ဖဲယဆိကမိၣ်တၢ်ဘၣ်ဃးဒီး တၢ်ကဟုဘံၣ်ကယာ်ဘၢန့ၣ် ယတဆိကမိၣ်ထီၣ် ထိၣ်အဆူၣ်အဒံးတဖၣ် တဘျီဃီဘၣ်ႉ သနာ်က့ ထိၣ်အဆူၣ်အဒံးန့ၣ် ပထံၣ်ဒီးသ့ၣ်ညါ ဒ်အမ့ၢ် တၢ်ကဟုဘံၣ်ကယာ်ဘၢအက့ၢ်အဂီၤတမံၤလၢ အဟးဂီၤညီဒီး‚ ဃံလၤ၀ဲလီၤႉ ထိၣ်အဆူၣ်အဒံးတဖၣ်န့ၣ် ကဲဘျုးအါန့ၢ်ဒံး ပမဲာ်အတၢ်ထံၣ် လၢအဃံလၤ၀ဲန့ၣ်လီၤႉ
ထိၣ်အဆူၣ်အဒံးန့ၣ် မ့ၢ်ကစၢ်ယွၤ အတၢ်တ့လီၤလၢ အလီၤလိၣ်လီၤလး၀ဲ နးမးန့ၣ်လီၤႉ ထိၣ်အဆူၣ်အဒံးအိၣ်၀ဲအဘ@တတီၤဒီး ကပုာ်လုာ်တတီၤလီၤႉ ထိၣ်ဆူၣ်အဘ@တတီၤန့ၣ် အိၣ်ဒီးအဆူၣ်ကိၤ စံးဆံးဆံးဖိတဖၣ်ဒီး‚ စံးတဖၣ်န့ၣ် ဘျးလီၤစဲၤအသး တခါဒီးတခါန့ၣ်လီၤႉ ထိၣ်ဆူၣ်၀ဲအံၤနှၣ်‚ တၢ်ဘၣ်သူအီၤ လၢထိၣ်သ့ၣ်တဖၣ် အနီၢ်ကစၢ် ကဒိးန့ၣ်ဘၣ် တၢ်လၢၤန့ၣ်လီၤႉ ထိၣ်ဆူၣ်လၢ အကပုာ်လုာ်တတီၤန့ၣ် ဒုးန့ၣ်တၢ်လၢၤ လၢထိၣ်သ့ၣ်တဖၣ် အဂီၢ်စ့ၢ်ကီးန့ၣ်လီၤႉ ထိၣ်ဆူၣ်ခံတီၤလိာ်န့ၣ် မ့ၢ်ဒ်သိး ကဒိးန့ၢ်ဘၣ် တၢ်ဒီသဒၢလီၤဘၣ်ဆၣ်‚ ထိၣ်ဖိဆံးတခီ အိၣ်ဒၣ်ထဲ ထိၣ်ဆူၣ်အကပုာ်လုာ်တမံၤ ဖဲအ၀ဲသ့ၣ် တချုးအဒိၣ်တုာ်ခိၣ်ပှဲၤဘၣ် အဆၢကတီၢ်ဒံးန့ၣ်လီၤႉ အဃိလၢ တၢ်ဒီသဒၢ အဂီၢ် အမိၢ်ကးဘၢအီၤ လၢအဆူၣ်အဒံး‚ လၢအသွံအပူၤန့ၣ်လီၤႉ
ကစၢ်ယွၤ အက့ၢ်အဂီၤလၢ အကျၢၢ်ဘၢပှၤလၢ အဒံးဆ့လာ်ဘၣ် တၢ်ပာ်ဖျါအီၤ ဖဲစံးထီၣ်ပ့တၢၤ ၉၁း၄ ဒီး ၁၇း၁၈ န့ၣ်လီၤႉ တၢ်အက့ၢ်အဂီၤလၢ အဟဲနုာ်လၢ ပသးတခီမ့ၢ်၀ဲ ထိၣ်မိၢ်ပှၢ်အတၢ်ဒီသဒၢထိၣ်ဖိဆံး လၢအဒံးဆ့န့ၣ်လီၤႉ ဒ်ဟံၣ်ဖိဃိဖိ အစုဒုၣ်စုတီၤလၢ အဃၣ်ကဒါက့ၤ ကလံၤမုၣ်လၢ အလီၤပျံၤ‚ (မ့တမ့ၢ်) တၢ်ဘၣ်ဒိ ဘၣ်ထံးအသိး‚ ကစၢ်ယွၤအတၢ်မၤမုာ်မၤခုၣ် ဟ့ၣ်ပှၤတၢ်ပူၤဖျဲး ဒီးတၢ်ဒီသဒၢ လၢသးသမူ အတၢ်ဟူးတၢ်ဂဲၤ အကလံၤမုၢ်အပူၤလီၤႉ
ဖဲပလဲၤခီဖျိဘၣ်တၢ်ကီတၢ်ခဲဒီး တၢ်ခီၣ်ဆါ အကတီၢ်န့ၣ်‚ ပကလဲၤခီဖျိဘၣ် တၢ်သ့ၣ်တဖၣ်န့ၣ် လၢတၢ်သူၣ်ဒူသးဒူအပူၤ‚ မ့ၢ်လၢ ပဃၣ်ဃီၤပမဲာ် ဆူကစၢ်ယွၤ အအိၣ်န့ၣ်လီၤႉ