ်ဒီး တၢ်သူၣ်တစူၤသး တစူၤလၢ တၢ်ကဟီထီၣ်ကွံာ် တၢ်လ့ပစီလၢ အဟဲဘၣ်ယၤန့ၣ်လီၤႉ
ဘၣ်ဆၣ်‚ ဖဲပမၤလိ လံာ်ယၤကိာ်အဆၢဒိၣ် ၁ န့ၣ်‚ ပကထံၣ်ဘၣ်လၢ‚ တၢ်လ့ပစီ ဒီးတၢ်လဲၤခီဖျိလၢပကွၢ်ဆၢၣ်မဲာ်ဘၣ်တဖၣ် တမ့ၢ်တၢ်လၢအတအိၣ်ဒီး တၢ်တိာ် မ့တမ့ၢ် မ့ၢ်ထဲတၢ်မၤပျံၤမၤဖုးလၢ တၢ်ကဘၣ်၀ံသးစူၤအီၤဧိၤန့ၣ်ဘၣ်ႉ ဖဲလၢတၢ်ဟ့ၣ်လီၤသးဆူ တၢ်လ့ပစီဟဲစိာ်တၢ်သးသဘှံးဒီး တၢ်ဟးဂီၤဒိၣ်ဒိၣ်ကလဲာ် (း၁၃-၁၅) ဘၣ်ဆၣ်‚ ဖဲလၢပမ့ၢ်ဃၣ်ပသးဆူယွၤအအိၣ် လၢတၢ်ဆီၣ်လီၤပသး‚ ဃုထံၣ်အတၢ်ကူၣ်သ့ဒီး တၢ်ဘျုးတၢ်ဖှိၣ်န့ၣ် ပကထံၣ်န့ၢ်ယွၤ‚ ဒ်အမ့ၢ်ကစၢ်လၢ ‘‘အဟ့ၣ်တၢ်ညီလၢ ပှၤခဲလၢာ်ဒီး တဒုၣ်ဒွဲၣ်ဘၣ်တၢ်’’ (း၅) န့ၣ်လီၤႉ ခီဖျိအစိကမီၤလၢ အအိၣ်လၢပပူၤ‚ ပတၢ်လဲၤခီဖျိဒီး ပတၢ်ဂုာ်ကျဲးစဲးဟူးဂဲၤလၢ ကထီဒါကွံာ်တၢ်ဒဲးဘး‚ သူၣ်ထီၣ်တၢ်သးစွွံကတုၤလၢ တၢ်အံၤအဃိ ပကဒိၣ်တုာ်ခိၣ်ပှဲၤ၀ဲဒီး လၢထီၣ်ပှဲၤထီၣ်ဒီး အိၣ်ဒီးတၢ်ခဲလၢာ်ဒီး တလီၤစှၤဘၣ်လၢ တၢ်နီၤတမံၤ (း၄) ဘၣ်န့ၣ်လီၤႉ
ဒ်ပမ့ၢ်ပှၤစူၢ်က့ၤနာ်က့ၤ ကစၢ်ယ့ၣ့်ှှူးအသိး‚ ကျဲတအိၣ်နီတမံၤလၢပကဘၣ် ပျံၤဘၣ်ဖုးဘၣ်တၢ်လၢ ပတၢ်အိၣ်မူအပူၤန့ၣ်ဘၣ်ႉ ဒ်ယွၤအဲၣ်ဘၣ်အဖိတဖၣ်နီၢ်နီၢ် အသိး‚ ဖဲလၢပမ့ၢ်အိၣ်ဘၣ်လၢ တၢ်ကွၢ်ဆၢၣ်မဲာ်တၢ်လ့ပစီအခါဒၣ်လဲာ်‚ ပကဒိးန့ၢ် တၢ်ဃူတၢ်ဖိး ဖဲပအိၣ်ဘှံးလၢ အတၢ်အဲၣ်တၢ်ကွံအစုတီၤလိၤန့ၣ်လီၤႉ