တၢ်မၤယွၤအတၢ်လၢတၢ်အဲၣ်အပူၤ

လၢစံာ်ပျီ, ဒီးလၢစဲးဖီကဟၣ်တၢ်မၤလီၢ်န့ၣ် ယပၢ်မ့ၢ် ပှၤဖံးတၢ်မၤတၢ်ဆူၣ်တဂၤန့ၣ်လီၤ. ဘၣ်ဆၣ်, ယပၢ်န့ၣ် တမ့ၢ် ပှၤတ့တၢ်ဘှီတၢ်သ့စဲၣ်နီၤတဂၤဘၣ်. ဖဲပသိလ့ၣ်ထူစံာ်, (မ့) ဖၣ်ကွာ်ဘျၢၣ်, (မ့) ထံပီၤကျိၤတဖၣ် မ့ၢ်ဟးဂီၤဝဲတဘျီလၢ်လၢ်န့ၣ် ပှၤလၢပဟံၣ်ဃၢၤ (မ့) တံၤသကိးတဂၤဂၤ ဘၣ်ဘှီဂ့ၤထီၣ်က့ၤတၢ်န့ၣ်လီၤ. ဒ်အဘူးအလဲလၢအဝဲသ့ၣ် ကြၢးဒိးန့ၢ်ဝဲအသိး, ယပၢ်ဟ့ၣ်ဝဲတန့ၢ်န့ၣ် သ့ၣ်ညါဝဲဒၣ်လဲာ်, ဟ့ၣ်ဝဲဒၣ်န့ၣ်လီၤ. ဘၣ်ဆၣ်, အဝဲသ့ၣ်တတူၢ်လိာ်တၢ်နီတမံၤဘၣ်. မ့ၢ်လၢအဝဲသ့ၣ် အဲၣ်မၤစၢၤတၢ်အဃိန့ၣ်လီၤ. ယပၢ်စံးဘၣ်အဝဲသ့ၣ်လၢ “တၢ်ဘျုးဒိၣ်မး, တုၤနဒိးန့ၢ်အဘူးအလဲဂ့ၤန့ၢ်အါန့ၢ်အန့ၣ်တစု” န့ၣ်လီၤ. တုၤခဲကနံၣ်အံၤဒၣ်လဲာ်, ယပၢ် အတၢ်ကတိၤအခီပညီမနုၤလဲၣ်န့ၣ် ယတနၢ်ပၢၢ်လီၤတံၢ်လီၤဆဲးဘၣ်. တၢ်ဆၢကတီၢ်, လၢခံအကတီၢ်တဘျီဘျီန့ၣ် ယပၢ်, (မ့) ပှၤအဂၤတဂၤဂၤ ကမၤန့ၢ်တၢ်လၢ အဝဲသ့ၣ်အဂီၢ်သ့ၣ်သ့ၣ်န့ၣ်လီၤ.

ပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ်န့ၣ် မ့ၢ်လၢအဲၣ်ဘၣ် ကစၢ်ယ့ၣ်ရှူးအဃိ, မၤဝဲတၢ်ခ့တၢ်ပှၤအတၢ်မၤလၢ ပှၤဂုၤပှၤဂၤအဂီၢ်, ဒီးမုၢ်တနံၤန့ၣ် ကဒိးန့ၢ်ဘၣ် ခိၣ်ဖးန့ၣ်လီၤ. ဘၣ်သ့ၣ်သ့ၣ်, ကမ့ၢ်ဒ် “တုၤနဒိးန့ၢ်အဘူးအလဲဂ့ၤန့ၣ်အါန့ၢ်အန့ၣ်တစု” န့ၣ်လီၤ. ပှၤလၢအပိာ်အခံတဖၣ်န့ၣ် ကစၢ်ယ့ၣ်ရှူးစံးဘၣ်တဲဘၣ်အဝဲသ့ၣ်လၢ “ပာ်ဖှိၣ်သုတၢ်လုၢ်ဒိၣ်ပှ့ၤဒိၣ်လၢမူခိၣ်” (မး ၆:၂၀)…

