တၢ်ဂီၤမူ စူလံၣ် (Sully) ဒုးနဲၣ်ဝဲဒၣ် ကဘီယူၤတခိၣ် လၢအစိာ်ဆှၢ ပှၤလဲၤက့ၤတၢ်ဖိ တဖၣ်န့ၣ် အစဲးကဟၣ်ဟးဂီၤဝဲအဃိ, ဘၣ်စီၢ်လီၤဝဲဆူ ဟးစၢၣ် ထံကျိၤပူၤ (Hudson River), လၢ ဝ့ၢ်နယူယီး (New York) န့ၣ်လီၤ. ပှၤနီၣ်ကဘီယူၤအခိၣ် စူလံၣ် ဟဲလီၤဝဲဒၣ်ဆူ ပှၤဟဲမၤစၢၤအုၣ်က့ၤခီၣ်က့ၤတၢ်အကဘီပူၤ, ဒီးသံကွၢ်ဝဲဒၣ် ပှၤဘၣ်မူဘၣ်ဒါတဂၤလၢ “ယအဲၣ်ဒိးသ့ၣ်ညါ ပှၤဘၣ်ဒိဘၣ်ထံးတဖၣ် အိၣ်ဝဲဒၣ်ပှဲၤဂၤလဲၣ်, ဒီးပှၤဘၣ်ဒိဘၣ်ထံးနးနးကလဲာ်အိၣ်ပှဲၤဂၤလဲၣ်န့ၣ်လီၤ. ပှၤလဲၤတၢ်က့ၤတၢ်ဖိတဖၣ်, ဒီးကဘီယူၤအပှၤမၤတၢ်ဖိတဖၣ် ကဘၣ်အိၣ်ဝဲ တကယၤယဲၢ်ဆံယဲၢ်ဂၤန့ၣ်လီၤ.” ပှၤဘၣ်မူဘၣ်ဒါ တဂၤအံၤ သံကွၢ်အီၤ “ဂ့ၤလံ, မ့မ့ၢ်နၤမီၣ်” န့ၣ်ဒီး, စူလံၣ် စံးဆၢက့ၤအီၤ, “ဖဲပဂံၢ်ဒွးထီၣ် နီၣ်ဂံၢ်တကယၤယဲၢ်ဆံယဲၢ်ဂၤ မ့ၢ်ဝံၤန့ၣ် ယကစံးဆၢနတၢ်သံကွၢ်အံၤ” န့ၣ်လီၤ.
ကစၢ်ယ့ၣ်ရှူးစ့ၢ်ကီး, အသးစဲဂံၢ်ဒွးဝဲ နီၢ်ဂံၢ်တဖၣ်န့ၣ်လီၤ. အဝဲမ့ၢ် ပှၤကွၢ်သိလၢအဂ့ၤတဂၤ, ပာ်တ့ၢ်ဝဲအသိခွံဆံခွံဒု, ဒ်သိးကဃုထံၣ်န့ၣ်က့ၤ အသိလၢအလီၤမၢ်တဒုအဂီၢ်န့ၣ်လီၤ. ဖဲအထံၣ်န့ၢ်က့ၤဝဲဒီး, “အသးခုဝဲလၢအဃိ, အါန့ၢ်အသးခုလၢသိလၢအတဟးဖျိးဘၣ် ခွံဆံခွံဒုန့ၣ်တက့ၢ်” (မး ၁၈:၁၃) န့ၣ်လီၤ. တၢ်အခီပညီန့ၣ် တမ့ၢ်ဝဲဒၣ်လၢ သိလီၤမၢ်တဒုန့ၣ် အကါဒိၣ်န့ၢ်ဒံးသိအဂၤတဖၣ်ဘၣ်. မ့မ့ၢ်တၢ်သးခုလၢအထံၣ်န့ၢ်က့ၤ သိလၢအလီၤမၢ်တဒု, ဒီးတၢ်ဘၣ်ကိၢ်ဘၣ်ဂီၤ လီၤကဆှၣ်ကွံာ်ဝဲအဃိန့ၣ်လီၤ. ပှၤလၢအဒိး စူလံၣ် အကဘီယူၤတဖၣ် မ့ၢ်လၢအပူၤဖျဲးထီၣ်ဝဲလၢတၢ်သံအပူၤ, ဒီးသူၣ်ခုသးခုဝဲအသိး, ဖဲပှၤတဂၤဂၤ ဒိးန့ၢ် တၢ်အုၣ်က့ၤခီၣ်က့ၤအကတီၢ်, ပှၤမူခိၣ်ဖိတဖၣ်သူၣ်ခုသးခုဝဲဒၣ်န့ၣ်လီၤ.
သိလၢအလီၤမၢ်တဖၣ်န့ၣ် မ့ၢ်နသ့ၣ်ညါနဲဧါ. ဖျါလၢပှၤဃုထံၣ်န့ၢ်အီၤတန့ၢ်ဘၣ် မ့ၢ်အိၣ်ဝဲတဂၤဂၤဧါ. ဃ့ထုကဖၣ်တၢ်လၢ အဝဲသ့ၣ်အဂီၢ်န့ၣ်တက့ၢ်. နကဟ့ၣ်ခီဟ့ၣ်နီၤ ကစၢ်ယ့ၣ်ရှူး အတၢ်အဲၣ်အဂီၢ်, လူၤဃုထံၣ်န့ၢ်အဝဲသ့ၣ်န့ၣ်တက့ၢ်. အဝဲသ့ၣ်
မ့ၢ်တက့ၤတုၤဆူ သိကရၢၢ်တစုန့ၣ် တဘၣ်ပျၢ်စုပျၢ်ခီၣ်တဂ့ၤ. ပှၤတဂၤလၢ်လၢ်န့ၣ် စူလံၣ် မၢဆူၣ်ဝဲဒၣ်လၢ “ယကဘၣ်ဂံၢ်ကွၢ် ပှၤကညီအနီၢ်ဂံၢ်, ပကဘၣ်မၤ သပှၢ်တၢၢ်န့ၣ်လီၤ.” တၢ်ဆၢကတီၢ်တဖၣ်လဲၤပူၤကွံာ်ဝံၤ, ပှၤဘၣ်မူဘၣ်ဒါတဂၤ ဟဲနုာ်လီၤဆူ တၢ်ဆါဟံၣ်အဒၢး, ဖဲတၢ်မၤကွၢ်ထံ စူလံၣ် အိၣ်တၢ်အလီၢ်, ဒီးလၢတၢ်နံၤကမှံအပူၤန့ၣ် စံးဘၣ်အီၤ, “ပဂံၢ်ပှၤအနီၣ်ဂံၢ်ဝံၤလံ. ပှၤကညီအနီၢ်ဂံၢ်အိၣ်ဝဲဒၣ်တကယၤယဲၢ်ဆံယဲၢ်ဂၤ” န့ၣ်လီၤ.
