လၢသရၠာစးၣ်စံၣ်ႉ အဲးစ်ႉ လူ၀ံးစ် အလံာ် ‘‘နၣ်နံၣ်ယၣ် တၢ်ကွဲးနီၣ်ကွဲးဃါအပူၤ‚ ခ့ယုၢ်‚ ပှၤမၤကဒါမဲာ်ဒီးတလါဆၢထၢၣ်‚ တၢ်ကိးမံၤလၢနၣ်နံၣ်ယၣ် မ့ၢ်တၢ်လီၤသူၣ်ဟူး သးဂဲၤ‚ ဖဲခ့ယုၢ်လၢအဂံၢ်ဆူၣ်ဘါဆူၣ် အဲးစ်လၣ်ဟဲက့ၤပၢၢ်ထီၣ်လၢတၢ်အလီၤမၢ် လၢ တၢ်ဆၢကတီၢ်ဖးယံာ်အလီၢ်ခံန့ၣ်လီၤႉ ဘၣ်ဆၣ်‚ အ၀ဲသ့ၣ်အတၢ်သးခုကဲထီၣ် ဆူတၢ်သးအုး ဖဲအဲးစ်လၣ်အၢၣ်လီၤတူၢ်လိာ် တၢ်ဃ့ တမံၤလၢ အဘၣ်တၢ်မၢအီၤလၢ ပှၤမၤကဒါမဲာ်လၢအအၢ အသီန့ၣ်လီၤႉ ဖျါလၢ အဲးစ်လၣ် ကွၢ်ဆၢၣ်မဲာ်ဘၣ် တၢ်ဃၣ်ကွံာ်သး‚ နၣ်နံၣ်ယၣ်တဖၣ် လဲၤခီဖျိဘၣ် အ၀ဲအစိကမီၤ‚ ဖဲအ၀ဲထုးထီၣ်တၢ်ကညီၤထီၣ်ဖးဒိၣ်လၢ အဒုးကဲထီၣ် ပှၤမၤကဒါမဲာ်ဆူ တၢ်ဘၣ်ဃ့ၢ်ထွးထီၣ်လၢ တၢ်ပျံၤတၢ်ဖုး န့ၣ်လီၤႉ ဖဲလၢတၢ်မ့ၢ်ဟဲဖျါထီၣ် ဒ်တၢ်ကိးမံၤ လီၤမၢ်ကွံာ်ဘၣ်ဆၣ်‚ အဲးစ်လၣ် ပာ်ဖျါထီၣ်အသးလၢအ၀ဲဒိၣ်၀ဲန့ၣ်ဒံး ပှၤမၤကဒါမဲာ်လၢ အတဂ့ၤ၀ဲန့ၣ်လီၤႉ
ဒ်ပှၤလၢအပိာ် အဲးစ်လၣ်အခံတဖၣ်အသိး‚ ၀ံအလံၤ့ှှါ အပျဲၢ် အသးဟးဂီၤ‚ ဖဲမုၢ်တဂီၤလၢ အပၢၢ်ထီၣ်ဒီး ထံၣ်လီၤအသးဒီး ၀ံအလံၤ့ှှါလၢ အဘၣ်တၢ်က၀ီၤဃာ်လၢ ဒုၣ်ဒါတဖုအသုးမုၢ်န့ၣ်လီၤႉ ၀ံအခ့အပှၤ စံးဘၣ်၀ဲလၢ ‘အၣ်လါ‚ ယကစၢ်ဧၢ‚ ပကမၤဒ်လဲၣ်’ (၂စီၤ ၆း၁၂) လီၤႉ ၀ံအတၢ်စံးဆၢက့ၤ တၢ်မ့ၢ်တၢ်လၢ အမုာ်အပၢၤလၢ ‘‘ပျံၤတၢ်တဂ့ၤ‚ ႉႉႉ ပှၤအိၣ်ဒီးပှၤအံၤ အါန့ၢ်ပှၤအိၣ်ဒီးအီၤတက့ၢ်လီၤ’’ (း၁၆) ႉ ၀ံၤ ၀ံအလံ့ှှါ ဃ့ထုကဖၣ် လၢ‚ ‘‘ယွၤဧၢ‚ အိးထီၣ်ပမဲာ် ဒ်သိးပကထံၣ်တၢ်တက့ၢ်’’ (း၁၇) န့ၣ်လီၤႉ လၢတၢ်အံၤအဃိ ‘‘ယွၤ အိးထီၣ် ပှၤဖိၣ်သၣ်ခွါတဂၤအမဲာ်န့ၣ်ဒီး ထံၣ်တၢ်ဒီး ကွၢ်ကွၢ်‚ ကစၢၢ်ကလိ ပှဲၤ၀ဲဒီး ကသ့ၣ်မ့ၣ်အူဒီး လ့ၣ်ကဟၣ်မ့ၣ်အူအိၣ်၀းတရၠာစးံး စီၤအလံၤ့ှှါ န့ၣ်လီၤ’’ (း၁၇) ႉဖဲလၢ‚ တၢ်အိၣ်သးလၢအဆိမ့ၢ်ဖျါဃ့စိၢ်ဃ့ထီဆူ တၢ်အခ့အပှၤ အမဲာ်ချံဘၣ်ဆၣ်‚ လၢခံကတၢၢ်‚ ယွၤအစိကမီၤအုၣ်အသးလၢ အဒိၣ်န့ၢ်ဒံး ဒုၣ်ဒါတဖၣ်န့ၣ်လီၤႉ
ပတၢ်ကီတၢ်ခဲအတၢ်အိၣ်သးတဖၣ်‚ ကဆှၢပှၤဆူ တၢ်ကနာ်ဘၣ်တၢ်လၢ တၢ်ကိးမံၤအံၤ လီၤမၢ်၀ဲခဲလၢာ်န့ၣ်လီၤႉ ဘၣ်ဆၣ်‚ ယွၤသးအိၣ်လၢ ကအိးထီၣ် ပမဲာ်ချံဒီး မၤဖျါထီၣ်တၢ်လၢ အ၀ဲဒိၣ်န့ၢ်ဒံးတၢ်ကိးမံၤန့ၣ်လီၤႉ