ကစၢ်ယွၤ အတၢ်အဲၣ် အတၢ်မၤတဖၣ်

ဝ့ၢ်လၢ ယအိၣ်ဆိးန့ၣ် ကရဲ အၣ်ဒံၢ်ယၢၣ် ဖီကရၢၢ် (Grand Ideas Garden), ဒီး လီၢ်ကဝီၤအပဒိၣ်တၢ်ပၢအဃိာ် (County Jail), တၢ်လီၢ်ခံခါ အိၣ်သူၣ်လီၤအသးလၢ ဘီ(လ) (Ball) အကျဲမုၢ်တခီတကပၤန့ၣ်လီၤ. ယတံၤသကိးမုၣ် ကၠိန်အဲ(န) (Joann) ဘၣ်သူၣ်ဘၣ်သးဝဲဒၣ် တၢ်လီၢ်ခံတီၤလိာ်န့ၣ်လီၤ. အသးအိၣ်ဆ့ၣ်နီၤဝဲဒၣ်လၢ ဖီကရၢၢ်အပူၤ, ကွၢ်ဆိကမိၣ် ကစၢ်ယွၤ အတၢ်ဂ့ၤတၢ်ဝါ, ဒီးအတၢ်အဲၣ်ကစၢ်ယွၤ, မ့ၢ်လၢ ယွၤမၤတၢ်အဒိၣ်တဖၣ် လၢအတၢ်အိၣ်မူအပူၤအဃိန့ၣ်လီၤ. လၢအတၢ်အိၣ်မူအပူၤ, တၢ်ဃုထၢကမၣ်တဖၣ်, ဒီးဟးဖျိးကျဲ, အိၣ်ယံၤဝဲဒီးကစၢ်ယွၤအကတီၢ်, ကစၢ်ယွၤ ပှ့ၤက့ၤအီၤအဂ့ၢ်န့ၣ် အဝဲအဲၣ်ဒိးနီၤဟ့ၣ်ခီစ့ၢ်ကီးဒီးပိာ်မုၣ်လၢ အလီၤဘၣ်ဃိာ်တဖၣ်န့ၣ်လီၤ. လၢတၢ်သူၣ်ဆူၣ်သးဆူၣ်အပူၤ, အဝဲစံးဘၣ်တဲဘၣ်ယၤတလီၢ်လီၢ်န့ၣ် အဝဲအိၣ်ဒီးတၢ်မံမီၢ်လၢ မုၢ်တနံၤန့ၣ်, ကယဲၢ်ပိာ်မုၣ်ကိးဂၤဒဲး လၢဃိာ်ပူၤတဖၣ်န့ၣ် ကနၢ်ပၢၢ်က့ၤဝဲ, ဒီးကလဲၤခီဖျိကလၢၢ်ဘၣ်ဝဲ ကစၢ်ယွၤအတၢ်အဲၣ်လၢ အဝဲသ့ၣ်အနီၢ်ကစၢ်ဒၣ်ဝဲစုာ်စုာ်န့ၣ်လီၤ.

ပှၤကွဲးထါစံးထီၣ်ပတြၢၤ စံးဘၣ်တဲဘၣ် အပှၤအံၣ်စရ့လးဖိကဒဲကဒဲလၢ “စံးထီၣ်ပတြၢၤယွၤ, ပှၤလၢအပှ့ၤက့ၤအဝဲသ့ၣ်လၢဒုၣ်ဒါအစုအပူၤ” (စံး ၁၀၇:၂) န့ၣ်လီၤ. အဝဲသ့ၣ် “လဲၤဝ့ၤဝီၤတၢ်လၢပှၢ်မုၢ်ကနၢ, လၢအလီၢ်အိၣ်သယုၢ်အပူၤ,”…

အလီၢ်အိၣ်လၢ တၢ်ကဆီၣ်လီၤသး

ဖဲပဒိၣ်ထီၣ်သီအကတီၢ်, ယတမုၣ်တခွါတဖၣ် လၢအအိၣ်စီၤစုၤဒီးပှၤထဲဒၣ် ခံ မံးလာ်န့ၣ် တဒိးန့ၢ်တၢ်ပျဲလၢ ကရ့လိာ်အသးဒီးပဟံၣ်ဖိဃီဖိန့ၣ်ဘၣ်. ဖဲဒူၣ်ဖိထၢဖိအတၢ်ထံၣ်မဲာ် ထံၣ်နါန့ၣ် အဝဲသ့ၣ်တဟဲဝဲဒၣ်နီတဘျီဘၣ်. ဖဲပထံၣ်လိာ်ပသးလၢတၢ်ဆါတၢ်ပှ့ၤအကျးအကတီၢ်, တစံးကတိၤတၢ်ဒီးပှၤဘၣ်. အမိၢ်အပၢ် စံးဝဲဒၣ် အကတီၢ်ဖဲန့ၣ်, မ့ၢ်လၢပတထီၣ်ဘါယွၤ လၢသရိာ်, ဒီးပလုၢ်လၢ် အတဂ့ၤတဝါတဖၣ် ဒ်သိးတဒိၣ်စိလုၣ်ဘၢအဖိတဖၣ်အဂီၢ်န့ၣ်လီၤ. အါနံၣ်အါလါလဲၤပူၤကွံာ်ဝံၤ, ဖဲလၢယဝဲၢ်အဒိၣ်ကတၢၢ်တဂၤ အတၢ်သံ အတၢ်ရဲၣ်တၢ်ကျဲၤန့ၣ် ယတခွါတဂၤဟဲဝဲဒၣ်အဃိ, ကဲထီၣ်တၢ်ကမၢကမၣ်လၢယဂီၢ်န့ၣ်လီၤ. အဝဲဟဲဆူ ပဒီပုၢ်ဝဲၢ်တဂၤဘၣ်တဂၤအအိၣ်, ဒီးလၢတၢ်ဆီၣ်လီၤသးအပူၤန့ၣ်အဝဲသ့ၣ် အတၢ်ပာ်သူၣ်ပာ်သးလၢပလိၤအဂီၢ်န့ၣ် ဃ့ကညးပှၤန့ၣ်လီၤ. ပဒိးန့ၢ်က့ၤ ပတၢ်ရ့လိာ်ဘၣ်ထွဲလိာ်သးဒီးအီၤအသီတဘျီန့ၣ်လီၤ.

