ပတံၤသကိးအက့ှုူၢ်တဖု ပာ်ဖှိၣ်ထီၣ်ပသးလၢ မုၢ်နံၤဖိဒီးမုၢ်နံၤဒိၣ်တပူၤဃီလၢ ကမါဖးဒိၣ်ဃံလၤအကၢၢ်နံၤန့ၣ်လီၤႉ ပစးထီၣ်ပမုၢ်နံၤတဖၣ်လၢ တၢ်လိာ်ကွဲထံဒီး အီၣ်သကိးတၢ်အီၣ်န့ၣ်လီၤႉ မ့မ့ၢ်လၢဟါကတီၢ်တခီ ပကတိၤသကိးတၢ်လၢ အမ့ၢ်လၢ ပပာ်လုၢ်ပာ်ပရၤအီၤ အဒိၣ်ကတၢၢ်န့ၣ်လီၤႉ ဖဲမုၢ်ခံးလီၤန့ၣ် ပအိးထီၣ်သကိးပသးလၢ တၢ်လၢပတူၢ်ဘၣ်လၢ ပသးကံၢ်ပူၤယိာ်ယိာ်လၢ အမ့ၢ်တၢ်လဲၤခီဖျိလၢ ပတၢ်ဆီဟံၣ်ဆီဃီတဖၣ်‚ တၢ်တူၢ်ဘၣ်သးအတၢ်တမုာ်တလၤလၢ ပဖိတဖၣ် အဖီခိၣ်န့ၣ်လီၤႉ လၢအတအိၣ်ဒီး တၢ်မၤဘ@မၤဆှီလၢ တၢ်လၢပတူၢ်ဘၣ် နီၢ်နီၢ်‚ ပနဲၣ်လိာ်သကိးပသးဆူ ကစၢ်ယွၤလၢ အကလုၢ်တီအအိၣ်လၢတၢ်ကီတၢ်ခဲ လီၤလီၤဆီဆီတဖၣ် ဒ်သိးအံၤန့ၣ်လီၤႉ ဟါဒ်သိးအံၤတဖၣ်န့ၣ် မ့ၢ်တၢ်လၢအကါဒိၣ် ကတၢၢ်လၢ တၢ်စီတၢ်ဆှံလၢ ယတၢ်အိၣ်မူအပူၤန့ၣ်လီၤႉ
ယဆိကမိၣ်ထီၣ် မုၢ်နၤတဖၣ်အံၤ မ့ၢ်တၢ်လၢအလီၤပလိာ်လၢ ကစၢ်ယွၤ တိာ်တ့ၢ်၀ဲ ဖဲအမၤလိာ်အပှၤဂီၢ်မုၢ်‚ ဒ်သိးကဖှိၣ်ထီၣ်သးလၢ တနံၣ်ဘၣ်တနံၣ်လၢ ဘူၣ်ဒဲ တဖၣ်န့ၣ်လီၤႉ ဘူၣ်အံၤ‚ ဒ်တၢ်အဂုၤအဂၤအသိး‚ လိၣ်ဘၣ်ပှၤအံၣ်စရၠာစး့လးဖိတဖၣ်လၢကလဲၤဆူ ယ့ှူၤ့ှှလ့ၣ်လီၤႉ ဖဲအ၀ဲသ့ၣ်လဲၤတုၤ၀ဲတဘျီလၢ်လၢ်‚ ကစၢ်ယွၤ မၤလိာ် အပှၤဂီၢ်မုၢ်လၢ ကပာ်ဖှိၣ်ထီၣ်သကိးသးတပူၤဃီလၢ တၢ်ဘူၣ်ထီၣ်ဘါထီၣ်ဒီး သုတမၤ ‘တၢ်မၤနီတမံၤတဂ့ၤ’ လၢ ဘူၣ်အကတီၢ်လၢတနွံဃၣ်ဃၣ် (၃ မိၤ ၂၃း၃၅) န့ၣ်လီၤႉ မၤဘူၣ်ဒဲစီဆှံအံၤ မ့ၢ်တၢ်မၤမူးလၢ ကစၢ်ယွၤအတၢ်မၤပှဲၤဆီၣ်ထွဲတၢ်ဒီး ဒုးသ့ၣ်နီၣ်တၢ် အကတီၢ်တဖၣ်လၢ ပှၢ်မုၢ်ကနၢ ဖဲအဟးထီၣ်လၢကီၢ်အဲၤကူပတူး (း၄၂-၄၃) လီၤႉ
တၢ်ပာ်ဖှိၣ်အံၤ ဒုးစဲဘူး ပှၤအံၣ်စရၠာစး့လး အတၢ်မ့ၢ်တၢ် ဒ်ယွၤအပှၤဂီၢ်မုၢ် ဒီး ကိးသBတီထီၣ် အ၀ဲအတၢ်မၤဂ့ၤ‚ ဖဲလၢအ၀ဲသ့ၣ်မ့ၢ်အိၣ်ဒီး နီၢ်တဂၤစုာ်စုာ် အတၢ်ကီတၢ်ခဲတဖၣ်ဒၣ်လဲာ်လီၤႉ ဖဲပပာ်ဖှိၣ်ထီၣ်ပသးလၢ ပှၤလၢပအဲၣ်အီၤတဖၣ် ဒ်သိးကယၢၤ ထီၣ်က့ၤ ကစၢ်ယွၤအတၢ်ဆီၣ်ထွဲ မၤပှဲၤဒီး အတၢ်အိၣ်ဒီးပှၤလၢ ပတၢ်အိၣ်မူအပူၤလီၤႉ ပ၀ဲတဖၣ်စ့ၢ်ကီး‚ ပဒိးန့ၢ်ဘၣ်တၢ်ဟ့ၣ်ဆူၣ်ထီၣ်က့ၤပှၤ လၢတၢ်စူၢ်တၢ်နာ်အပူၤန့ၣ်လီၤႉ