လၢစံာ်ပျီ, ဒီးလၢစဲးဖီကဟၣ်တၢ်မၤလီၢ်န့ၣ် ယပၢ်မ့ၢ် ပှၤဖံးတၢ်မၤတၢ်ဆူၣ်တဂၤန့ၣ်လီၤ. ဘၣ်ဆၣ်, ယပၢ်န့ၣ် တမ့ၢ် ပှၤတ့တၢ်ဘှီတၢ်သ့စဲၣ်နီၤတဂၤဘၣ်. ဖဲပသိလ့ၣ်ထူစံာ်, (မ့) ဖၣ်ကွာ်ဘျၢၣ်, (မ့) ထံပီၤကျိၤတဖၣ် မ့ၢ်ဟးဂီၤဝဲတဘျီလၢ်လၢ်န့ၣ် ပှၤလၢပဟံၣ်ဃၢၤ (မ့) တံၤသကိးတဂၤဂၤ ဘၣ်ဘှီဂ့ၤထီၣ်က့ၤတၢ်န့ၣ်လီၤ. ဒ်အဘူးအလဲလၢအဝဲသ့ၣ် ကြၢးဒိးန့ၢ်ဝဲအသိး, ယပၢ်ဟ့ၣ်ဝဲတန့ၢ်န့ၣ် သ့ၣ်ညါဝဲဒၣ်လဲာ်, ဟ့ၣ်ဝဲဒၣ်န့ၣ်လီၤ. ဘၣ်ဆၣ်, အဝဲသ့ၣ်တတူၢ်လိာ်တၢ်နီတမံၤဘၣ်. မ့ၢ်လၢအဝဲသ့ၣ် အဲၣ်မၤစၢၤတၢ်အဃိန့ၣ်လီၤ. ယပၢ်စံးဘၣ်အဝဲသ့ၣ်လၢ “တၢ်ဘျုးဒိၣ်မး, တုၤနဒိးန့ၢ်အဘူးအလဲဂ့ၤန့ၢ်အါန့ၢ်အန့ၣ်တစု” န့ၣ်လီၤ. တုၤခဲကနံၣ်အံၤဒၣ်လဲာ်, ယပၢ် အတၢ်ကတိၤအခီပညီမနုၤလဲၣ်န့ၣ် ယတနၢ်ပၢၢ်လီၤတံၢ်လီၤဆဲးဘၣ်. တၢ်ဆၢကတီၢ်, လၢခံအကတီၢ်တဘျီဘျီန့ၣ် ယပၢ်, (မ့) ပှၤအဂၤတဂၤဂၤ ကမၤန့ၢ်တၢ်လၢ အဝဲသ့ၣ်အဂီၢ်သ့ၣ်သ့ၣ်န့ၣ်လီၤ.
ပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ်န့ၣ် မ့ၢ်လၢအဲၣ်ဘၣ် ကစၢ်ယ့ၣ်ရှူးအဃိ, မၤဝဲတၢ်ခ့တၢ်ပှၤအတၢ်မၤလၢ ပှၤဂုၤပှၤဂၤအဂီၢ်, ဒီးမုၢ်တနံၤန့ၣ် ကဒိးန့ၢ်ဘၣ် ခိၣ်ဖးန့ၣ်လီၤ. ဘၣ်သ့ၣ်သ့ၣ်, ကမ့ၢ်ဒ် “တုၤနဒိးန့ၢ်အဘူးအလဲဂ့ၤန့ၣ်အါန့ၢ်အန့ၣ်တစု” န့ၣ်လီၤ. ပှၤလၢအပိာ်အခံတဖၣ်န့ၣ် ကစၢ်ယ့ၣ်ရှူးစံးဘၣ်တဲဘၣ်အဝဲသ့ၣ်လၢ “ပာ်ဖှိၣ်သုတၢ်လုၢ်ဒိၣ်ပှ့ၤဒိၣ်လၢမူခိၣ်” (မး ၆:၂၀) န့ၣ်လီၤ. တၢ်မၤဂ့ၤပှၤဂုၤပှၤဂၤန့ၣ် ကမ့ၢ်ကျိၤကျဲတမံၤလၢ တၢ်ပာ်ဖှိၣ် “တၢ်လုၢ်ဒိၣ်ပှ့ၤဒိၣ်” တဖၣ်န့ၣ်လီၤ. ကစၢ် စံးဝဲဒၣ်လၢ ပတကြၢးဘိးဘၣ် ဒုးသ့ၣ်ညါလၢ “တၢ်အူကွဲၤ” ဘၣ်. ပမ့ၢ်မၤဒ်သိးအံၤန့ၣ်ဒီး, အဘျုးခိၣ်ဖးလၢ ပကဒိးန့ၢ်
ဘၣ်န့ၣ် ကမ့ၢ်ဒၣ်ထဲ တၢ်အံၤဧိၤ (:၂) န့ၣ်လီၤ. အဝဲထံၣ်ပှၤန့ၣ် ပနာ်သ့ဝဲဒၣ်န့ၣ်လီၤ. လံာ်ဧ့ၤဘြံၤ ပာ်ဖျါမၤဂၢၢ်မၤကျၢၤတၢ်ဂ့ၢ်အံၤလၢ “ယွၤတမ့ၢ်ဘၣ် ပှၤတတီတလိၤဘၣ်လၢ အကသးပ့ၤနီၣ်သုတၢ်မၤ, ဒီးသုတၢ်အဲၣ်တၢ်ကွံလၢ သုအဲၣ်အမံၤ, ဒီးသုတၢ်မၤစၢၤတ့ၢ်, ဒီးသုမၤစၢၤဒံးပှၤစီဆှံန့ၣ်, အဂ့ၢ်ဘၣ်” (၆:၁၀) န့ၣ်လီၤ.
လၢတၢ်အဘျုးခိၣ်ဖးအဃိ, တမ့ၢ်ပမၤဂ့ၤမၤစၢၤပှၤဂုၤပှၤဂၤဘၣ်. အဂ့ၢ်ဒ်အံၤ, မ့ၢ်လၢ ကစၢ်ယ့ၣ်ရှူးအဲၣ်ပှၤအဃိ, ဒီးလၢတၢ်စံးဆၢမၤဆၢက့ၤအတၢ်အဲၣ်အဂီၢ်, ပပာ်ဖျါထီၣ် ပတၢ်အဲၣ်, ဒီးတၢ်စံးထီၣ်ပတြၢၤအီၤအဂီၢ်န့ၣ်လီၤ. ဖဲလၢပနၢ်ဟူ ကစၢ်ယွၤ စံးဘၣ်ပှၤလၢ “ဘၣ်လံကုၢ်လၢအဂ့ၤ, ဒီးအကလုၢ်တီဧၢ” (မး ၂၅:၂၁,၂၃) အကတီၢ်န့ၣ်ဒီး, ကမ့ၢ်ဝဲတၢ်ဆိၣ်ဂ့ၤ လၢပဂီၢ်ဆံးဒိၣ်လဲၣ်.
