တၢ်ဖီၣ်န့ၢ် ပယိၤတဘိဧါႉ ယတအိၣ်ဒီးတၢ်လဲၤခီဖျိအံၤ တုၤယဖိခွါမၢယမၤန့ၢ် တၢ်လိာ်ကွဲလၢ ယကွဲၤဒီနၢ်အပူၤလီၤႉ တၢ်ဒုးအိၣ်ထီၣ် ဟီၣ်ခိၣ်ဂီၤ လၢဒံၢ်ကၠံၣ်တၢၣ်‚ ဒီး တၢ်လိာ်ကွဲန့ၣ် ကပျဲနၤဆူ တၢ်ကဖီၣ်န့ၢ် ဆၣ်ဖိကီၢ်ဖိသ့ၣ်တဖၣ်လၢ အလွဲၢ်အိၣ် အကလုာ်ကလုာ်လၢအအိၣ်ဘူးဒီးနၤတဖၣ်လီၤႉ
မ့ၢ်လၢတဒ်သိးဒီးတၢ်လိာ်ကွဲအဂၤဘၣ်အဃိ‚ တၢ်အံၤ လိၣ်ဘၣ် တၢ်ဟူးဂဲၤန့ၣ်လီၤႉ ဖဲနလဲၤတပူၤလၢ်လၢ်‚ မ့ၢ်တၢ်တနီၤလၢတၢ်လိၣ်ကွဲအဘၢၣ်က၀ီၤပူၤလီၤႉ တၢ်အစၢတခီ မ့ၢ်တၢ်မနုၤလဲၣ်ႉ ယဟးအါမးလီၤႉ တဘျီလၢ်လၢ် ဖဲယၤဒီးယဖိခွါ ပလိၣ်ကွဲတၢ်အံၤ‚ ပဂုာ်ကျဲးစၢးဟံးန့ၢ် တၢ်ခွဲးတၢ်ယာ် ကိးမံၤလၢတၢ်ကဖီၣ်န့ၢ် ဆၣ်ဖိကီၢ်ဖိတဖၣ်လၢ အအိၣ်လၢပခိၣ်ပဃၢၤန့ၣ်လီၤႉ
တၢ်အံၤညီလၢ ပကပညိၣ်တၢ်‚ တုၤလၢတၢ်လုၣ်ဘၢကွံာ်တၢ်‚ တၢ်လိာ်ကွဲတမံၤ လၢအဘၣ်တၢ်တ့အီၤလၢ တၢ်ကဖီၣ်န့ၢ်ပှၤလၢ အစူးကါတၢ်အံၤတဖၣ်န့ၣ်လီၤႉ ဘၣ်ဆၣ် ဖဲယလိာ်ကွဲတၢ်အံၤ‚ ယသးဟဲပၢၢ်ထီၣ်ဒီးတၢ်သံကွၢ်လၢ‚ ယမ့ၢ်ပှၤလၢအအိၣ်ဒီး တၢ်တိာ် လၢယကမၤဆံးလီၤ နီၢ်သးအတၢ်ခွဲးတၢ်ယာ်လၢ အအိၣ်၀းတရၠာစးံးယၤန့ၣ်ဧါႉ
စီၤပီလူးသ့ၣ်ညါ တၢ်လိၣ်လၢပကဘၣ်အိၣ်ဒီးတၢ်သူၣ်ပ့ၢ်သးဆှါ ဆူယွၤ အတၢ်မၤလၢအအိၣ်၀းတရၠာစးံးပှၤလီၤႉ လၢကလီးစဲအဆၢဒိၣ်အပူၤ‚ အ၀ဲဃ့ထုကဖၣ်လၢ တၢ်ခွဲးတၢ်ယာ်လၢ အမ့ၢ်တၢ်ကနီၤဟ့ၣ် တၢ်သးခုကစီၣ်အဂီၢ် (း၃) လီၤႉ ၀ံၤ‚ အ၀ဲတၤ စ့ၢ်ကီးတၢ်လၢ ‘‘လဲၤတၢ်လၢတၢ်ကူၣ်သ့လၢ ပှၤအိၣ်လၢခိအမဲာ်ညါဒီး ပရၤက့ၤတၢ် အဆၢကတီၢ်တက့ၢ်’’ (း၅) ႉ စီၤပီလူးအသးအိၣ်လၢ ပှၤကလီးစဲတဖၣ်‚ သုတလဲၤပူၤကွံာ်ဘၣ် တၢ်ခွဲးတၢ်ယာ်လၢ ကဒိၣ်ဘၢပှၤဂၤ လၢခရၠာစးံာ်အအိၣ်န့ၣ်ဘၣ်ႉ ဘၣ်ဆၣ်‚ လၢတၢ်ကမၤ တၢ်အံၤအဂီၢ်‚ လိၣ်ဘၣ် တၢ်ကထံၣ်သ့ၣ်ညါအ၀ဲသ့ၣ်ဒီး တၢ်လၢ အ၀ဲသ့ၣ်လိၣ်ဘၣ်၀ဲ တဖၣ်‚ ၀ံၤ ဒုးဘၣ်ထွဲအ၀ဲသ့ၣ်ဆူ ‘‘တၢ်ဘျုးတၢ်ဖှိၣ်’’ (း၆) န့ၣ်လီၤႉ
လၢဟီၣ်ခိၣ်အံၤ‚ တၢ်လၢကထုးန့ၢ်ပသးလၢ အအါန့ၢ်ဒံးတၢ်လိာ်ကွဲလၢ အမ့ၢ် တၢ်ဆိကမိၣ်လၢတၢ်ဖီၣ်ပယိၤန့ၣ်လီၤႉ ယွၤန့ၣ် ကွဲပှၤ ဒ်သိးကနဲၣ်ပှၤလၢ တၢ်လဲၤခီဖျိနီၢ်နီၢ်လၢ ဟီၣ်ခိၣ်လၢပအိၣ်ကိးနံၤ ဃုထံၣ်တၢ်ခွဲးတၢ်ယာ်လၢ တၢ်ကနဲၣ်တၢ်ဆူ အ၀ဲအအိၣ်န့ၣ်လီၤႉ