ဒ်သိး စီၤယၤကိာ် ကဃုထံၣ်န့ၢ်က့ၤ တၢ်ရ့လိာ်သးအဂ့ၤအဝါဒီးအဝဲၢ်ခွါ စီၤဧ့ရှီ အဂီၢ်, ကဘၣ်ဆီၣ်လီၤအသးန့ၣ်လီၤ. စီၤယၤကိာ် မ့ၢ်ဖိခံဂၤတဂၤ, လၢအမၤကမၣ် အဝဲၢ် စီၤဧ့ရှီ, ဒီးဟုၣ်န့ၢ်ဝဲဒၣ် ဖိဝဲၢ်ကိအခွဲးအယာ် (၂၅:၁၉-၃၄), ဒီးဒ်သိးကဒိးန့ၢ် ဖိဝဲၢ်ကိအတၢ်ဆိၣ်ဂ့ၤ (၂၆:၃၄, ၂၇:၄ဝ) အဂီၢ်, လီန့ၢ်ဝ့ၤန့ၢ်ဝဲဒၣ် အပၢ်သးပှၢ်န့ၣ်လီၤ. စီၤဧ့ရှီ အသူၣ်ဒိၣ်သးဖျိး, ဒီးမၤပျံၤမၤဖုး စီၤယၤကိာ် လၢကမၤသံဝဲဒၣ်အဃိ,…

ယွၤနုာ်လီၤမၤတၢ် လၢတၢ်အဘၢၣ်စၢၤ

လၢတနံၤအဂီၢ်, တၢ်လၢအကဘၣ်မၤဝဲတဖၣ်န့ၣ် စၤရါ (Sara) ကွဲးလီၤဆိဝဲဒၣ်လၢဂီၤန့ၣ်လီၤ. ဘၣ်ဆၣ်, ပှၤသးစၢ် အဟံၣ်ဒူၣ်လၢအဖှီၣ်တဒူၣ် ဃ့အီၤတၢ်မၤစၢၤတမံၤန့ၣ် နုာ်လီၤမၤတံာ်တာ်အီၤန့ၣ်လီၤ. တၢ်ကပှ့ၤ ဂာ်သဝံ အဂီၢ်, တၢ်အိၣ်ဖှိၣ် ကတဲာ်ကတီၤန့ၢ် ကဲး(စ) လံာ်က့ဖိ (Gas-Card) န့ၣ် အဝဲသ့ၣ် လိၣ်ဘၣ်ဝဲသပှၢ်တၢၢ်န့ၣ်လီၤ. စၤရါ တဂၤအတၢ်ဖံးတၢ်မၤအါဘၣ်ဆၣ်, ကစၢ်ယွၤ အဲၣ်ဒိးလၢ အဝဲကဘၣ်မၤဝဲန့ၣ် သ့ၣ်ညါဝဲအဃိ, စၤရါ တူၢ်လိာ်ဝဲလၢ ကလဲၤဆှၢဝဲဆူ ဟံၣ်ဒွဲ (Hotel), တၢ်လီၢ်ဖဲတၢ်အိၣ်ဖှိၣ် ကတဲာ်ကတီၤဒုးအိၣ်အဝဲသ့ၣ် စှၤနွံန့ၣ်လီၤ. စါရါ ဟံးန့ၢ် လံာ်က့ဖိဝံၤ, ကွၢ်ဝဲတၢ်အိၣ်ဆိးအလီၢ်အကျဲန့ၣ်ဒီး, ကဘၣ်လဲၤနီၣ် သိလ့ၣ် အတၢ်လဲၤန့ၣ် ယံၤန့ၢ်ဒံး အတယာ်ဆိပာ်ဝဲအဃိ, ကဒူးကဒ့ၣ် ကစၢ်ယွၤလၢ, ယကလဲၤဆှၢန့ၢ် လံာ်က့ဖိဆူ အဝဲသ့ၣ်အအိၣ်န့ၣ် ယသိလ့ၣ် အဂာ်သဝံကလၢာ်အါထီၣ်ဝဲဒၣ်န့ၣ်လီၤ.

