ပှၤကန့ဒံၣ်ယဲ(န) (Canadian) ပှၤသးဝံၣ်တၢ်, ဒီးပှၤကွဲးတၢ်သးဝံၣ် ကီၤဒၢၣ် လဲးဖုး (Gordon Lightfoot) တဂၤ, ပှၤသ့ၣ်ညါအီၤအအါကတၢၢ် ခီဖျိအတၢ်သးဝံၣ်အဂ့ၤ ကတၢၢ်, “The Wreck of the Edmund Fitzgerald,” ဒီး “If You Could Read My Mind” ဘၣ်ဆၣ်, အတၢ်သးဝံၣ်လၢ ပှၤသ့ၣ်ညါစှၤအကျါတယုၢ်အခိၣ်တီ မ့ၢ်ဝဲ “The Minstrel of the Dawn,” (Minstrel မ့ၢ် ပှၤကွဲးထါ, ဒီးသးဝံၣ်တၢ်တဂၤ,
ပှၤသးဝံၣ်တၢ်လၢ အဒုးကဲထီၣ် ထါလၢအကွဲးဝဲတဖၣ်ဆူ တၢ်သးဝံၣ်န့ၣ်လီၤ). ဒ်ပဝဲ နၤယၤအသိး, လဲးဖုး အပှၤကွဲးထါ, ဒီးသးဝံၣ်တၢ်တဂၤ အသးဆၢမိၣ်န့ၢ်ဝဲဒၣ်လၢ “ကသူၣ်ခုသးခုအါန့ၢ်ဒံး တၢ်သူၣ်အုးသးအုး” န့ၣ်လီၤ. ပကဆိကမိၣ် (မ့) ပကအိၣ်မူအိၣ်ဂဲၤအဂီၢ်, “တၢ်သူၣ်အုးသးအုး” န့ၣ် ကအိၣ်ဝဲဒၣ် ထီဘိဘၣ်ဆၣ်, ပှၤကွဲးထါ, ဒီး သးဝံၣ်တၢ်တဂၤအံၤ ဃုထၢဝဲလၢ ကပညိၣ်အတၢ်ထံၣ်လၢ တၢ်သးခုအဂ့ၤအဝါတဖၣ်
အပူၤ, ဒ်မုၢ်ဂီၤအသီတနံၤတုၤဃီၤဝဲ, ဒီးကသးဝံၣ်ထီၣ်ဝဲဒၣ် တၢ်ဂ့ၢ်အံၤန့ၣ်လီၤ.

စီၤဒၤဝံး, ပှၤကွဲးထါ, ဒီးပှၤသးဝံၣ်တၢ်, လၢထါစံးထီၣ်ပတြၢၤအယုၢ်တဖၣ်အပူၤ, ကွဲးပာ်ဖျါ ထါအကျိၤဒ်သိးအံၤ, “ယကစံးထီၣ်ပတြၢၤနဘျုးနဖှိၣ်လၢ မုၢ်ဆ့ၣ်ထီၣ်” (စံး ၅၉:၁၆) န့ၣ်လီၤ. စီၤဒၤဝံး ဘၣ်အိၣ်မူအိၣ်ဂဲၤဝဲလၢ “တၢ်သူၣ်အုးသးအုး” အပူၤ အါမး, ဒုၣ်ဒါတဖၣ် အိၣ်ကတဲာ်ကတီၤအသး, ဒ်သိးကဒုးထီဒါအီၤအဂီၢ်, တုၤဒၣ်လဲာ် ပှၤလီၤပျံၤလီၤဖုး လၢအစံးကတိၤခဲၣ်သူခဲၣ်ဂီၤတၢ်, ဒီးကူၣ်ထီၣ်ဖးလီၤထီဒါအီၤတဖၣ် (:၁-၃) န့ၣ်လီၤ. စီၤဒၤဝံး သးဝံၣ်ထီၣ်ဝဲ, “ဒီးလၢမုၢ်ဟါန့ၣ် ဟဲက့ၤကဒါက့ၤ, မီၤဝဲဒ် ထွံၣ်အသိး, ဒီးလဲၤတရံးဝ့ၢ်” (:၁၄) န့ၣ်လီၤ. ဘၣ်ဆၣ်, ဒ်မုၢ်ဆ့ၣ်ထီၣ်ဝဲလၢ မုၢ်နံၤအသီတနံၤအသိး, အဝဲဃုထၢဝဲဒၣ် ဒ်သိးတပညိၣ်ပာ်ဖှိၣ်လီၤအသးထဲလၢ တၢ်တမံၤမံၤလၢ အမၤသးခုအီၤဘၣ်. မ့မ့ၢ်ပှၤလၢအဂ့ၤ, လၢအမ့ၢ် ယွၤအလိၤ, ဒီးကသးဝံၣ်စံးထီၣ်ပတြၢၤယွၤအတၢ်အဲၣ်, “မုၢ်တနံၤလၢယဘၣ်ကိၢ်ဘၣ်ဂီၤန့ၣ် နမ့ၢ်ယလ့တဖျၢၣ်, ဒီးယတၢ်ပူၤဖျဲးအလီၢ်” (:၁၆), ဒီး “ယွၤမ့ၢ်ယလ့တဖျၢၣ်, ယဘျုးယဖှိၣ်အကစၢ်” (:၁၇) န့ၣ်လီၤ.

နတမ့ၢ် ပှၤလၢအကွဲးထါ-ပှၤသးဝံၣ်တၢ်တဂၤဘၣ်ဆၣ်, နကဲထီၣ်နဲ ပှၤကွဲးထါ, ပှၤသးဝံၣ်တၢ်ဖိဘၣ်ဃးဒီးမုၢ်ဂီၤထီၣ် ကသ့ဝဲဒၣ်သ့ၣ်သ့ၣ်န့ၣ်လီၤ. ဒ်သိး စီၤဒၤဝံးအသိး, နစံးဘၣ်တဲဘၣ်ကစၢ်ယွၤလၢ “ယကသးဝံၣ်ထီၣ်နစိနကမီၤ, ဒီးယကစံးထီၣ်ပတြၢၤ နဘျုးနဖှိၣ်လၢ မုၢ်ဆ့ၣ်ထီၣ်န့ၣ်လီၤ” (:၁၆) န့ၣ် သ့ဝဲလီၤ.