တၢ်ဘိၣ်သ့ၣ်တဖၣ်အိၣ်ဝဲဒၣ်ဖဲလဲၣ်. တၢ်အိၣ်ဖှိၣ်လၢဝ့ၢ်ပူၤတဖှိၣ်န့ၣ် ဘၣ်ကွၢ်ဆၢၣ်မဲာ်ဒီးတၢ်ကီတၢ်ခဲတမံၤ, ဘၣ်ဃးဒီးတၢ်ဒိးန့ၢ် တၢ်ဖိတၢ်လံၤတဖၣ်လၢ ၦၤဟဲဆှၢဆူအဝဲသ့ၣ်အအိၣ်န့ၣ်လီၤ. ဝဲၤဒၢးအၦၤမၤတၢ်ဖိတဖၣ် မ့ၢ်ပှ့ၤဝဲ တၢ်ဖိတၢ်လံၤတဖၣ်လၢ (Online), ဒီးဒုးသ့ၣ်ညါ ပှၤကဟဲစိၥ်ဆှၢ တၢ်ဖိတၢ်လံၤတဖၣ်ဆူ တၢ်သူၣ်ထီၣ်အပူၤဘၣ်ဆၣ်, ညီနုၢ်ဘၣ်တၢ်ပၥ်လီၤတဲၥ်တ့ၢ် တၢ်ဖိတၢ်လံၤတဖၣ်လၢ တၢ်သူၣ်ထီၣ်အမဲာ်ညါကျဲ
အလိၤအဃိ, ပိးလီလၢအပှ့ၤဝဲတနီၤန့ၣ် အဝဲသ့ၣ်တဒိးန့ၢ်ဝဲဒၣ်ဘၣ်.

တၢ်အိၣ်ဖှိၣ် အၦၤမၤတၢ်ဖိသ့ၣ်တဖၣ် အသးအ့န့ဝဲဘၣ်ဆၣ်, လၢတၢ်ကပာ်ဖျါတၢ်ကဒူးကဒ့ၣ်ဆူ ပှၤဆှၢတၢ်အခီပနံၣ် အၦၤဘၣ်မူဘၣ်ဒါတဖၣ်အအိၣ်အလီၢ်န့ၣ်, အဝဲသ့ၣ် သုးကျဲၤမၤဝဲတၢ်အီၣ်ကစဲးကစီးအလီၢ် လၢတၢ်သူၣ်ထီၣ်အပူၤ, ဒီးကွဲမုၥ်ၦၤဟဲဆှၢတၢ်ဖိတဖၣ်လၢ ကဟဲအီၣ်အီတၢ်အဂီၢ်န့ၣ်လီၤ. တယံာ်ဘၣ်, တၢ်ဖိတၢ်လံၤတဖၣ် ဟဲတုၤဝဲဒၣ်ဘၣ်ဆၢဘၣ်ကတီၢ်, လၢအလီၢ်အကျဲန့ၣ်လီၤ. တၢ်အိၣ်ဖှိၣ်အံၤဟ့ၣ်ခီနီၤ တၢ်ကစီၣ်ဆူပှၤလူၤဆှၢတၢ်ဖိတဖၣ်အအိၣ်တမံၤန့ၣ် “ပပၥ်ပနီၣ်သုန့ၣ် တမ့ၢ်ထဲဒၣ် ၦၤဒိးလဲအသးတဖၣ်န့ၣ်ဘၣ်. မ့မ့ၢ်, ဒ်ၦၤကညီသ့ၣ်တဖၣ်အသိး” န့ၣ်လီၤ.

အါစုအါဘျီ, တၢ်အိၣ်အသး တမုၥ်တလၤတဖၣ်အလီၢ်န့ၣ် ပဆီတလဲကွံၥ်ဆူ တၢ်အဲၣ်တၢ်သးကညီၤအတၢ်မၤတမံၤသ့ဝဲဒၣ်န့ၣ်လီၤ. ပညီနုၢ်စံးဆၢမၤဆၢက့ၤတၢ်န့ၣ်ကမ့ၢ်တၢ်ဃုထံၣ်န့ၢ် ပှၤဂၤအတၢ်ကမၣ်, ဒီးပကသူၣ်ဒိၣ်သးဖျိးဝဲဒၣ်န့ၣ်လီၤ. ဘၣ်ဆၣ်, ပတၢ်အိၣ်အသး တမုၥ်တလၤတဖၣ် ပတူၢ်တၦဲၤဒၣ်လဲာ်, တၢ်လၢ ပှၤတၢ်မၢဖိ စီၤပီလူး တၤပှၤန့ၣ် ပကပျဲ ကစၢ်ယွၤ အတၢ်ဂ့ၤတၢ်ဝါ ကဆဲးကပီၤဖျါထီၣ် ခီဖျိလၢပတၢ်အိၣ်မူ
အပူၤန့ၣ်လီၤ. ခီဖျိလၢသးမုၢ်စီဆှံအစိအကမီၤ, ဒီးသးစီဆှံအတၢ်ကူၣ်သ့ မၤစၢၤပှၤအဃိ, ပဒုးနဲၣ်ဖျါထီၣ်တၢ်သူၣ်ကညီၤသးကညီၤ သ့ဝဲဒၣ် ခီဖျိလၢတၢ်အဲၣ်တူၢ်တံၤတူၢ်တမှံၤ, ဆိကမိၣ်တၢ်လၢပှၤဂၤအဂီၢ်, ဒီးတၢ်မၤဂ့ၤမၤစၢၤၦၤဂၤ (ရိမ့ၤ ၁၂:၁၃-၁၄) န့ၣ်လီၤ. တၢ်မၤသ့ၣ်တဖၣ်အံၤ ဖျါလၢအဘျုးတအိၣ်ဝဲဒၣ်လဲာ်, မ့ၢ်လၢလံၥ်စီဆှံ ဟ့ၣ်ဂံၢ်ဟ့ၣ်ဘါၦၤ” ဖဲသုသ့န့ၣ်, မ့ၢ်သ့ဒီး, အိၣ်ဃူလိာ်အိၣ်ဖိးလိၥ်သုသးဒီးၦၤကိးဂၤဒဲးတက့ၢ်” (:၁၈) အဃိ, ပသ့ၣ်ညါလၢ တၢ်မၤတဖၣ်န့ၣ် မၤမုၥ်ဝဲဒၣ် ကစၢ်ယွၤအသးန့ၣ်လီၤ.