ပှၤအိၣ်ဆိးလၢ လီၢ်ကဝီၤတဖၣ် ကိးဝဲဒၣ် “ကျဲလၢလဲၤဝဲတတူၤဆူ တၢ်လီၢ်နီတတီၤ” (The Road to Nowhere) ဘၣ်ဆၣ်, အမံၤနီၢ်နီၢ်န့ၣ် မ့ၢ်ဝဲဒၣ် “တၢ်ကွၢ်ကီလီၢ် အတၢ်လဲၤကျဲ” (Lakeview Drive) န့ၣ်လီၤ. တၢ်လီၢ်တၢ်ကျဲတတီၤအံၤ အိၣ်ပှဲၤဒီးန့ဆၢၣ်အတၢ်ဃံ တၢ်လၤတဖၣ်, ဒီးပှၤအိၣ်ကွၢ်စိလီၤတၢ်သ့ဝဲဒၣ်ဆူ ဖိၣ်ထါနၣ် ကမါဖးဒိၣ် (Fontana Lake), ဒီးကအိၣ်ဝဲ ဃုမံလာ် အတၢ်လဲၤကျဲ, လၢစမိးကံၣ် ကစၢၢ်ဖးဒိၣ် (Great Smoky Mountains) ထံကီၢ်တၢ်ကွၢ်ကီအလီၢ် အိၣ်ဘူးဝဲဒီးဘြါစၢၣ် (Bryson) အဝ့ၢ် လၢကီၢ်စဲၣ် ခဲရိၣ်လဲနၢၣ် ကလံၤစိးန့ၣ်လီၤ. တၢ်တ့ကျဲအံၤ လဲၤခီဖျိဝဲဒၣ် ကစၢၢ်လၢၢ်လ့အပူၤ ၁၂၀၀ ခီၣ်ယီၢ်ဝံၤန့ၣ်ဒီး, တၢ်ဖံးတၢ်မၤတဖၣ် အိၣ်ပတုာ်ဝဲဒၣ်သတူၢ်ကလာ်န့ၣ်လီၤ. ထံကီၢ်ပဒိၣ် စူးကါတ့ၢ်ဝဲ ဒီလၣ် လၢအကကွဲၢ်ဘၣ်ဆၣ်, မ့ၢ်လၢတၢ်ဃုထံၣ်သ့ၣ်ညါ တၢ်ဘၣ်ယိၣ်အလီၢ်အိၣ်ဝဲလၢ ခီၣ်ဃၢၤန့ဆၢၣ်တဖၣ်အဂီၢ်အဃိ, တၢ်တ့ထီၣ်ဘှီထီၣ်တၢ် အတၢ်တိာ်ကျဲၤအံၤ အကျဲကတၢၢ်ဝဲဒၣ်န့ၣ်လီၤ.
ကစၢ်ယ့ၣ်ရှူး ဒ်အမ့ၢ်တ့ၢ် ပှၤမၤစုသ့အတၢ်မၤ, ပှၤတ့ဘှီတၢ်တဂၤအသိး, တဘျီန့ၣ် စံးကတိၤဟ့ၣ်ဒိဝဲဒၣ် တၢ်ကွၢ်ထိၣ်ဒွးဆိ တၢ်သူၣ်ထီၣ်ဘှီထီၣ် အတၢ်လၢာ်ဘူၣ်လၢာ်စ့ၤ အဂ့ၢ်, ဘၣ်ဃးဒီးပှၤပိာ်အခံတဖၣ် ကဘၣ်ဟ့ၣ်တၢ်အဘူးအလဲန့ၣ်လီၤ. ကစၢ်ယ့ၣ်ရှူး သံကွၢ်ဝဲဒၣ်, “ပှၤလၢသုကျါမိၣ်မၤအသးလၢတၢးထီတဖျၢၣ်, ဒီးတဆ့ၣ်နီၤဆိဒီးဂံၢ်ကွၢ်ဝဲ မ့ၢ်အတၢ်အိၣ် လၢဧါ, တလၢလဲၣ်န့ၣ် မ့ၢ်မတၤတဂၤလဲၣ်” (လူၤ ၁၄:၂၈) န့ၣ်လီၤ. တၢ်ဟ့ၣ်ဒိအဂၤတမံၤ, လၢအမ့ၢ် စီၤပၤတဂၤ တချုးလဲၤဒုးတၢ်န့ၣ် ထိၣ်ဒွးဝဲ ပှၤကညီအနီၢ်ဂံၢ်အဂ့ၢ်, ဒီးအခီပညီမ့ၢ်ဝဲဒၣ် တၢ်တမံၤဃီန့ၣ်လီၤ. ပှၤဂီၢ်မုၢ်ဖးဒိၣ် ပိာ်ထီၣ်အခံ (:၂၅) တဖၣ်အဂီၢ်, ကစၢ်ယ့ၣ်ရှူး စံးကတိၤလီၤတၢ်န့ၣ်, အဲၣ်ဒိးဝဲလၢ အဝဲသ့ၣ် ကနၢ်ပၢၢ်ဝဲဒၣ် ပှၤမ့ၢ်စူၢ်က့ၤနာ်က့ၤအီၤ, ဒီးပိာ်အခံတဖၣ်န့ၣ် ကဘၣ်ဟ့ၣ် တၢ်အပှ့ၤကလံၤအဘူးအလဲန့ၣ်လီၤ.
ပပိာ်ကစၢ်ယ့ၣ်ရှူးအခံ, ထဲဒၣ်အဝဲကဘၣ်မၤတၢ်လၢပဂီၢ်စံးတၢ်န့ၣ်, ကမ့ၢ်ဝဲဒၣ် “ကျဲလၢလဲၤဝဲတတူၤဆူ တၢ်လီၢ်နီတတီၤ” ဘၣ်န့ၣ်လီၤ. ဘၣ်ဆၣ်, ကစၢ်ယ့ၣ်ရှူးအဂီၢ်, ပပိာ် ကစၢ်ယ့ၣ်ရှူးအခံစံးတၢ်န့ၣ်, ပဃၣ်ကွံာ်ပသးကိးမုၢ်နံၤလၢ ပတၢ်ဒဲးဘး, ဒီးပညိၣ်ပာ်ဖှိၣ် ပတၢ်အိၣ်မူအိၣ်ဂဲၤလၢ ကစၢ်ယ့ၣ်ရှူး, ဒီးအဘီအမုၢ် (ဝံထီၣ်ဃိးထီၣ် ပထူၣ်စုညါ, ဒ်ကစၢ်ယ့ၣ်ရှူး ပာ်ဖျါဝဲလၢ အဆၢဖိ ၂၇ အသိး) အဂီၢ်န့ၣ် ကဆီတလဲၤကွံာ် တၢ်ခဲလၢာ်န့ၣ်လီၤ. တၢ်အပှ့ၤအဘူးအလဲန့ၣ် ကဘၣ်တၢ်ဂံၢ်ဒွးအီၤန့ၣ်လီၤ. ဘၣ်ဆၣ်, ကစၢ်ယ့ၣ်ရှူးန့ၣ်ကြၢးဝဲဘၣ်ဝဲဒီးပဟ့ၣ်ဘၣ်တၢ်အပှ့ၤအဘူးအလဲန့ၣ်လီၤ.
