ပှၤလိာ်ကွဲတၢ်ဖိတဂၤ ခီလ်လ့အိၣ်ဘရၠာစးဲးဒ့ၢ် စးထီၣ်လဲၤတၢ်လဲၤတခါလၢ တမၤဒံး၀ဲ နီတစု ဖဲ ၂၀၁၈ နံၣ်အပူၤန့ၣ်လီၤႉ အ၀ဲတွံၢ်၀ဲ လ့ၣ်ဖိတဆိလၢအစုပူၤလၢ တၢ်ကခီဂာ် ကီၢ်မိၢ်ပှၢ်အၣ်တၣ်တံာ်ကၣ် ထဲတဂၤဧိၤ‚ လၢအအိၣ် မံးလာ် ၉၃၂ မံးလာ်‚ လၢ ၅၄ သီ အတီၢ်ပူၤန့ၣ်လီၤႉ တၢ်အံၤ မ့ၢ်တၢ်လဲၤတခါလၢ အကါဒိၣ်လၢတၢ်ဘၣ်လုၢ်ထီၣ်သး ဒီးတၢ်သူၣ်ဒူသးဒူန့ၣ်လီၤႉ
အ၀ဲတဂၤဧိၤလၢ ထံလီၤသကၤအဖီခိၣ်‚ အ၀ဲကွၢ်ဆၢၣ်မဲာ်ဘၣ် တၢ်ခုၣ်တၢ်ဂိၢ်ဒီး တၢ်ဒ့ၣ်စၢၤလၢအဖးယံာ်ဖးထၢန့ၣ်လီၤႉ အိၣ်ဘရၠာစးဲးဒ့ၢ် ပာ်ဖျါထီၣ်က့ၤ၀ဲလၢ ‘‘ယဘၣ်တၢ်လုၣ်ဘၢကွံာ်ယၤဒီး ဘၣ်ဂုာ်ကျဲးစၢးသပှၢ်ပှၢ်လၢ တၢ်ဆၢကတီၢ်ဒီတကတီၢ် လၢာ်လၢာ်ဆ့ဆ့‚ ယပညိၣ်ယသး ဆူဖီတၢၣ်လၢ ယကတုၤဃီၤယဲ‚ ဖဲယဂံၢ်ထီၣ် ကဒါက့ၤ တၢ်မၤလိလၢ ယဒိးန့ၢ်လၢယလဲၤတၢ်က့ၤတၢ်အကတီၢ်န့ၣ်လီၤ’’ႉ
လၢပ၀ဲကိးဂၤလၢ အပာ်ထီၣ်တၢ်နာ်လၢကစၢ်ယ့ၣ့်ှှူးအပူၤအဂီၢ်‚ တၢ်လၢ အိၣ်ဘရၠာစးဲးဒ့ၢ် ပာ်ဖျါထီၣ်အံၤ‚ မ့ၢ် တၢ်လၢအနၢမုာ်ဒီးပှၤန့ၣ်လီၤႉ တၢ်အံၤလီၤဂာ်မးဒီး‚ ပဘၣ်တၢ်ကိးပှၤလၢ ပကကဲထီၣ် ပှၤစူၢ်က့ၤနာ်က့ၤတၢ်တဖၣ်အသိး‚ ပညိၣ်ဃီၤ ဖီတၢၣ်တခါလၢ ပသးသမူအတၢ်လဲၤ‚ လၢအမ့ၢ် တၢ်မၤလၤကပီၤကစၢ်ယွၤ ဒီးပာ်ဖျါထီၣ်အီၤ လၢပှၤဂုၤပှၤဂၤအမဲာ်ညါန့ၣ်လီၤႉ ဖဲလံာ်မၤတၢ် ၂၀း၂၄ အပူၤ‚ ပကထံၣ်ဘၣ် စီၤပီလူး‚ လၢအတမ့ၢ်ပှၤလၢ အတညီနုၢ်ဒီး တၢ်လဲၤတၢ်က့ၤလၢ အလီၤဘၣ်ယိၣ်ဘၣ်ဘီတဖၣ်‚ စံး၀ဲလၢ ‘‘ဘၣ်ဆၣ်ဒီး ယတပာ်တၢ်န့ၣ်တဖၣ်လၢ တၢ်နီတမံၤဘၣ်‚ ဒီးယတပာ်ဘၣ် ယသးသမူလၢ တၢ်လုၢ်ဒိၣ်ပရၤဒိၣ်လၢယဂီၢ်ဒၣ်ယဲ‚ ဒ်သိးယကမၤ၀ံၤ ယတၢ်ဃ့ၢ် အိၣ်ဒီးတၢ်သးခု ဒီးတၢ်အခ့အပှၤအတၢ်မၤလၢ ယဒိးန့ၢ်လၢကစၢ်ယ့ၣ့်ှှူးခရၠာစးံာ်‚ လၢယကအုၣ်ယသးလီၤတံၢ်လီၤဆဲးလၢ ယွၤအဘျုးအဖှိၣ်အတၢ်သးခုကစီၣ်အဂ့ၢ်လီၤ’’ႉ
ဖဲပလဲၤတၢ်က့ၤတၢ်လၢ သးသမူအပူၤ ဃုာ်ဒီးပကစၢ်ယ့ၣ့်ှှူး‚ မ့ၢ်ပသ့ၣ်ညါ
နီၣ် တၢ်တိာ်လၢ ပတၢ်လဲၤဒီးလဲၤကဒီးတၢ်ဆူညါ တုၤပကထံၣ်ဘၣ် ပကစၢ်သးဘိ ယ့ၣ့်ှှူး လၢအအုၣ်က့ၤခီၣ်က့ၤပှၤ လၢမဲာ်သကိးမဲာ်စ့ၢ်ဧါႉ