ယဖံယဖုလၢ ယမိၢ်တကပၤန့ၣ် ပတအိၣ်ဆိးလၢကီၢ်စဲၣ်တဘ့ၣ်ဃီဘၣ်ဆၣ်, မ့ၢ်လၢ ယသ့ၣ်ညါဘၣ်အဝဲသ့ၣ်အဃိ, ယစံးဘျုးဘၣ်ကစၢ်ယွၤန့ၣ်လီၤ. ဒ်သိးအဝဲသ့ၣ် ကထံၣ်လိာ်အသးဒီးပှၤအဂီၢ်, ညီနုာ်ဟဲဝဲဆူ ပအိၣ်ဆိးတၢ်အလီၢ် Colorado န့ၣ်လီၤ. ဒီးပမုၢ်လၤသးခု လဲၤဟးအိၣ်သကိး အဝဲသ့ၣ်အိၣ်ဆိးတၢ်အလီၢ်, လၢ California န့ၣ်လီၤ. ပဒီပုၢ်ဝဲၢ်မုၣ်ခံဂၤန့ၣ် ဖဲပဒိၣ်တုာ်ခိၣ်ပှဲၤအကတီၢ်, တၢ်ဂ့ၢ်တၢ်ကျိၤတဖၣ်လၢ
ပစံးကတိၤလိာ်သးဒီးပဖံပဖုန့ၣ် လဲၢ်ထီၣ်အါထီၣ်ဝဲ, စးထီၣ်လၢပဖိဒံဖိသၣ်အဂ့ၢ်အကျိၤဖှံဖှံညီညီ, လၢအလီၤနံၤလီၤအ့တဖၣ် ဒီးတၢ်ဂ့ၢ်အကါဒိၣ်တဖၣ် လၢအမ့ၢ်, တၢ်သုးကျဲၤရဲၣ်ကျဲၤ ကျိၣ်စ့အဂ့ၢ်အကျိၤတဖၣ်န့ၣ်လီၤ. အဝဲသ့ၣ် ဒုးသ့ၣ်ညါပှၤလၢ ဖဲအဝဲသ့ၣ်အိၣ်မူဒံးအကတီၢ်, အဲၣ်ဒိးနီၤဟ့ၣ်ပာ်တ့ၢ်ဝဲ အစုလီၢ်ခီၣ်ခိၣ်တဖၣ်ဒီးပှၤဘၣ်ဆၣ်, အဝဲသ့ၣ်မ့ၢ်သံန့ၣ်ဒီး, အကျိာ်စ့ဒီးအစုလီၢ်ခီၣ်ခိၣ် အါတက့ၢ်န့ၣ် ဟ့ၣ်လီၤတ့ၢ်လံဝဲဆူ တၢ်ကရၢကရိ လၢအမၤဂ့ၤမၤစၢၤ ပှၤလိၣ်ဘၣ်တၢ်တဖၣ်အအိၣ်န့ၣ်လီၤ.

ယဖံယဖုတဖၣ် လၢအတၢ်အိၣ်မူဒီတစိၤန့ၣ် အသူၣ်အိၣ်အသးအိၣ်ပှၤဒိၣ်မး နီၢ်နီၢ်န့ၣ်လီၤ. ဖဲအဝဲသ့ၣ် လဲၤပူၤကွံာ်ဟီၣ်ခိၣ်အကတီၢ်, အစုလီၢ်ခီၣ်ခိၣ်လၢ အအိၣ်တ့ၢ်တဖၣ်န့ၣ် မ့ၢ်လၢအဝဲသ့ၣ် ဟ့ၣ်လီၤကွံာ်ဝဲဆူ ပှၤဂၤအအိၣ်အဃိ, ယပာ်ကဖၢလၢယသး နီၢ်နီၢ်န့ၣ်လီၤ. အဝဲသ့ၣ်အိၣ်မူအိၣ်ဂဲၤဝဲနီၢ်နီၢ်အတၢ်ဟ့ၣ်ဒိန့ၣ် ယထိၣ်သတြီၤအီၤဒီးလံာ်ကတိၤ ၁၃:၂၂ လၢအပာ်ဖျါဝဲဒၣ် “ပှၤအဂ့ၤဟ့ၣ်သါတၢ်လၢ အဖိတဖၣ်အဖိတဖၣ်လီၤ” န့ၣ်ဒီး, ယဖံယဖုအတၢ်ဟ့ၣ်သါယၤန့ၣ် ယထံၣ်အီၤ ဒ်တၢ်ထံၣ်အဒိၣ်, ဒီးအလဲၢ်တမံၤအသိးန့ၣ်လီၤ. ထဲပနီၢ်ကစၢ်တဂၤဒၣ်ဝဲအဂီၢ်, ပကအိၣ်မူအိၣ်ဂဲၤဝဲ အလီၢ်န့ၣ်, ပကဘၣ်ကဟုကယာ် စိၤအကဟဲပိာ်ထွဲထီၣ်ပခံတဖၣ်န့ၣ်လီၤ.

ဒ်သိးပကဟ့ၣ်လီၤတ့ၢ် ခါဆူညါဖိလံၤ, လၢအကဟဲသ့ၣ်တဖၣ်အဂီၢ်, ကယဲၢ်ပဝဲကိးဂၤဒဲးန့ၣ် တမ့ၢ်လၢပကအိၣ်ဒီးကျိၣ်စ့, တၢ်ထူးတၢ်တီၤတဖၣ်န့ၣ်ဘၣ်. ဘၣ်ဆၣ်, ဖဲပဃုထၢအိၣ်မူ တၢ်သးအိၣ်ဟ့ၣ်ညီ တၢ်လၢအအိၣ်ဒီးပှၤတဖၣ်န့ၣ် ကမ့ၢ်ဒၣ်ဝဲ ပတၢ်ဆၢကတီၢ်, ဒီးပတၢ်ကဟုကယာ်ဖိဒၣ်လဲာ်, န့ၣ်ဆူ ပှၤဂုၤပှၤဂၤန့ၣ်ဒီး, ပဖိတဖၣ်, (ဒီးအဝဲသ့ၣ်အဖိတဖၣ်) ကဒိးန့ၢ်ဝဲ တၢ်န့ၢ်သါလုၢ်ဒိၣ်ပှ့ၤဒိၣ်, လၢအမ့ၢ် တၢ်သးအိၣ်ဟ့ၣ်ညီတၢ် အတၢ်ဟ့ၣ်သါန့ၣ်လီၤ. တၢ်လၢပလိၣ်တဖၣ်န့ၣ် ပကဒိးန့ၢ်အီၤအဂီၢ်, ဒ်ပသန့ၤထီၣ်ပသးလၢ ကစၢ်ယွၤအသိး, ပတၢ်စူၢ်တၢ်နာ်,ဃုာ်ဒီးပတၢ်ထူးတၢ်တီၤတဖၣ်န့ၣ် ပနီၤဟ့ၣ်လီၤဆူ ပှၤဂုၤပှၤဂၤအအိၣ်သ့ဝဲဒၣ်န့ၣ်လီၤ.