ဒ်ယမ့ၢ်ပိာ်မုၣ်သးစၢ်တဂၤအသိး‚ ယအိၣ်ဒီးတၢ်ဆိကမိၣ်မှံလၢ ယကဆီဟံၣ်ဆီဃီ ဘၣ်ဒီးယတၢ်အဲၣ်တီ လၢယအဲၣ်လိာ်သး ဖဲတီၤထီကၠိ အကတီၢ်‚ တုၤဒၣ်လဲာ် လၢတချုး ပလီၤဖးကွံာ်တစုန့ၣ်လီၤႉ ဖဲပလီၤဖးလိာ်သးဒီး လၢတၢ်အိၣ်မူခါဆူညါမ့ၢ် တၢ်လၢ အလီၤဖျဲၣ်လီၤဟိဒီး ယဘၣ်ဂုာ်ကျဲးစၢးဟူးဂဲၤလၢ ယတၢ်အိၣ်မူအပူၤန့ၣ်လီၤႉ လၢခံဒီးယဒိးန့ၢ်ယဲ ကစၢ်ယွၤအတၢ်မိၤယၤ ဒ်သိးကမၤအတၢ်မၤ ခီဖျိမၤတၢ်လၢ ပှၤဂၤအဂီၢ်အဃိ‚ ယထီၣ် စ့ၤမၤနရၠာစးံၤလံာ်စီဆှံကၠိလီၤႉ ဖဲယဖျိထီၣ်၀ံၤ‚ တၢ်နီၢ်နီၢ် ဟဲတုၤအိၣ်ယၤလၢကဘၣ်ဟးသဒၣ်ကွံာ် ယခီၣ်ထံးခီၣ်ဘိ‚ ယတံၤသကိးဒီး ဟံၣ်ဖိဃီဖိတဖၣ် ဒ်သိး ကမၤဆၢက့ၤ ကစၢ်ယွၤအတၢ်ကိးအဂီၢ်န့ၣ်လီၤႉ
ကစၢ်ယ့ၣ့်ှှူးဟး၀ဲလၢ ပီၣ်လဲၣ်ကၤလံၤလါအကၢၢ်နံၤ ဖဲအထံၣ်လိာ်သးဒီး စီၤပ့းတ့ှူး အဒီပုၢ်၀ဲၢ်ခွါ စီၤအၣ်ဒရၠာစး့းလၢ အပာ်လီၤအစၤတဖၣ်လၢပီၣ်လဲၣ် လၢတၢ်လုၢ် အီၣ်သးသမူ ဒ်ပှၤမၤညၣ်တဖၣ်န့ၣ်လီၤႉ ကစၢ်ယ့ၣ့်ှှူးကွဲမုာ် အ၀ဲသ့ၣ်လၢ ‘‘ပိာ်ယခံ တက့ၢ်ႉ ဒီးယကပာ်သုလၢ ပှၤမၤညၣ်ပှၤကညီလီၤ’’ (မး ၄း၁၉) ၀ံၤ‚ ကစၢ်ယ့ၣ့်ှှူး ထံၣ်လိာ်သးစ့ၢ်ကီး ဒီးပှၤအဂုၤအဂၤခံဂၤလၢ အမ့ၢ် စီၤယၤကိာ်ဒီးအဒီပုၢ်၀ဲၢ် စီၤယိၤဟၣ် ဒီးကွဲမုာ် အ၀ဲသ့ၣ်တဖၣ်လၢ တၢ်ကွဲမုာ်တမံၤဃီ လၢအ၀ဲသ့ၣ်အအိၣ်လီၤ (း၂၁) ႉ
ဖဲပှၤတၢ်မၢဖိတဖၣ် ဟဲဆူကစၢ်ယ့ၣ့်ှှူးအအိၣ်‚ အ၀ဲသ့ၣ်စ့ၢ်ကီး ဘၣ် ဟးသဒၣ်ကွံာ် တၢ်တမံၤမံၤန့ၣ်လီၤႉ စီၤပ့းတ့ှူးဒီးစီၤအၣ်ဒရၠာစး့း ‘‘ဟးသဒၣ်စၤတဖၣ်’’ (း၂၀) လီၤႉ စီၤယၤကိာ်ဒီးစီၤယိၤဟၣ် ‘‘ဟးသဒၣ် ကဘီ ဒီးအပၢ်တကီၢ်ခါ ဒီးပိာ်ထီၣ် အခံလီၤ’’ (း၂၂) ႉ မ့မ့ၢ် လံာ်လူၤကၣ်တခီ‚ ပာ်ဖျါထီၣ်၀ဲ ‘‘ဒီးတုၤအထိးထီၣ် အကဘီ လၢခိ ဒီးအ၀ဲသ့ၣ်ဟးသဒၣ်အတၢ်ခဲလၢာ်‚ ဒီးပိာ်ထီၣ်အခံလီၤ’’ (လူၤ ၅း၁၁) ႉ
တၢ်ကိးလၢကစၢ်ယ့ၣ့်ှှူးန့ၣ် မ့ၢ်တၢ်ကိးလၢ တၢ်ကဘၣ်ဟးသဒၣ်ကွံာ်တၢ် န့ၣ်လီၤႉ စၤ‚ ကဘီ‚ ပၢ်‚ တံၤသကိးတဖၣ်ဒီး ဟံၣ်ဃီလီၤႉ ကစၢ်ယွၤ ကိးပ၀ဲကိးဂၤလၢ ကရၠာစး့လိာ်ဘၣ်ထွဲဒီးအီၤန့ၣ်လီၤႉ ၀ံၤ‚ အ၀ဲကိးပ၀ဲတဂၤစုာ်စုာ် ဆူတၢ်ကမၤအတၢ်မၤ န့ၣ်လီၤႉ