ဝဲ(န)ဒံၣ် အသးကလၢၢ်ဘၣ်ဝဲဒၣ် ဒ်တၢ်လဲၤကပၥ်က့ၤကပာ်အီၤန့ၣ်လီၤ. ဖဲမုၢ်ထူၣ် တၢ်အိၣ်ဘှံးအီၣ်အီတၢ်အကတီၢ်, အတၢ်မၤကစၢ်န့ၣ် ပၥ်လီၤန့ၢ် ခၠီးကလဲးဖိတဖၣ်လၢ ၦၤကိးဂၤဒဲးအစီၢ်နီၤခိၣ်ဘၣ်ဆၣ်, လၢအဂီၢ်န့ၣ် တပၥ်လီၤဝဲဘၣ်. မ့ၢ်လၢအတနၢ်ပၢၢ်ဝဲဒၣ်အဃိ, လၢတၢ်သးအုးအပူၤန့ၣ် သံကွၢ်ဝဲဒၣ်အတံၤသကိးလၢ, “ဘၣ်မနုၤအဃိ, အဝဲပၥ်တ့ၢ်ယၤလဲၣ်.” န့ၣ်လီၤ.

ဖဲပှၤသံကွၢ်ဝဲဒၣ်န့ၣ်ဒီး, အတၢ်မၤကစၢ် စံးဆၢဝဲလၢ, “ခၠီးကလဲးတဖၣ်ဂ့ၤဒံး ဘၣ်ဆၣ်, ပှၤထုးထီၣ်အီၤန့ၣ် ယံၥ်တ့ၢ်မးလံ. မ့ၢ်လၢ ဝဲ(န)ဒံၣ် တဂၤဒၢအဃိ, ဒ်သိးအသုတဘၣ်ဒိဘၣ်ထံးအဖိဒီးအီၤအဂီၢ်န့ၣ် ယတဟ့ၣ်အီၤဘၣ်. မ့မ့ၢ်ပှၤအိၣ်တ့ၢ်တဖၣ်အဂီၢ်ဒု,” စံးဝဲဒီး နံၤဝဲဒၣ်န့ၣ်လီၤ.

လၢတၢ်ဖံးတၢ်မၤအလီၢ်န့ၣ် တၢ်ဂ့ၢ်ဆံးဆံးဖိအံၤ ကဲထီၣ်ဝဲ တၢ်လီၤနံၤတမံၤဘၣ်ဆၣ်, တၢ်ဂ့ၢ်အံၤ ဒုးဆိကမိၣ်ယၤလၢ ဘၣ်တဘျီဘျီန့ၣ်, မ့ၢ်လၢပသ့ၣ်ညါနၢ်ပၢၢ်တၢ် တထီၣ်ဘးအဃိ, ပထံၣ်ဆိကမိၣ်ကမၣ် ယွၤအတၢ်ပညိၣ်တဖၣ်န့ၣ်လီၤ. ဖဲပထံၣ်လီၤပသး, ဒီးပသးကလၢၢ်ဘၣ်လၢ ပဘၣ်တၢ်မၤၦၤ တတီတလိၤအကတီၢ်န့ၣ်, ပသးပ့ၤနီၣ်ဝဲဒၣ်လၢ ကစၢ်ယွၤအသးကံၢ်ပူၤန့ၣ်, တၢ်အဂ့ၤကတၢၢ်အိၣ်ဝဲဒၣ် လၢပဂီၢ်ထီဘီ, ထီဘိန့ၣ်လီၤ.

ဖဲလၢပတနၢ်ပၢၢ် ကစၢ်ယွၤအတၢ်ဆိကမိၣ်, ဒီးအကျိၤကျဲတဖၣ် အလၢအပှဲၤအကတီၢ်န့ၣ်, ယရှါ ၅၅:၈-၉ ဒုးသ့ၣ်နီၣ်ထီၣ်ၦၤ, မ့ၢ်လၢယွၤအကျဲတဖၣ်န့ၣ် “ထီန့ၢ် ပကျဲ” အဃိ, ပနၥ်န့ၢ်အီၤသ့ဝဲဒၣ်န့ၣ်လီၤ. အါစုအါဘျီန့ၣ်, တၢ်အဲၣ်လီၤသးအတၢ်သးကွံတဖၣ် လုၢ်ဘၢဒိၣ်စိဝဲဒၣ် ပတၢ်ဆိကမိၣ်တဖၣ်န့ၣ်လီၤ. မ့မ့ၢ် ယွၤအကျဲတဖၣ်န့ၣ် မ့ၢ်တၢ်လၢတၢ်ၦဲၤ, မ့ၢ်တၢ်အဲၣ်တၢ်သးကညီၤ, ဒီးတီဝဲလိၤဝဲဒၣ်န့ၣ်လီၤ. လၢတၢ်န့ၣ်အဃိ, ခ့ခါအကတီၢ်, ပတၢ်အိၣ်သးတဖၣ် မ့ၢ်အိၣ်ဖျါတဂ့ၤဝဲဒၣ်လဲၣ်, အဆၢဖိ ၁-၂ စံးဘၣ်ပှၤလၢ ပနၥ်န့ၢ်ယွၤသ့ဝဲဒၣ်, တၢ်လၢပလိၣ်ဘၣ်နီၢ်နီၢ်တဖၣ်န့ၣ် ကစၢ်ယွၤ ကကတဲာ်ကတီၤန့ၢ်ပှၤ, ဒီးအဆၢဖိ ၃ ပာ်ဖျါဝဲဒၣ် မ့ၢ်လၢ ယွၤအတၢ်အဲၣ်, ဒီးတီဝဲလိၤဝဲဒၣ် လၢအတၢ်အၢၣ်လီၤလီၤထူလီၤယိၥ်အဃိန့ၣ်လီၤ. ဒ်အဆၢဖိ ၆ ပာ်ဖျါဝဲ “ကိးထီၣ်အီၤလၢအအိၣ်ဘူးအဖၢမုၢ်” အသိး, မ်ပကကိးထီၣ်အီၤ, ဒီးမ်ပကသ့ၣ်ညါလၢ ကစၢ်ယွၤတလဲၤသဒၣ်ပှၤနီတဘျီဘၣ်န့ၣ်လီၤ.