လၢအသးပူၤန့ၣ် စၤရါ တူၢ်ဘၣ်ဝဲဒၣ် ဒ်သိးကစၢ်ယွၤ စံးဘၣ်အီၤလၢ ယကတဲာ်ကတီၤဟ့ၣ်တ့ၢ်နၤဝံၤလံ တမ့ၢ်ဘၣ်ဧါ. "စၤရါ စံးဆၢဝဲဒၣ်,…

ဒ်အမ့ၢ် ခရံာ်အတၢ်အိၣ်ဖှိၣ်

ဘၣ်တနံၤ, ဖဲမုၢ်ဃ့ၢ်လီၤအကတီၢ်, ယၤဒီးပဟံၣ်ကပၤ ပှၤဆူၣ်ဒၣ် (Sudanese) အဟံၣ်ဖိဃီဖိတဖၣ်န့ၣ် ပတ့ခဲၣ် ပှၤလဲၤဟးလ့ၢ်လိၤတၢ်အကျဲ လၢဟီၣ်ခိၣ်ဝါတဖၣ်လၢအအိၣ်ဒီးအလွဲၢ်အကလုာ်ကလုာ်န့ၣ်လီၤ. လၢအဝဲသ့ၣ်အဟံၣ်အကပၤ, ပှၤအိၣ်ဝဲတဖု ဘူၣ်ထူဘါယွၤ, ဒီးပနၢ်ဟူ အဝဲသ့ၣ်သးဝံၣ်တၢ်န့ၣ်လီၤ. မိၢ်သးစၢ်လၢ ကတိၤတၢ်ဒီးယၤတဂၤန့ၣ် အဲၣ်ဒိးသ့ၣ်ညါဝဲ တၢ်ဂ့ၢ်တၢ်ကျိၤအဃိ, အဝဲဒီးယၤ ပလဲၤခိးကနၣ် ပှၤသးဝံၣ်တၢ်န့ၣ်လီၤ. ဒ်သိးပကဘူၣ်သကိးဘါသကိးတၢ်အဂီၢ် အဝဲသ့ၣ်ကွဲမုာ်ပှၤန့ၣ်လီၤ. ကမါလၢပှၤမၤပှဲၤပာ်ထံအကပၤန့ၣ် လၢတၢ်ဒိးဘျၢထံအဂီၢ်, ပှၤသးစၢ်တဂၤ အိၣ်ဂဲၤဆၢထၢၣ်ဝဲဒၣ်, ဒီးစံးဝဲဒၣ်လၢ ဒိးန့ၢ်တၢ်ပျၢ်တၢ်ဒဲးဘး, ဒီးဟ့ၣ်လီၤအးလီၤအသး, ဒ်သိးကပိာ်ကစၢ်ယ့ၣ်ရှူးအခံအဂီၢ်န့ၣ်လီၤ.

တၢ်အံၤမ့ၢ်ခွဲးဂ့ၤယာ်ဘၣ်လီၤဆီလၢပဂီၢ်, မ့ၢ်လၢပနၢ်ဟူဘၣ် ပှၤအုၣ်အသး, ဘၣ်ဃးဒီး တၢ်အုၣ်က့ၤခီၣ်က့ၤအဂ့ၢ်, လၢပဟံၣ်ကပၤအဃိန့ၣ်လီၤ. ပှၤတဖုအံၤ မ့ၢ်ဝဲဒၣ် ကစၢ်ခရံာ် အတၢ်အိၣ်ဖှိၣ် လၢပခိၣ်ပဃၢၤန့ၣ်လီၤ.

ကစၢ်ယ့ၣ်ရှူး တ့သူၣ်ထီၣ် အတၢ်အိၣ်ဖှိၣ် လၢဟီၣ်ခိၣ်ဒီဘ့ၣ်န့ၣ်လီၤ. တချုးကစၢ်ယ့ၣ်ရှူး က့ၤထီၣ်ဆူမူခိၣ်ဒံးဘၣ်န့ၣ် စံးဘၣ်တဲဘၣ် အပျဲၢ်အဘီၣ်တဖၣ်လၢ ကဆှၢလီၤ သးစီဆှံ ဒ်သိးကအိၣ်ဆိးလၢအပျဲၢ်အဘီၣ်တဖၣ် အသးကံၢ်ပူၤ, ဒီးအပျဲၢ်အဘီၣ်တဖၣ် ကကဲထီၣ် ပှၤအုၣ်အသး, “ပၢၢ်လၢဟီၣ်ခိၣ်အကတၢၢ်” (တ ၁:၈)…

