အ့ၣ်မံၣ် (Amy), ဒီး အဲလဲ(န) (Alan) အဖိမုၣ်အိၣ်ဖျဲၣ်ထီၣ်သီဖိ ကၠဲ(မ) (Jam) တဂၤ, အတၢ်အိၣ်သးန့ၣ် ဖျါလၢတၢ်မုၢ်လၢ်တအိၣ်ဘၣ်လၢအဂီၢ်န့ၣ်လီၤ. အိၣ်ဖျဲၣ်ထီၣ်ဝဲဒၣ်ဃုာ်ဒီး trisomy-၁၈ အတၢ်ဆါ, ဒီးပှၤဆိကမိၣ်လၢ ကသံဝဲဒၣ် စှၤသီ, စှၤနွံအတီၢ်ပူၤန့ၣ်လီၤ. လၢတၢ်သူၣ်ဆူၣ်သးဂဲၤတအိၣ်အပူၤ, ကသံၣ်သရၣ် စံးဘၣ်အဝဲသ့ၣ်လၢ “တၢ်ကကူစါအီၤအဂီၢ်, ကကျိၤကျဲတအိၣ်လၢၤဘၣ်,” န့ၣ်လီၤ. ဘၣ်ဆၣ်, အမိၢ်န့ၣ် စံးဝဲဒၣ်လၢ, “ယအိၣ်ဒီးတၢ်မံမီၢ်ကွၢ်စိဖးဒိၣ်လၢအဂီၢ်” န့ၣ်လီၤ. အဝဲသ့ၣ်က့ၤကိး ကၠဲ(မ) ဖိဆူဟံၣ်, ဒီးအဲၣ်ကဟုကယၥ်အီၤန့ၣ်လီၤ. ဒီးဃ့ဘါထုကဖၣ်တၢ်လၢ ကၠဲ(မ) အဂီၢ်န့ၣ်လီၤ.
ဃုနံၣ် လဲၤပူၤကွံာ်ဝံၤ, လၢ ကၠဲ(မ) အနီၢ်ကစၢ်အပူၤန့ၣ်, တၢ်ဃုထံၣ်န့ၢ် တၢ်အချံအဂံၢ်ဖးဒိၣ်, လၢအကဘၣ်ကွဲးထုးထီၣ်ဝဲဒၣ်န့ၣ်လီၤ. ဒီးအပူၤကွံာ်, ကသံၣ်သရၣ်လၢ အကူစါတ့ၢ်အီၤတဂၤ ဟဲနုၥ်လီၤ, ဒီးစံးဝဲဒၣ်လၢ “သုကထံၣ်ဆိမိၣ်ယၤဒ်လဲၣ်န့ၣ် ယသ့ၣ်ညါယဲဘၣ်ဆၣ်, ယအဲၣ်ဒိးလၢ သုကဟ့ၣ်ယၤခွဲးယၥ်ခံဘျီတဘျီ” န့ၣ်လီၤ. ဘၣ်ဃးဒီး ကၠဲ(မ) န့ၣ် အဝဲအၢၣ်လီၤဝဲ အတၢ်ကမၣ်, ဒီးစံးဝဲဒၣ်, “ယကမၤဂ့ၤမၤဘၣ်က့ၤတၢ်အဂီၢ်, ယအဲၣ်ဒိးမၤန့ၢ်ခွဲးယၥ်န့ၣ်လီၤ.” အ့ၣ်မံၣ် ဒီး အဲၣ်လဲ(န) မ့ၢ်တတူၢ်လိာ်ဝဲဒၣ်န့ၣ် သ့ဝဲဘၣ်ဆၣ်, အဝဲသ့ၣ် သ့ၣ်ညါနၢ်ပၢၢ်ဝဲဒၣ် ကစၢ်ယွၤ ပျၢ်တၢ်ကမၣ် အတၢ်စိတၢ်ကမီၤန့ၣ်လီၤ.
လံၥ်စီဆှံအလီၤလံၤအပူၤန့ၣ်, ဝံတဖၣ် ဟဲစိၥ်ဝဲဒၣ် တၢ်ကစီၣ်ဘၣ်ဃးဒီးကစၢ်ယွၤအတၢ်စံၣ်ညီၣ် အပှၤဂီၢ်မုၢ်တဖၣ်အဂီၢ်တလီၢ်လီၢ်န့ၣ်လီၤ. ဘၣ်ဆၣ်, လၢတၢ်စံၣ်ညီၣ် အတၢ်ကစီၣ်အံၤအပူၤန့ၣ် တၢ်ဂ့ၢ်မိၣ်ပှၢ်လၢyပာ်ခူသူၣ်အီၤတန့ၢ်န့ၣ် မ့ၢ်ဝဲဒၣ် ကစၢ်ယွၤအတၢ်အဲၣ်, အတၢ်ပျၢ်တၢ်ကမၣ်, ဒီးအတၢ်ပှ့ၤက့ၤအပှၤဂီၢ်မုၢ်အဂ့ၢ်န့ၣ်လီၤ. ယရှါ ၄၄:၆-၂၀ အပူၤန့ၣ် ဝံပၥ်ဖျါဝဲဒၣ် ပှၤယူဒၤဖိအတၢ်ဒဲးဘးတဖၣ်ဘၣ်ဆၣ်, အတၢ်ပညိၣ်န့ၣ်ဆီတလဲအသး သတူၢ်ကလၥ်န့ၣ်လီၤ. အဆၢဖိ ၂၂ န့ၣ် ဝံပၥ်ဖျါထီၣ် ယွၤအတၢ်ကတိၤ, “ဟဲက့ၤကဒါက့ၤဆူယအိၣ်တက့ၢ်. အဂ့ၢ်ဒ်အံၤ, ယပှ့ၤက့ၤလံနၤလံ” န့ၣ်လီၤ. ကစၢ်ယွၤ အသူးသ့ၣ်ကံၢ်စီန့ၣ် တပျဲယွၤလၢ ကစူးကွံာ်ညိကွံာ်အၦၤဂီၢ်မုၢ်န့ၣ်ဘၣ်. အဆၢဖိ ၂၁ န့ၣ် ယွၤစံးဝဲဒၣ်လၢ “ယတ့နၤ,…….ယတသးပ့ၤနီၣ်ဘၣ်နၤဘၣ်.” ဒီးအဆၢဖိ ၂၃ န့ၣ် ဝံ မၤကတၢၢ်ဝဲဒၣ် အတၢ်ကစီၣ်, “သးဝံၣ်တၢ်, မူခိၣ်ဧၢ, အဂ့ၢ်ဒ်အံၤ, ယွၤမၤတၢ်လံ…….ယွၤပှ့ၤက့ၤလံယၤကိၥ်” န့ၣ်လီၤ.
ဖဲတၢ်ကွဲးကါ ကၠဲ(မ) အကတီၢ်, တၢ်တထံၣ်န့ၢ် တၢ်အချံအဂံၢ်နီတမံၤဘၣ်. ကသံၣ်သရၣ် စံးဝဲဒၣ်လၢ, “တၢ်အံၤမ့ၢ်တၢ်လီၤလး” န့ၣ်လီၤ. တၢ်ထုကဖၣ်အစိကမီၤန့ၣ်လီၤ. ကစၢ်ယွၤလၢအအုၣ်က့ၤခီၣ်က့ၤၦၤတဂၤအစိအကမီၤန့ၣ်လီၤ.
