ဖဲယတံၤသကိးတဖၣ် သုးအသးဆူ ဟံၣ်အသီတဖျၢၣ်အခါ‚ အ၀ဲသ့ၣ် သူၣ်လီၤ၀ဲ ၀့းစထံရၠာစးံယၤ အမုၢ်တဖၣ် လၢအကရၠာစးၢၢ်ဃာ်အကပၤ ဒီးမုၢ်လၢ်၀ဲ ဖီဖိတဖၣ် ကဖီထီၣ် လၢအဒိၣ်ထီၣ်ယဲၢ်နံၣ်၀ံၤအလီၢ်ခံန့ၣ်လီၤႉ အနံၣ်ခံဆံဘျဲၣ်အကတီၢ်ပူၤ အ၀ဲသ့ၣ် သူၣ်ခုသးခုဘၣ်လၢတၢ်အမုၢ်အံၤဒီး ကွၢ်ထွဲ၀ဲဂ့ၤဂ့ၤန့ၣ်လီၤႉ ဘၣ်ဆၣ် တၢ်အမုၢ်အံၤ သံ၀ဲသတူၢ်ကလာ် မ့ၢ်လၢအဟံၣ်အဃၢၤ ပှၤတဖၣ် လူလီၤပှၤမၤသံနီၣ်အထံတဖၣ် လၢကရၠာစးၢအ၀ၢ်ဘးခီအဃိ န့ၣ်လီၤႉ တၢ်အစုာ်တဖၣ်အံၤ နုာ်လီၤဆူ တၢ်အမုၢ်အဂံၢ်ထံး ဒီးတၢ်အမုၢ်အံၤဟးဂီၤကွံာ်၀ဲလီၤႉ ယတံၤသကိးတဖၣ် ဆိမိၣ်၀ဲဒ်န့ၣ်လီၤႉ လၢတၢ်ကမၢကမၣ်အပူၤ‚ လၢခံတနံၣ်ဒီး သ့ၣ်အပျိၣ်ဖိတဖၣ်ဟဲဖျိးထီၣ်လၢ ဟီၣ်ခိၣ်လာ်န့ၣ်လီၤႉ
ပထံၣ်ဘၣ် သ့ၣ်မုၢ်အက့ၢ်အဂီၤ လၢအဒိၣ်ထီၣ် ဖီထီၣ် ဒီးဟးဂူာ်ဟးဂီၤ ဖဲ၀ံယံးရၠာစးမံးယၤတဲ၀ဲ ဘၣ်ဃး တၢ်ဂ့ၢ်အံၤဆူယွၤအပှၤဂီၢ်မုၢ် လၢနာ်ကစၢ်ယွၤ ဒီး သးပ့ၤနီၣ် ယွၤအကျဲတဖၣ်အခါန့ၣ်လီၤႉ ပှၤလၢအပိာ်ယွၤကျဲတဖၣ် ကစဲၤလီၤအဂံၢ် လၢထံကျိအနံၤဒီး ကသၣ်ထီၣ် (ယံး ၁၇း၈) ဘၣ်ဆၣ် ပှၤလၢအလူၤအသးဒၣ်၀ဲန့ၣ် ကလီာ်ဂာ်ဒ် ပထိးသ့ၣ်ဧၢ်ရၠာစးၢ်လၢ ပှၤမုၢ်ကနၢန့ၣ်လီၤ (း၅-၆) ႉ ၀ံတဂၤအံၤ ဆၢ၀ဲလၢယွၤအပှၤဂီၢ်မုၢ်တဖၣ် ကသန့ၤအသး လၢယွၤလၢအမ့ၢ်အတီ ဒီးအမူ၀ဲတဂၤအလိၤ ဒီး ကမၤအသးဒ် ‘‘သ့ၣ်သူၣ်အသးလၢထံနံၤ’’ န့ၣ်လီၤ (း၈) ႉ
ပသ့ၣ်ညါလၢ ‘‘ပၢ်မ့ၢ်ပှၤပၢၤတၢ်လီၢ်’’ (ယိၤဟၣ် ၁၅း၁) ဒီး ပနာ်အီၤသ့ဒီး ပသန့ၤပသးအီၤသ့န့ၣ်လီၤ (ယံး ၁၇း၇) ႉ မ်ပကပိာ်အခံ လၢပသးဒီဖျၢၣ်ဒီး လၢခံ ပကသၣ်ထီၣ်န့ၣ်လီၤႉ