ကစၢ်ယွၤ ဒိကနၣ် ပတၢ်ထုကဖၣ်

ယတံၤသကိး ခရံးစတံဒီးအဝၤ, လဲၤအီၣ်သကိးဟါတၢ်အီၣ် လၢအမုၢ်ဂၢ်ဒီးအဖါတံၢ်အဟံၣ်န့ၣ်လီၤ. တယံာ်ဒံးဘၣ်န့ၣ် အမုၢ်ဂၢ် သ့ၣ်ညါထွဲဝဲဒၣ်လၢ တူၢ်ဘၣ်ခီၣ်ဘၣ် ခဲစၢၣ်တၢ်ဆါအၢအၢသီသီန့ၣ်လီၤ. တချုးလၢပှၤစးထီၣ်အီၣ်အီဒံးဘၣ်တၢ်န့ၣ်,
အဖါတံၢ် သံကွၢ်ဝဲဒၣ်လၢ, “မ့ၢ်ၦၤတဂၤဂၤအသးအိၣ်တဲတၢ်တမံၤမံၤဧါ” န့ၣ်လီၤ. မ့ၢ်လၢအဖါတံၢ်အဲၣ်ဒိးတဲဝဲဒၣ် “မ့ၢ်ၦၤတဂၤဂၤအဲၣ်ဒိးဃ့ဘါထုကဖၣ်တၢ်ဒံးဧါ” န့ၣ်ခရံးစတံ သ့ၣ်ညါဝဲအဃိ, နံၤကမှံထီၣ်ဝဲဒၣ်န့ၣ်လီၤ. အဖါတံၢ်န့ၣ် တမ့ၢ်လၢအစူၢ်က့ၤနာ်က့ၤကစၢ်ယ့ၣ်ရှူးဘၣ်ဆၣ်, သ့ၣ်ညါဝဲလၢ ခရံးစတံ မ့ၢ်ၦၤခရံာ်ဖိတဂၤအဃိ, ဒ်သိးကဃ့ဘါထုကဖၣ်ဝဲအဂီၢ်, အိးထီၣ်န့ၢ်ကျဲ, ဒီးကွဲမုာ်အီၤန့ၣ်လီၤ. ကစၢ်ယွၤ အတၢ်ကဟုကယာ်အဂီၢ်, လၢအသးပူၤန့ၣ် စံးဘျုးစံးဖှိၣ်ယွၤ, ဒီးဒ်သိးကစၢ်ယွၤ ကမၤတၢ်လီၤလးလၢ အမုၢ်ဂၢ်တဂၤအံၤအဂီၢ်, ဃ့သကွံၢ်ကညးဝဲဒၣ်န့ၣ်လီၤ.

စီၤပၤ ဃံးစကံယၤ ဆါဝဲတုၤအကသံတ့ၢ်ဝဲ, ဒီးဖဲ ဝံယၡါယၤ ဟဲတဲဘၣ်အီၤလၢ ကသံဝဲဒၣ် (ယၡါ ၃၈:၁) ဝံၤန့ၣ်ဒီး, လၢအသးပူၤန့ၣ် အဲၣ်ဒိးတဲဝဲတၢ်တမံၤလၢ ကစၢ်ယွၤန့ၣ်လီၤ. အဝဲ “ဟီၣ်ဝဲနးမး,” ဒီးဃ့ကညးယွၤလၢ “ယွၤဧၢ, ယလဲၤတၢ်လၢနမဲာ်ညါလၢတၢ်မ့ၢ်တၢ်တီအပူၤ, အိၣ်ဒီးယသးဒီဖျၢၣ်, ဒီးယမၤတ့ၢ်တၢ်အဂ့ၤလၢနမဲာ်ညါန့ၣ် သ့ၣ်နီၣ်ထီၣ်က့ၤလၢ်ယၤတက့ၢ်” (:၃) န့ၣ်လီၤ. ဒ်သိးကပူၤဖျဲးဝဲလၢ တၢ်ဆူးတၢ်ဆါအဂီၢ်,…

