သိၤမါဘနါဒိၢ် နုာ်လီၤမၤလိတၢ်လၢ လိဒိၣ်တၢ်ဆါဟံၣ် ဘၣ်ဃးဒီး ကသံၣ်ကသီ အကၠိလီၤႉ အတၢ်မံမီၢ်မ့ၢ်၀ဲ ဒ်သိးကလဲၤမၤတၢ်သးခုကစီၣ်ဘၣ်ဃးဒီ ကသံၣ်ကသီလၢတ့ှူးကီၢ်န့ၣ်လီၤႉ တယံာ်ဘၣ်ဒီး ဘနါဒိၢ်ထံၣ်ဒီး သ့ၣ်ညါ၀ဲလၢ တၢ်လိၣ်ဘၣ် အိၣ်၀ဲလၢအဟံၣ်မဲာ်ညါန့ၣ်လီၤႉ ဖိသၣ်လၢ အဟံၣ်အဃီတအိၣ်သ့ၣ်တဖၣ် အိၣ်၀ဲအါမးလၢ အဟံၣ်မဲာ်ညါ ကျဲကပၤလီၤႉ အဃိ အ၀ဲစံၣ်ညီၣ်တဲာ်၀ဲ လၢကမၤတၢ်တမံၤမံၤလၢ ဖိသၣ်သ့ၣ်တဖၣ်အဂီၢ်‚ ဒီး သူၣ်ထီၣ်၀ဲ ဟံၣ်သ့ၣ်တဖၣ် ဖဲ၀့ၢ်လိဒိၣ်အမုၢ်ထီၣ် ဒ်သိးဖိသၣ်လၢ အဘၣ်ကီဘၣ်ခဲ သ့ၣ်တဖၣ် ကအိၣ်၀ဲဆိး၀ဲအဂီၢ်လီၤႉ
ဘနါဒိၢ်မၤစၢၤ ဖိသၣ်လၢအဘၣ်ကီဘၣ်ခဲ သ့ၣ် တဖၣ် အိၣ်၀ဲဒၣ် အဂၤ ၆၀ယ၀၀၀ ညါလီၤႉ ဘနါဒိၢ်လၢအမ့ၢ် ပှၤသ့ယွၤဂ့ၢ်ပီညါဒီး တၢ်အိၣ်ဖှိၣ်သရၠာစးၣ်တဂၤ‚ စံး၀ဲ ‘‘မုၢ်တနံၤအံၤ ပ့ကၢးကိးလၢ ပှၤစီဆှံလၢအဆီၣ်ထွဲမၤစၢၤ ပှၤဖိသၣ်လၢ ကျဲဖီခိၣ်’’ လီၤႉ
ကစၢ်ခရၠာစးံာ် စံး၀ဲ ‘‘ပျဲဖိသၣ်န့ၣ်တက့ၢ်ႉ ဒီးသုတBတီ အဟဲဆူ ယအိၣ်တဂ့ၤ‚ အဂ့ၢ်ဒ်အံၤ မူခိၣ်အဘီဖိမုၢ်ဖိ မ့ၢ်ပှၤဒ်န့ၣ်အသိးလီၤ’’ (မး ၁၉း၁၄) ႉ ဆိကမိၣ်တက့ၢ်ႉ ပှၤဂီၢ်မုၢ် လၢအအိၣ်ဒီး တၢ်ကမၢကမၣ်တဖၣ်ဒီး ကစၢ်ခရၠာစးံာ်အပျဲၢ်အဘီၣ်ဒၣ်၀ဲသ့ၣ်တဖၣ် ့ကၢးအိၣ်၀ဲဒီး ကစၢ်ခရၠာစးံာ်အတၢ်ပာ်ဖျါ ဒုးသ့ၣ်ညါအံၤလီၤႉ လၢမုၢ်နံၤလၢသီလၢလာ်န့ၣ် ဖိသၣ် သ့ၣ်တဖၣ် အလုၢ်အပရၤဆံးစှၤ၀ဲလီၤႉ အ၀ဲသ့ၣ်တဖၣ် အတၢ်အိၣ်တၢ်ဆိးအတီၤ ဖုၣ်န့ၢ်ဒံး ပှၤပတီၢ်မုၢ်တဖၣ်န့ၣ်လီၤႉ ကစၢ်ခရၠာစးံာ် တူၢ်လိာ်‚ ဆိၣ်ဂ့ၤ‚ ဒီးပာ်လုၢ်ဒိၣ်ပရၤဒိၣ် ဖိသၣ်သ့ၣ်တဖၣ်လီၤႉ
ပှၤကွဲးလံာ်စီဆှံအသီတက့တူၢ်အမံၤလၢ စီၤယၤကိာ်တၤ ခရၠာစးံာ်အပျဲၢ်အဘီၣ် တဖၣ်ဒီး စံး၀ဲဒၣ် ‘‘တၢ်ဘူၣ်ထီၣ်ဘါထီၣ် အစီအဆှံဒီး တဘၣ်အၢဘၣ်သီတမံၤမ့ၢ် တၢ်အိၣ်သကိး ပှၤဖိၣ်ဃဲဒီး မုၢ်ကမဲလၢ အဘၣ်တၢ်နးတၢ်ဖှီၣ်အပူၤ’’ (ယၤကိာ် ၁း၂၇) လီၤႉမုၢ်တနံၤအံၤ ဒ်ဆၢကတီၢ်လၢ နံၣ်ကယၤ ၁ အံၤ‚ ဖိသၣ်တဖၣ် တူၢ်ဘၣ်ခီၣ်ဘၣ်လၢ တၢ်တကနၣ်ဃုာ်အီၤ‚ တၢ်ဆါအီၣ်အီၤ‚ တၢ်မၤတရၠာစးီတပါအီၤ‚ တၢ်သူအီၤလၢ ကသံၣ် အီမူအီဘှီး အတၢ်ဆါတၢ်ပရၤအလီၢ်လီၤႉ အဃိသတးဒီး မ့ၢ်ပကယူးယီၣ်ပာ်ကဲ ပကစၢ်ယွၤ လၢအအဲၣ်ဖိသၣ်သ့ၣ်တဖၣ် ဒ်သိးလဲၣ်န့ၣ် မ်ပကကွၢ်ဆိကမိၣ်တက့ၢ်ႉ