ကၠံၣ်ယိၣ်ဖ် မ့ၢ်‚ သးစၢ်တၢ်အိၣ်ဖှိၣ်သရၠာစးၣ်လၢ လၢ၀့ၢ်လၢ အ၀ဲဘၣ်တၢ်မၤနၢၤမၤပ့ၤအီၤ လၢကသံၣ်မူၤဘှိးန့ၣ်လီၤႉ ယွၤဆီတလဲကွံာ် အ၀ဲအသူၣ်အသးဒီး အတၢ်အိၣ်သးတဖၣ် လၢတၢ်သးလီၤကတုၤအကျိၤလီၤႉ အ၀ဲစံး၀ဲလၢ‚ ‘‘ယသးအိၣ်ဟံးဃာ်ပၢၤဃာ်က့ၤ ဖိဒံဖိသၣ်တဖၣ်လၢ အမၤတၢ်ကမၣ်တမံၤဃီဒီး တူၢ်ဘၣ်တၢ်ဆါ ဒ်ယလဲၤခီဖျိတ့ၢ်အသိး’’ န့ၣ်လီၤႉ ‘‘ဒီးကစၢ်ယ့ၣ့်ှှူးခရၠာစးံာ် ကမၤစၢၤအ၀ဲသ့ၣ် လီၤ’’ႉ ဖဲတၢ်ဆၢကတီၢ်ပူၤကွံာ်န့ၣ် ယွၤဒုးထူၣ်ဖျဲးထီၣ်အီၤ လၢ တၢ်စဲထီတၢ်မူၤဘှိးအကုၢ်အပှၤဒီး ဟ့ၣ်လီၤလၢ်အီၤလၢ တၢ်ကမၤတၢ်သးခုကစီၣ်အတၢ်မၤ လၢတဘျီအ၀ဲလဲၤခီဖျိ ဘၣ်တ့ၢ်၀ဲ အကျါန့ၣ်လီၤႉ
ယွၤအိၣ်ဒီးကျိၤကျဲတဖၣ်လၢ ကဟဲစိာ်တၢ်အဂ့ၤ လၢ အလီၤလးလၢ တၢ်မုၢ်လၢ်လၢာ်ကွံာ်အကတီၢ်န့ၣ်လီၤႉစီၤယိၤသး ဘၣ်တၢ်ဆါလီၤကွံာ်အီၤ ဒ်ကုၢ်ပှၤလၢ ကီၢ်အဲၤကူ ပတူးဒီး ဘၣ်တၢ်စွဲသ့ှူးစွဲကမၣ်အီၤဒီး တ့ၢ်နုာ်အီၤဆူဃိာ်ပူၤလၢ တၢ်လီၢ်လၢအဘၣ် တၢ်သးပ့ၤနီၣ်အီၤလၢ အါနံၣ်အါလါန့ၣ်လီၤႉ ဘၣ်ဆၣ်‚ ယွၤသူၣ်ထီၣ်က့ၤ အတၢ်အိၣ်မူဒီးပာ်အီၤလၢ လီၢ်လၤတခါလၢ အအိၣ်ဒီးတၢ်စိကမီၤလိၤလိၤဘျၢဘျၢလၢ ဖၤရၠာစးိၤအဖီလာ်‚ ဖဲတၢ်လီၢ်လၢ အအုၣ်က့ၤခီၣ်က့ၤသးသမူအါဖျၢၣ်န့ၢ်၀ဲသ့၀ဲ‚ လၢအပၣ်ဃုာ်ဒီး အဒီပုၢ်၀ဲၢ် ခွါတဖၣ်လၢ အညိကွံာ်အသးသမူန့ၣ်လီၤႉ လၢကီၢ်အဲၤကူပတူးအပူၤ အ၀ဲဆီဟံၣ်ဆီဃီ ဒီးအိၣ်ဒီးဖိတဖၣ်လီၤႉ အ၀ဲယုၢ်န့ၢ် အဖိခွါခံဂၤတဂၤအမံၤ လၢအ့ဖရၠာစးဲၣ် (ဧ့ၤ့ဘံၤအကျိာ်လၢအခီပညီမ့ၢ် ‘‘သၣ်ထီၣ်ခံစး’’ ဒီးဟ့ၣ်တၢ်အခီပညီလၢ‘‘အဂ့ၢ်ဒ်အံၤ‚ ယွၤဒုးသ့ၣ်နီၣ် ထီၣ်ယၤလၢ ယတၢ်နးတၢ်ဖှီၣ်အကီၢ်ပူၤလီၤ’’ ( ၁မိၤ ၄၁း၅၂) ႉ
ကၠံၣ်ယိၣ်ဖ် ဒီးစီၤယိၤသးအပူတဖၣ်‚ တၢ်ဆၢကတီၢ်မ့ၢ်ယံာ်လၢ အနံၣ်သၢကထိ ဆူလွံၢ်ကထိဘၣ်ဆၣ်‚ ခံမံၤလၢာ်နဲၣ်ဖျါထီၣ်တၢ်လၢ တၢ်မ့ၢ်တၢ်တီလၢအတဆီတလဲ အသးတမံၤဃီ‚ ဖဲလၢတၢ်မ့ၢ်အိၣ်ဘၣ်လၢတၢ်လီၢ်အကီခဲကတၢၢ်ဒၣ်လဲာ်‚ လၢပတၢ် အိၣ်မူအပူၤ‚ ကဲထီၣ်ဟီၣ်ခိၣ်ညၣ်ထ့ၣ်လၢယွၤအဂီၢ် လၢတၢ်ကမၤစၢၤတၢ် ဒီးတၢ်ဆိၣ်ဂ့ၤ လၢပှၤအါဂၤအဂီၢ်လီၤႉ ပတၢ်အုၣ်က့ၤခီၣ်က့ၤ အကစၢ်အတၢ်အဲၣ်တၢ်ကွံ ဒီးတၢ်စိကမီၤ တဆီတလဲနီတစု ဒီးထီဘိအ၀ဲအကလုၢ်တီဆူ ပှၤလၢအစူၢ်အီၤနာ်အီၤကိးဂၤန့ၣ်လီၤႉ