ကစၢ်ယွၤအကျဲအကပိၤ မ့ၢ်တၢ်အဲၣ်တၢ်ကွံ

လါလၢအကဟဲဆူညါတဖၣ်န့ၣ် မ့ၢ်လၢယအိၣ်ဒီးတၢ်ဆၢကတီၢ် အဘျဲၣ်အစဲၢ်တဖၣ်အဃိ, ယရဲၣ်ကျဲၤအီၤလၢ ယကမၤဂ့ၤမၤစၢၤပှၤဂုၤပှၤဂၤတဖၣ် တသ့ဖဲအသ့န့ၣ်လီၤ. ဘၣ်ဆၣ်, ဖဲယမၤစၢၤ တံၤသကိးအသီတဂၤအကတီၢ်, ယလဲၤတၢ်ယခီၣ်ဘၣ်တိၢ်, ယလီၤဃံၤ, ဒီးယစုကၢ်ဝဲဒၣ်လၢ တၢ်လီၢ်သၢတီၤန့ၣ်လီၤ. ယမ့ၢ်ယဲဒၣ် ပှၤတဂၤလၢ အလိၣ်ဘၣ်တၢ်မၤစၢၤသတူၢ်ကလာ်န့ၣ်လီၤ. ကစၢ်ယွၤ အပှၤဂီၢ်မုၢ်တဖၣ် ကွၢ်ထွဲကဟုကယာ်ယၤ, ခီဖျိလၢတၢ်ဟဲအိၣ်သကိး, တၢ်ဟ့ၣ်ဆၢဂ့ၤဆၢဝါလံာ်က့ဖိတဖၣ်, ဖီတဖၣ်, တၢ်ကိးသံကွၢ်ယၤ လၢကွဲၤဒီနၢ်, တၢ်ကွဲးဆှၢလီၤ လီလံာ်ပရၢတဖၣ်, တၢ်ထုကဖၣ်, တၢ်အီၣ်တၢ်အီ (ဃုာ်ဒီးခၠီးကလဲး ဘိၣ်တဘိၣ်ဒၣ်လဲာ်), ဒီးတၢ်ဟဲမၤန့ၢ် တၢ်စုထံးခီၣ်ထံးလၢယဂီၢ်န့ၣ်လီၤ. ယဟံၣ်ဖိဃီဖိ, ယတံၤသကိး, ဒီးယတၢ်အိၣ်ဖှိၣ်ဖိတဖၣ် ဂ့ၤဒိၣ်မးလၢ ယဂီၢ်န့ၣ် ယနာ်လီၤယသးတသ့လၢၤဘၣ်န့ၣ်လီၤ. တၢ်မၤအသးတဖၣ်န့ၣ် ဖျါဝဲဒၣ်ဒ် ကစၢ်ယွၤ စံးဝဲဒၣ်, “ဆ့ၣ်နီၤတက့ၢ်. နလိၣ်ဘၣ် တၢ်မၤစၢၤန့ၣ်လီၤ. တၢ်ကဟုကယာ်တၢ်စံးတၢ်န့ၣ် မ့ၢ်တၢ်ဒ်လဲၣ်န့ၣ်နကထံၣ်ဘၣ်နဲန့ၣ်လီၤ.” မ့ၢ်လၢတၢ်သ့ၣ်တဖၣ်အံၤအဃိ, ယသ့ၣ်ညါအါထီၣ်ယဲလၢ တၢ်မၤဂ့ၤတၢ်လၢသူၣ်လၢသးအဂ့ၢ်, ဒီးတၢ်သးကလၢၢ်ဘၣ် တၢ်စံးဘျုးစံးဖှိၣ် ကစၢ်ယွၤ လၢပှၤဂၤအဂီၢ်န့ၣ်လီၤ.

ယတံၤသကိး ပှၤစူၢ်က့ၤနာ်က့ၤတၢ်ဖိတဖၣ် မၤစၢၤယၤ ဒ်ကျိၤကျဲလၢ စီၤပီလူး သိၣ်လိဝဲဒၣ်…

ကစၢ်ယွၤ ကဟံးဃာ်ပၢၤဃာ် အတၢ်အၢၣ်လီၤ

လၢကီၢ်အမဲရကၤဒီတကီၢ်အပူၤ, ၦၤကဲဒိၣ်ကဲၦၢ်တဖၣ် ဒ်သိးကဟ့ၣ်သဆၣ်ထီၣ်ဝဲဒၣ် ၦၤမၤလိတၢ်ဖိတဖၣ်အသးသဟီၣ်အဂီၢ်, အၢၣ်လီၤအီလီၤဝဲ ၦၤကၠိဖိတဖၣ်လၢ ဖဲအထီၣ်ကၠိ တဆံသၢနံၣ်အတီၢ်ပူၤ, လၢအအိၣ်ဆိးတၢ်အလီၢ်အကျဲဒၣ်ဝဲန့ၣ်, မ့ၢ်ဖျိထီၣ်တၢ်ဒိးစဲးလၢအပတီၢ်ဂ့ၤဂ့ၤတဖၣ်န့ၣ်ဒီး, ၦၤမၤဂ့ၤမၤစၢၤတၢ်တဖၣ် ကဟ့ၣ်မၤစၢၤဆီၣ်ထွဲ တၢ်မၤလိလီၢ်ကဝီၤကမျၢၢ် ခီလ့ၣ်ကၠိ (မ) ဖၠၣ်စိမိၤ ဆူမဲာ်ညါ လွံၢ်နံၣ်အဂီၢ်, လၢအကီၢ်စဲၣ်ဒၣ်ဝဲ အပူၤန့ၣ်လီၤ. တၢ်ကွဲးနီၣ်ကွဲးဃါတဖၣ်ပာ်ဖျါဝဲဒၣ် လၢဝ့ၢ်ဖးဒိၣ်တနီၤနီၤန့ၣ် တၢ်အၢၣ်လီၤခွဲးယာ်အဂ့ၤအဝါအံၤ ထိၣ်ဟူးထိၣ်ဂဲၤထီၣ်ဝဲ ၦၤမၤလိတၢ်ဖိတဖၣ် ပှၤကဲဒိၣ်အဖိမ့ၢ်ဂ့ၤ, ပှၤဖှီၣ်ဖိယာ်တဖၣ်အဖိမ့ၢ်ဂ့ၤ, ဖဲအဝဲသ့ၣ်နၢ်ဟူတၢ်ကစီၣ်တကီၢ်ခါန့ၣ် စးထီၣ် မၤလိန့ၢ်တၢ်ဂ့ၤဂ့ၤဘၣ်ဘၣ်န့ၣ်လီၤ. ကၠိသရၣ်တဂၤ စံးဝဲဒၣ်လၢ “တၢ်ဂ့ၢ်တမံၤအံၤ ဆီတလဲကွံာ် တၢ်ပာ်သူၣ်ပာ်သးလ့ၤတက့ၢ်န့ၣ်လီၤ. ၦၤဖိသၣ်တဖၣ်လၢ အထီၣ်တီၤဘျီကၠိတဖၣ် ဒၣ်လဲာ်, စံးဝဲလၢ ကလဲၤထီၣ် ခီလ့ၣ်ကၠိန့ၣ်လီၤ. တၢ်အံၤမ့ၢ်တၢ်မၤအသးနီၢ်နီၢ်န့ၣ်လီၤ.” တၢ်အၢၣ်လီၤအီလီၤ လၢအအိၣ်ခိးပာ်လၢအမဲာ်ညါတမံၤအံၤ, မၤဆူၣ်ထီၣ်အါထီၣ် ပှၤကၠိဖိတဖၣ် သးအတၢ်ဆၢမိၣ်န့ၢ်, ဒီးအဝဲသ့ၣ်အတၢ်မုၢ်လၢ်လၢခါဆူညါအဂီၢ်န့ၣ်လီၤ.

