ဖဲ အီၡဝ့း(ထ) (Auschwitz) တၢ်လီၤပျံၤလီၤဖုးတဖၣ် မၤအသးဝံၤအလီၢ်ခံန့ၣ် အဲလံၣ် ဘံၤစၢၣ် (Elie Wiesel) တဂၤ, အတၢ်စူၢ်တၢ်နာ်လီၤမၢ်ကွံာ်ဝဲဒၣ်န့ၣ်လီၤ.
တၢ်အၢတၢ်သီလၢ အနီၢ်ကစၢ်ဒၣ်ဝဲ, ဒီးပှၤအဂုၤအဂၤတဖၣ် တူၢ်ဘၣ်ခီၣ်ဘၣ်
ဝဲအဂ့ၢ်န့ၣ် ဆိကမိၣ်ထီၣ်က့ၤဝဲ, ဒီးသံကွၢ်ဝဲဒၣ် “တၢ်သူၣ်ကညီၤသးကညီၤအကစၢ်, ယွၤဧၢ, နအိၣ်ဖဲလဲၣ်” န့ၣ်လီၤ. “ဖဲယမ့ၢ်ယဲ ဖိသၣ်အကတီၢ် ယတမုၢ်လၢ်တၢ်လၢ ပှၤကညီအအိၣ်ဘၣ်. မ့မ့ၢ်ယမုၢ်လၢ်တၢ်ကိးမံၤဒဲးန့ၣ် မ့ၢ်ဝဲဒၣ်လၢနအိၣ်” န့ၣ်လီၤ.
ဘၣ်ဆၣ်, လၢခံန့ၣ် ဘ့ၤစၢၣ် သ့ၣ်ညါနၢ်ပၢၢ်က့ၤဝဲလၢ အဝဲအတၢ်စူၢ်တၢ်နာ်န့ၣ်
တလဲၤသဒၣ်အီၤနီတဘျီဘၣ်န့ၣ်လီၤ. အဝဲစံးဘၣ်တဲဘၣ် ပှၤကွဲးတၢ်ကစီၣ်လၢ
“မ့ၢ်လၢ ယနာ်ကစၢ်ယွၤအဃိ, ယသူၣ်ဒိၣ်သးဖျိးအီၤ, ဒီးတုၤခဲကနံၣ်အံၤအဖၢမုၢ်”
န့ၣ်လီၤ. ပှၤလၢနတနာ်ဘၣ်အီၤတဂၤန့ၣ် နတသူၣ်ဒိၣ်သးဖျိးအီၤဘၣ်န့ၣ်လီၤ.
ပပာ်ဖျါထီၣ် တၢ်သူၣ်ဒိၣ်သးဖျိးလၢ ကစၢ်ယွၤန့ၣ် တမ့ၢ်လၢပသးကမုာ်ကလၤဘၣ်
န့ၣ်လီၤ. ဘၣ်ဆၣ်, လၢလံာ်စီဆှံအပူၤ, က့ၢ်ဂီၤတဖၣ် မၤတ့ၢ်ဝဲ, ဒီးဝံယံးရမံယၤ ကိးပသူ
ထီၣ်ဝဲလၢ “ယွၤဧၢ, နကလံာ်ယၤ” (ယံး ၂၀:၇) န့ၣ်လီၤ. စီၤဒၤဝံး ကွဲးပာ်ဖျါဝဲလၢ
“နကသးပ့ၤနီၣ်ယၤလီၤထူလီၤယိာ်ဧါ” (စံး၁၃:၁) န့ၣ်လီၤ. စီၤယိၤဘး စံးဝဲဒၣ်လၢ
“ယွၤမၤကဒါယၤ” (၁၉:၆) န့ၣ်လီၤ. လၢအတူၢ်ဘၣ် တၢ်တတၢာ်တနါအပူၤန့ၣ်, မ့ၢ်လၢတသ့ၣ်ညါဝဲဒၣ် မုၢ်ကီၤလံၢ် အတၢ်မၤအဃိ, စီၤယိၤဘး ပာ်ဒ့ၣ်ပာ်ကမၣ် ကစၢ်ယွၤ
ဒ်အမ့ၢ် ပှၤမၤအၢမၤသီတၢ်တဂၤအသိး (၁၀:၃), ဒီးအဲၣ်ဒိးဝဲလၢ ကစၢ်ယွၤ ကလိာ်ကွီၢ်ဒီးအီၤ (၃၁:၃၅) န့ၣ်လီၤ. လၢခံန့ၣ်ဒီး, ဖဲစီၤယိၤဘး ဃုထံၣ်န့ၢ်ဝဲဒၣ်လၢ အတၢ်သ့ၣ်ညါနၢ်ပၢၢ်တၢ်န့ၣ် အိၣ်ဒီးအဒူၣ်အဆၢ (၄၂:၃), ဒီးသ့ၣ်ညါနီၣ်ဝဲဒၣ် တၢ်အကါဒိၣ်ကတၢၢ်န့ၣ် ကစၢ်ယွၤ တသိၣ်ဃီၣ်စံၣ်ညီၣ် အတၢ်သးကလၢၢ်ဘၣ်တဖၣ်နီတဘျီဘၣ်န့ၣ်လီၤ.
အဲလံၣ် ဘ့ၤစၢၣ် တဂၤ, အိၣ်ဒီးတၢ်သံကွၢ်တဖၣ်ဒၣ်လဲာ်, ဃ့ထုကဖၣ်ဝဲလၢ
“မ်ပကမၤဘၣ်လိာ်သကိးပသးတက့ၢ်. တၢ်အိၣ်လီၤဖး, ဖးယံာ်ဖးထီဒီးနၤန့ၣ် ယတူၢ်တန့ၢ်
လၢၤဘၣ်” န့ၣ်လီၤ. လၢပဟီၣ်ခိၣ်အံၤ, မ့ၢ်လၢကစၢ်ယွၤ တပာ်ပနီၣ်န့ၢ်ပှၤ လၢတၢ်တူၢ်ဘၣ်တၢ်နးတၢ်ဖှီၣ် အဒူၣ်အဆၢအဃိ, ပဝဲစ့ၢ်ကီး ပကသူၣ်ဒိၣ်သးဖျိး ကစၢ်ယွၤဘၣ်ဆၣ်,
ပပာ်ဖျါထီၣ် တၢ်သူၣ်ဒိၣ်သးဖျိးဆူ ယွၤအအိၣ်န့ၣ် ကဲထီၣ် တၢ်ထုကဖၣ်လၢ အပျိာ်လဲအသးတမံၤသ့ဝဲဒၣ်, ဒီးကမၤဘူးထီၣ်ပှၤဆူ ကစၢ်ယွၤ, လၢအအဲၣ်ဒိးပကဟဲစိာ်တမ့ၢ်ထဲ ပတၢ်စံးထီၣ်ပတြၢၤဘၣ်. မ့မ့ၢ်ပတၢ်သူၣ်ဒိၣ်သးဖျိးအီၤအဂ့ၢ်စ့ၢ်ကီးန့ၣ်လီၤ.