နကသ့ၣ်ညါတၢ်အံၤလီၤဂာ်ဒီး တၢ်မနုၤန့ၣ်လဲၣ်လီၤႉ တၢ်လၢာ်ဘူၣ်လၢာ်စ့ၤ အစရၠာစးီ‚ ဟဲတုၤလၢကသံၣ်သရၠာစးၣ်လၢအဆဲးကသံၣ်တူၢ်တၢ်ဆါ‚ ပှၤကွဲးကါတၢ်‚ တၢ်ကွဲးကါဒၢး အပရၤကလံၤ ဒီးတၢ်ပိးတၢ်လီလၢ အဘၣ်တၢ်စူးကါအီၤတဖၣ်လီၤႉ ကၠဲးစၢၣ် လဲၤခီဖျိဘၣ် တၢ်အံၤဖဲအကွဲးကါအသး လၢတၢ်ဆါသတူာ်ကလာ်၀ံၤ အလီၢ်ခံ န့ၣ်လီၤႉ အ၀ဲ ကအုကစွါထီၣ်လၢ ‘‘ပအိၣ်ဒီးစ့ဒီလၣ်လၢ အကထိတဖၣ်အကထိလၢ တၢ်ပာ်ကီၤစ့ အခီပနံၣ်လီၤႉ ဖဲပလိးက့ၤဒ့ၣ်ကမၣ်အံၤ မ့ၢ်၀ံၤ‚ ပတၢ်အိၣ်မူကဂ့ၤထီၣ်ဒီး ပကသူၣ်မံ သးမံဘၣ်က့ၤလီၤႉ ယကလၢၢ်ဘၣ်လၢ ယလီၤဂာ်ဒီးတၢ်လိာ်ကွဲတခါလၢအမ့ၢ်‚ တၢ်ဒိတံၢ် ဆၣ်ဖိကီၢ်ဖိတဒုလၢ အဟဲဟးထီၣ်လၢတၢ်ပူၤ‚ လၢအဘၣ်တၢ်ဒိတံၢ်အီၤလၢ ပှၤလိာ်ကွဲတၢ်ဖိလၢ နီၢ်ဒိတဘိလၢအစုပူၤန့ၣ်လီၤ’’ႉ
လၢတၢ်အကတီၢ်တနီၤအပူၤ‚ ပလဲၤခီဖိျဘၣ်တၢ်ဒ်သိးအံၤ စ့ၢ်ကီးလီၤႉ ပှၤတၢ်မၢဖိစီၤပီလူး ကွၢ်ဆၢၣ်မဲာ်ဘၣ်၀ဲ လီၤတံၢ်လီၤဆဲးလီၤႉ အ၀ဲစံးလၢ ‘‘ယသ့ၣ်ညါဒီး‚ ယဒိးတၢ်အါယသ့ၣ်ညါလီၤႉ လၢတၢ်ကိးမံၤဒဲးဒီး လၢတၢ်ခဲလၢာ်အပူၤန့ၣ်‚ တၢ်သိၣ်လိ
ယၤလၢ တၢ်အီၣ်ဘျဲးအီၣ်ဒီး တၢ်အိၣ်၀ံၤအိၣ်စ့ၤလၢ တၢ်လၢတၢ်ပှဲၤဒီး လၢတၢ်ဖီှၣ် တၢ်ယာ် န့ၣ်လီၤ’’ (ဖံး ၄း၁၂) ႉ အ၀ဲအတၢ်ခူသူၣ် မ့ၢ်တၢ်မနုၤန့ၣ်လဲၣ်ႉ ‘‘ယမၤတၢ်ခဲလၢာ် သ့လၢ ပှၤလၢအဒုးဆူၣ်ထီၣ် ယဂံၢ်ယဘါတဂၤအပူၤလီၤ’’ (း၁၃) ႉ ဖဲယလဲၤခီဖျိဘၣ် တၢ်အကတီၢ်လၢ တၢ်တသးမံယဲလီၤလီၤဆီဆီ‚ ယဖးထီၣ် လံာ်စီဆှံအဆၢဖိအံၤ လၢအဘၣ်တၢ်ကွဲးလီၤလၢ တၢ်ဆၢဂ့ၤဆၢ၀ါခးဖိတခါအဖီခိၣ်ဒီး ‘‘တၢ်အံၤ မ့ၢ်တအိၣ် ဖဲအံၤအဃိ‚ ကအိၣ်၀ဲဖဲလဲၣ်’’ႉ တၢ်အံၤမ့ၢ် တၢ်ဒုးပလီၢ်လၢအအိၣ်ဒီး တၢ်စိတၢ်ကမီၤလၢ‚ ဖဲလၢယမ့ၢ်တအိၣ်ဒီး တၢ်သးမံလၢအခဲအံၤအဃိ‚ တၢ်လၢကဒုးဆိကမိၣ်ထီၣ်ယၤ‚ ယကမ့ၢ်သ့ၣ်သ့ၣ် ပှၤလၢအအိၣ်လၢ တၢ်အိၣ်သးအဂုၤအဂၤတမံၤအဖီခိၣ်န့ၣ်ဧါႉ
မ့ၢ်ပမၤလိန့ၢ် တၢ်သန့ၤထီၣ်သးလၢယ့ၣ့်ှှူးအပူၤန့ၣ်ဒ်လဲၣ်ႉ တၢ်အံၤကမ့ၢ် တၢ်ဂ့ၢ်လၢ ပပညိၣ်အီၤန့ၣ်လီၤႉ လၢတၢ်ကသးခုဒီး တၢ်သ့စံးဘျုးတၢ်လၢ တၢ်ဂ့ၤအဂီၢ် န့ၣ်လီၤႉ လၢတၢ်ကမၤလိအါထီၣ် ပၢ်ကစၢ်ယွၤလၢ အကလုၢ်တီတဂၤ အဂ့ၢ်လီၤႉ လၢတၢ်ကဒိၣ်ထီၣ်ဆူၣ်ထီၣ်လၢ တၢ်နာ်ဒီးတၢ်သးစူၤန့ၣ်လီၤႉ လၢတၢ်ကသ့ၣ်ညါနီၣ်လၢ တၢ်အိၣ်မူ မ့ၢ်တၢ်လၢအဘၣ်ထွဲဒီး ကစၢ်ယွၤဒီး လၢအတမ့ၢ်ယၤဘၣ်န့ၣ်လီၤႉ လၢတၢ်ကဃ့ကညးအီၤလၢ တၢ်ကသိၣ်လိယၤလၢ တၢ်ကသးမံလၢအပူၤန့ၣ်လီၤႉ