ဒ်သိးတၢ်ကမၤစၢၤ ထိၣ်ဟူးထိၣ်ဂဲၤထီၣ် လၢသီၦၤစူၢ်က့ၤနာ်က့ၤတၢ်ဖိတဖၣ် အတၢ်စူၢ်တၢ်နာ်အဂီၢ်, ပှၤတၢ်မၢဖိ စီၤယိၤဟၣ် စံးကတိၤပာ်ဖျါဝဲ တၢ်အၢၣ်လီၤအီလီၤဘၣ်ဃးဒီးတၢ်ကမၤအသးလၢခါဆူညါအဂ့ၢ်န့ၣ်လီၤ. ကစၢ်ယ့ၣ်ၡူး အၢၣ်လီၤတ့ၢ်ဝဲလၢ ကဟဲက့ၤကဒါက့ၤဝဲဒၣ်, ဒီးဟဲက့ၤဝဲန့ၣ်ဒီး,…

ဃ့ၢ်တၢ်ဃ့ၢ်သတြီၤဃုာ်ဒီးခရံာ်

ပှၤနွံနံၣ်ဖိ တီ(မ) (Tom) တဂၤ, ဘၣ်သူၣ်ဘၣ်သးဝဲဒၣ် တၢ်မၤနၢၤခိၣ်ဖးကပြုၢ်ကပြီၤ လၢစိၤပိာ်ခိၣ်အလိၤတဖၣ် တၢ်လၢအပၢ်ဒိးန့ၢ်ဝဲလၢ ကၠိအတၢ်ဃ့ပြၢတဖၣ်န့ၣ်လီၤ. လၢအသးပူၤန့ၣ် စံးဝဲဒၣ်, ယအဲၣ်ဒိးပာ်ခိၣ်ဖးတခါလၢ ယလီၢ်မံဒၢးအပူၤန့ၣ်လီၤ. လၢတၢ်န့ၣ်အဃိ, သံကွၢ်ဝဲဒၣ်အပၢ်, “ပါပၢ်ဧၢ, လၢနခိၣ်ဖးတဖၣ်အကျါ မ့ၢ်ယဟံးန့ၢ် တခါကသ့ဧါ” န့ၣ်ဒီး, လၢတၢ်လီၤကမၢကမၣ်အပူၤန့ၣ် အပၢ်စံးဆၢဝဲဒၣ် “တသ့ဘၣ်. ဖိခွါဧၢ, ခိၣ်ဖးတဖၣ်အံၤ မ့ၢ်ယတၢ်လီၤ. ယဘၣ်ဂုာ်ကျဲးစၢးမၤန့ၢ်အီၤ, ဒီးနၤစ့ၢ်ကီးနမၤန့ၢ်နကစၢ်ဒၣ်နဲသ့ဝဲန့ၣ်လီၤ.” ဖဲန့ၣ်အဝဲသ့ၣ်ရဲၣ်ကျဲၤထီၣ်လၢ တီ(မ) မ့ၢ်ဃ့ၢ်ဝဲဒၣ် ကဝီၤဒ့တဝီ လၢတၢ်ပာ်ပနီၣ် တၢ်ဆၢကတီၢ်တကတီၢ်အပူၤန့ၣ် (အပၢ်သ့ၣ်ညါလၢအဖိခွါဃ့ၢ်ဝဲကန့ၢ်), အပၢ်ကဟ့ၣ်အီၤအခိၣ်ဖးတဖၣ်အကျါတခါန့ၣ်လီၤ. ဒ်အပၢ်သိၣ်လိနဲၣ်ဆှၢအီၤအသိး တီ(မ) မၤလိန့ၢ်တၢ်, ဒီးတနွံပူၤကွံာ်အလီၢ်ခံန့ၣ်, အပၢ်ကိးပသူဟ့ၣ်ဂံၢ်ဟ့ၣ်ဘါအီၤ ဖဲတီ(မ) ဃ့ၢ်တၢ်ဃ့ၢ် ဘၣ်ဆၢဘၣ်ကတီၢ်အပူၤန့ၣ်လီၤ. တၢ်မၤလိလၢ တီ(မ) မၤန့ၢ်ဝဲဒၣ်န့ၣ်, လၢတၢ်သိၣ်လိဃံးလီၤက့ၤသး, ဒီးလၢတၢ်ဂုာ်ကျဲးစၢးဆူၣ်ဆူၣ်အပူၤန့ၣ်, ဒိးန့ၢ်ဝဲဒၣ် ခိၣ်ဖးတခါလၢ အပၢ်မၤလၤကပီၤအီၤန့ၣ်လီၤ.

လံာ်ကတိၤဒိ ၁:၈ ဟ့ၣ်ဂံၢ်ဟ့ၣ်ဘါဖိသၣ်တဖၣ်လၢ “ကနၣ်နပၢ်အသိၣ်တၢ် တက့ၢ်” န့ၣ်လီၤ. တီ(မ) အပၢ်စ့ၢ်ကီး…

ထီဘိတၢ်အိၣ်ကတဲၥ်ကတီၤသး

ဘဲးထံၣ် (Betty) အိၣ်ကတဲၥ်ကတီၤပာ်အသးလံ. ဖဲဘဲးထံၣ် အသးစၢ်လံၤလံၤန့ၣ် စးထီၣ်ပိၥ် ကစၢ်ယ့ၣ်ရှူးအခံ, ဒီးဂုာ်ကျဲးစၢးဟံးန့ၢ် ခွဲးယၥ်တဖၣ်လၢ အသးသမူဒီတစိၤ, ဒ်သိးကမၤယွၤအတၢ်, ဒီးကမၤမံမၤမုၥ်ယွၤအသးအဂီၢ်န့ၣ်လီၤ. အဝဲထီၣ်ဝဲဒၣ် တၢ်သိၣ်လိ လံၥ်စီဆှံတဖၣ်, တၢ်ဘါတၢ်ရဲၣ်တၢ်ကျဲၤတဖၣ်, ဒီးတၢ်ထုကဖၣ်ကရၢတဖၣ်န့ၣ်လီၤ. ဘဲးထံၣ် သိၣ်လိဝဲဒၣ် လံၥ်စီဆှံ, လဲၤဟးအိၣ်သကိး တၢ်သးခုကစီၣ်အပျီတဖၣ်, ဖံးတၢ်မၤတၢ်လၢ တီၤဘျီကၠိ, မၤသဃဲၤတၢ်ဒီးအဝၢ်တၢ်အိၣ်ဖှိၣ်သရၣ်, ဒီးဖဲအဒိးန့ၢ်ဝဲဒၣ် ခွဲးယၥ်တဘျီလၢ်လၢ်န့ၣ် အသးအိၣ်ဖံးသကိးမၤသကိးတၢ်ဒီးယွၤအၦၤဂီၢ်မုၢ်တဖၣ်န့ၣ်လီၤ. တၢ်လၢအလီၤဆီတမံၤန့ၣ် ဘဲးထံၣ် အသးအနံၣ်အလါ အိၣ်ဝဲဒၣ် ၁၀၂ နံၣ်လံ, ဒီးထီဘိန့ၣ် အိၣ်ကတဲၥ်ကတီၤပာ်အသးလၢ ကမၤတၢ်တမံၤလၢ်လၢ်, ဒ်သိးကမၤမံမၤမုၥ် ကစၢ်ယွၤအသးအဂီၢ်န့ၣ်လီၤ. မုၢ်နံၤတဖၣ်လၢ ၦၤအါဂၤ အတအဲၣ်ဒိး ထံၣ်လိၥ်ရ့လိာ်အသးဒီး ၦၤစူၢ်က့ၤနၥ်က့ၤတၢ်အဂုၤအဂၤတဖၣ်ဖဲ တၢ်ဘါသရိာ်အခါ, ဘဲးထံၣ် ကဲထီၣ်ဝဲ ပှၤလၢ
အထိၣ်ဟူးထိၣ်ဂဲၤအဝဲသ့ၣ်အသးန့ၣ်လီၤ. ဒီးပှၤသ့ၣ်တဖၣ်အံၤ သ့ၣ်နီၣ်ထီၣ်ဝဲလၢ, ဘဲးထံၣ် ကအိၣ်ဝဲဒၣ်ဖဲန့ၣ်, ဒီးယကဘၣ်လဲၤယဲဖဲန့ၣ်သၦၢ်တၢၢ်န့ၣ်လီၤ. ခဲကနံၣ်အံၤ, ဘဲးထံၣ် ပာ်ဖျါဝဲဒၣ်လၢ အတၢ်သူၣ်ဆူၣ်သးဂဲၤဝဲလၢ ကလဲၤထီၣ်ဆူမူခိၣ်, ဒီးကအိၣ်ဆိးဝဲဒၣ်လၢ…